樂得清閒

老細終於向現實低頭，願意請一個 part time 幫我手，起碼響我放產假時都有人做下 admin 既野。其實響請呢個 part time 之前，老細見我好似好輕鬆咁做哂 d paper work，就諗住連 part time 人工都慳返自己做。不過老細始終冇 office work 底，同埋電腦知識極度貧乏，所以我教左佢 2 個星期，佢都 pick up 唔到一半既野。終於佢頂唔順 (其實我一早已經頂佢唔順！學野咁 Q 慢，教到我把幾火) 就批准我請人黎幫手勒。好在有朋友介紹，請左個好幫手，我只係 train 左佢唔夠 8 粒鐘，佢已經知道哂 d 野點做勒。加上而家我不理朝政，開會零輸出，所以我既工作已經去到一個好清閒，返工等放工既地步勒。哈哈！本來我想花多 d 時間響提高管理同埋銷售既質素，不過老細而家變左秦始王，順我者昌，逆我者亡，為左保住命仔，我只有唔出鼙由得老細自己想點就點勒。

距離我放產假仲有 2 個星期，希望呢段時間可以繼續安穩地渡過啦。