人造美麗

做美容行業既，自不然係靚女雲集，就算先天條件不足，都必定會後天培養。

化妝 set 頭呢 d 基本功不在話下，整下水晶甲都已經係初級玩意，因為公司內都有好多同事已經整左。

近來我發現有部份同事忽然靚左好多，雖然佢地冇去整容，不過都用左好多方法去改變自己既外形。

有同事突然「發育」，原來係矯形內衣既功勞。
有同事既頭髮只係及肩，第二日就突然變左一位長曲髮美女，原來去左駁髮。
有同事雙眼突然變大左，原來係戴左黑框隱形眼鏡。
有同事睫毛好似洋娃娃，原來去左植睫毛。

同事們話我天天化妝唔夠 natural，我相信畫皮比起以上各項，都叫做係最 natural 既扮靚方式掛。

又事實證明，世上沒有醜女人，只有懶女人。

我諗，我要勤力返少少勒…