沒有膠袋

屋企樓下只有一間福佳超市，自從呢間機構忽然環保之後，我就要放棄響超市不顧一切地掃貸既習慣。

菲菲係好支持環保的，亦都贊成福佳或者其他零售業減少派發膠袋，不過就唔多同意售價冇下調空間既講法。超市慳返不少膠袋既成本，冇理由冇減價空間掛？呢 d 大話都呃到人既？唔好用「環保」黎美化自己想增加利潤既行為啦。其實唔派膠袋本身唔係問題，因為我買野盡量都唔用膠袋，不過如果顧客希望有膠袋時就要人捐錢就唔多妥勒。

首先，福佳而家應顧客要求而提供既膠袋，同以往印哂福佳 logo 果種大有分別，可承受既重量一定唔夠有 logo 果種好。即係作為顧客，我已經得唔到以前應有既服務 (可以承受重量既膠袋)，而且為左得到次一級既服務 (薄如蟬翼既膠袋) 竟然要強迫做「善事」，呢種商業邏輯都幾弔詭。先唔理佢收左 d 錢會點推動環保，既然福佳想扮「負責任企業」，請佢將件事包裝得深入 d 丫。做生意既個個都想增加利潤，不過以環保作掩飾就令人反感。