花紅

好多公司如果一年落黎既生意好，都會響年尾分花紅。我公司比較特別，為左推動美容師唔係等到年尾先至追數，會發季度花紅。

今個季度仲有半個月就完勒，有冇花紅分，絕對好睇生意達唔達標。如果分店達標，就全店人都有花紅分，如果唔達就冇。

我店今季份花紅就袋硬，問題係可以再袋多幾多姐。雖然我冇份分季度花紅，不過都好鄧佢地開心。如果佢地下季都分到花紅，我就有機會分到年尾花紅勒。

為左我份花紅，同事們，衝埋佢呀！