地理常識

有批貨我地趕住要，澳洲供應商果邊遲遲未比 invoice 我，於是我地比唔到錢，即係未有貨。追左幾次 email 都唔覆，唯有打電話啦。因為我間店係冇 IDD 服務的，只有尖沙咀店有，於是我叫左尖沙咀果邊既同事幫我打電話去追。

十幾分鐘過後，尖沙咀既同事打電話黎，我地既對話係︰

同事︰澳洲 (雪梨) 而家幾多點？
菲菲︰早香港 2 個鐘。
同事︰乜澳洲唔係早香港一日咩？
菲菲︰唔係勒掛？只係早 2 個鐘之嘛，邊有一日咁多呀！
同事︰唔係喎，澳洲唔係好遠咩？點解只係早 2 個鐘既？
菲菲︰(已經有 d 出煙) 睇時區地圖啦，澳洲只係早香港 2 個鐘，咁張單幾時比我？
同事︰我仲未打電話呀，諗住人地早我地一日丫嘛。

啤~~~~~~~~~~~~~~

而家學校取消左地理科呀？認真救命！