時間管理

菲菲對時間非常敏感。因為每天既工作都非常多，非常密集，必須於限定時間內完成好多野，所以我對時間 (連同工作效率) 都極為敏感。好處係老細好喜愛，唔好處係我既下屬好大壓力。我已經唔比太多野尖沙咀果邊既行政同事做，不過唔知點解佢都係慢吞吞咁，永遠 meet 唔到死線。有時我忍唔住都冇辦法去催下佢，不過我都唔想催得佢太多，因為唔想令佢有太大壓迫感。昨日同老細開足一日會，有好多野要跟，我只係比左一樣野佢 follow，其他我做哂，點知我做左好幾個 task 之後，佢果一千零一個 task 都未做完，頂！有冇慢成咁？

我地工時比較長，每天正式十粒鐘，有時會唔止。但係長工時不等於工作輕鬆，因為工作量真係勁多，我地呢 d 中小企個個都要一腳踢，時間稍為捉得不緊，好多野都會有骨牌效應。本來請個同事返黎係幫手既，點知我仲要花多 d 時間去跟佢既進度，唉… 不過冇辦法啦，要培養一個人才，係要比多 d 耐性的，當係工作中既另一種訓練啦。