NLP

近年多左人認識 NLP，連靚女主播張慧慈都教 NLP，我雖然未上 practioner，不過對 NLP 都有少少認知。

NLP 入面有好多涉及催眠既部份。每個人都識「催眠」，對象往往係自己。舉個例，如果你成日將「困難」呢個字掛響口邊，你自不然潛意識地認為好多事都係困難，導致面對挑戰時不敢舉步向前或採取行動。又例如，你成日講「我驚比人笑」、「我驚比人鬧」之類既說話，都會影響自己做事船頭驚鬼船尾驚賊。又或者你同自己講「我唔知點做」，你就真係唔會諗解決方法，只會用「唔知點做」黎掩飾過去。以上種種，都係自我催眠既最普遍例證。

仲有更深入既，例如你成日批評別人，你就會吸引人地更用力地批評你。如果你習慣欣賞別人既，其他人都好自然會識英雄重英雄，令你更受別人欣賞。簡單 d 講，你想人地點對你，你就要點對人。世事就係咁奇妙，施予既同時，就係收獲既時候。

最近有同事常常抱怨事事不如意，工作感情都唔理想，終日皺埋眉頭。老老實實，如果你新認識一個成日皺眉頭既人，你都會有好大既意欲去接觸佢啦，更何況發展感情？唔好妄想啦。想受人歡迎都要識得令人感覺舒服先得 ga，埋怨係唔會增加收視率的。有部份女性「朋友」，佢地好唔妥我，因為我成日都係眾人既焦點，間接令到佢地受人冷落。焦點呢樣野，唔係你想做就做既，都要有人肯黎「圍」你先至有得做 ga，呢 d 野冇得迫，只會越迫越有反效果姐。回頭是岸呀！