Workacholic

沉醉工作抑或是工作狂？

菲菲肯定係沉醉於工作既人。

撫心自問，我好好好好好好鍾意返工，好鍾意解決工作問題，好鍾意做別人做唔到既 task，好鍾意諗有關工作既野，好唔鍾意放工，甚至好唔鍾意放假 (星期日除外)。我有 3 年冇放過一日大假既紀錄，亦都試過連續 3 個月都冇放過假，即係一星期返足七日。我諗，好似我咁，返工返上癮既人，應該唔係好多，起碼，我公司得我一個。

打從第一份工開始，我就好得老細歡心。因為我一定係公司入面數一數二博到盡又唔會要求加人工既員工，你話幾傻呢。打左咁多年工，仲同好多舊老細保持良好關係，我諗都唔係好多打工仔會係咁。之不過我有一個缺點，就係當份工冇左挑戰性既時候，我就會轉工。所以基本上我係一年轉一份工的，呢下就最傷老細心。而家我唔會輕易轉工了，因為呢間公司仲不斷有新挑戰比我，而且，我都想磨練一下自己既耐性，呢樣野係我最弱既一環。要打一份工超過五年都仲好新鮮，就係我而家比自己既挑戰。