打小報告

女人多既地方是非多就預左，不過公司入面最製造是非既就係老板娘。

Annie 響呢間公司服務左十年，同老板娘都叫做有幾句傾下。好多時老板娘都將佢響公司既 "所見所聞" 講比 Annie 知，之後 Annie 會講比我知或者講比老細知。是是非非就係咁樣傳開去勒。被老板娘抹黑，連客人都以為我係老細既二奶，呢單野傳左成年都仲有人講緊，唔知 Annie 敢唔敢將呢單八掛新聞講比老細知呢？

昨日 Annie 打電話比我，佢明明係放緊假的，但係佢都搵過老板娘問下星期五開會既事。之後佢問我有冇講有關 OT 既安排，哈哈~ 剛巧我咩都有講就係唔記得講呢樣，咁就成為左我失職既炒作新聞勒。真係 EQ 低 d 都激死呀。本來都激氣左一陣既，不過我冷靜左之後就唔嬲勒。唔好意思，唔係因為我大量，係因為我要諗清楚下一步應該點做。菲菲最大既缺點係記仇，老板娘當然係唔會離職啦，不過我要諗清楚如何另佢冇左工作上既 "影響力"，等佢冇得響公事上再打我小報告。雖然老細未必會信，不過我而家係搵緊錢比你去揮霍呀八婆！唔該比返基本尊重我丫！而家我未有把握就忍住你先，不過當我有足夠既力量同埋把握，我會令你一厥不振。老板娘，都係去下 shopping，歎下 high tea 好勒，返工呢 d 粗重野唔駛勞煩你。