隨遇而安

做銷售既人，習慣創造條件去達成目標，所以做左老銷咁耐既菲菲，其實都好抗拒「隨遇而安」既心態。呢排自己腦震盪左好多野，令我體會到隨遇而安都有好既一面。

商業活動少不免互相計算，呢個思想以經深植於我既潛意識，演變到所有事都計算一下利害衝突同埋前因後果。當有非理性既事情出現時，往往會當哂機，唔知點比反應。上天正好要比個考驗我，整左單完全非理性既 case 比我 handle，當左成個星期機之後都係諗唔到有咩處理方法，最後決定投降，唔諗住，等自己沉澱同發現。原來，我要處理非理性問題，隨遇而安反而係最好既處理方法。

早幾個月已經發現自己既感性天線失靈，可能個天仲睇住我，所以比左一個試煉我。我仲需要時間去適應理性與感性之間既互動，果然係一堂好有意義既課。

唔知呢篇野講咩唔緊要，我只不過係舒緩下自己既情緒姐。