8月31日，追數完畢。今個月既紀錄，希望響半年內可以打破。
今個月，做左 08 年既單月 target… XD
開心到咩都唔識講！哈哈哈~~
2007年8月30日 星期四
愛情來的時候
愛情來的時候，你會怎樣？會日日掛住拍拖？冇心機做野？定係以其他更沉醉既方式去迎接一段戀情？
我既「朋友」April 為左迎接一段戀情，斷送左好多友誼。April 本來真係我既朋友，起碼我一直都當佢係我既朋友。我地一齊上過 training，亦一齊攪過 training，又有共同朋友銀狐，大家見面既機會多，話題亦有深度，響多方面黎講我地都算係同聲同氣既戰友。而且佢比我既印象都係一個爽直既人，我最鍾意同女中豪傑做朋友，因為大家都可以暢所欲言，唔需要擔心唔覺意講錯一句說話就冇左個朋友。
早排從銀狐口中得知，April 原來早在 2 年前已經對我不滿，仲成日響銀狐面前數落我。第一次知道既時候，我覺得非常愕然，從來冇諗過一個我都有幾分尊敬既人，對我不滿左咁耐都冇同我講過，仲要響我最好既朋友面前數落我。不過算啦，世途險惡，你當人地係朋友，人地係唔需要當返你係朋友的。所以我聽完之後就算，反正呢排大家都冇咩聯絡，佢講左 d 咩對我黎講根本唔重要。
今日同銀狐傾下閒計時，佢特然好嚴肅咁講︰「我真係頂 April 唔順，佢為左討好佢既新男友，竟然出賣哂佢既所有朋友，連我都想出賣埋。佢成日話你利用我，其實係佢不斷利用佢身邊既人就真。」聽到我一頭霧水，我都唔知佢點樣為左新男朋友而出賣朋友。原來 April 剛拍拖既男友原本係佢既 coachee (April 係一個企業教練)，個男既本來有一個準備結婚既女友，但係為左同 April 一齊就同女友分左手。呢件事已經令 April 既形象大受損害。不過感情既野，旁人唔應該比任何意見的，始終呢 d 都係佢地自己既事。
近排佢男友要攪生意，就搵左銀狐同埋我地既另一個朋友 Peggy 做 Biz Coach。做企業教練係唔需要參與任何企業運作的，只需要協助企業找出盲點並加以改善就功德完滿勒。如何成為一位出色既企業教練響度暫且按下不表，呢件事既主旨係，April 要求銀狐同 Peggy 為佢男友既生意籌集 200 萬資金。唔係掛？自己攪生意唔係搵定水喉咩？點解你搵朋友幫手做 Biz Coach 又會變左要朋友交數比你攪生意？April 本身都係一個企業教練，佢自己冇理由唔知教練係唔可以參與公司既任何運作掛？原來理由好簡單，佢以邀請朋友做教練為名，實質係要呢班朋友每人夾返份「股份」比佢男友攪生意。
咁都唔緊要，佢有佢迫姐，大家可以唔理佢的。April 見大家都唔理佢，就出到「負責任」呢 d 成長課程既鬼話，猛攻朋友們不負責任，冇兌現自己既承諾。哈哈哈哈哈！通常話人地不負責任既人就係最不負責任既人，佢冇理由唔知掛？我以前認識既 April 唔係一個是非黑白不分既人，點解為左一個男人會變成咁？
好在佢一早已經冇當我係朋友，所以冇出賣我。Thanks God！
不過最可惜既係，愛情來的時候，竟然係斷六親既時候，希望 April 早日回頭是岸。善哉善哉！
我既「朋友」April 為左迎接一段戀情，斷送左好多友誼。April 本來真係我既朋友，起碼我一直都當佢係我既朋友。我地一齊上過 training，亦一齊攪過 training，又有共同朋友銀狐，大家見面既機會多，話題亦有深度，響多方面黎講我地都算係同聲同氣既戰友。而且佢比我既印象都係一個爽直既人，我最鍾意同女中豪傑做朋友，因為大家都可以暢所欲言，唔需要擔心唔覺意講錯一句說話就冇左個朋友。
早排從銀狐口中得知，April 原來早在 2 年前已經對我不滿，仲成日響銀狐面前數落我。第一次知道既時候，我覺得非常愕然，從來冇諗過一個我都有幾分尊敬既人，對我不滿左咁耐都冇同我講過，仲要響我最好既朋友面前數落我。不過算啦，世途險惡，你當人地係朋友，人地係唔需要當返你係朋友的。所以我聽完之後就算，反正呢排大家都冇咩聯絡，佢講左 d 咩對我黎講根本唔重要。
今日同銀狐傾下閒計時，佢特然好嚴肅咁講︰「我真係頂 April 唔順，佢為左討好佢既新男友，竟然出賣哂佢既所有朋友，連我都想出賣埋。佢成日話你利用我，其實係佢不斷利用佢身邊既人就真。」聽到我一頭霧水，我都唔知佢點樣為左新男朋友而出賣朋友。原來 April 剛拍拖既男友原本係佢既 coachee (April 係一個企業教練)，個男既本來有一個準備結婚既女友，但係為左同 April 一齊就同女友分左手。呢件事已經令 April 既形象大受損害。不過感情既野，旁人唔應該比任何意見的，始終呢 d 都係佢地自己既事。
近排佢男友要攪生意，就搵左銀狐同埋我地既另一個朋友 Peggy 做 Biz Coach。做企業教練係唔需要參與任何企業運作的，只需要協助企業找出盲點並加以改善就功德完滿勒。如何成為一位出色既企業教練響度暫且按下不表，呢件事既主旨係，April 要求銀狐同 Peggy 為佢男友既生意籌集 200 萬資金。唔係掛？自己攪生意唔係搵定水喉咩？點解你搵朋友幫手做 Biz Coach 又會變左要朋友交數比你攪生意？April 本身都係一個企業教練，佢自己冇理由唔知教練係唔可以參與公司既任何運作掛？原來理由好簡單，佢以邀請朋友做教練為名，實質係要呢班朋友每人夾返份「股份」比佢男友攪生意。
咁都唔緊要，佢有佢迫姐，大家可以唔理佢的。April 見大家都唔理佢，就出到「負責任」呢 d 成長課程既鬼話，猛攻朋友們不負責任，冇兌現自己既承諾。哈哈哈哈哈！通常話人地不負責任既人就係最不負責任既人，佢冇理由唔知掛？我以前認識既 April 唔係一個是非黑白不分既人，點解為左一個男人會變成咁？
好在佢一早已經冇當我係朋友，所以冇出賣我。Thanks God！
不過最可惜既係，愛情來的時候，竟然係斷六親既時候，希望 April 早日回頭是岸。善哉善哉！
2007年8月29日 星期三
DRY
菲菲既生活，原來係好 dry 的。返工、上 training、寫 blog、睇書、食、買、ZZZzzz，之後就冇勒。原來我冇培養下 d 咩興趣，又冇去旅行 (上次去旅行已是 2000 既事了，2010 都快到…)，朋友聚會都好少露面，因為響我心目中，真正既朋友唔夠 5 個，其他果 d 都係酒肉朋友，見多見少都冇問題。加上而家唔想跳糟又唔想攪 training，連見酒肉朋友既最後一個目的都冇埋，更加冇推動力去應酬。而且而家年事已高兼有 Tiger 在旁，亦都唔會花時間響粉紅約會上，連女仔既「人生樂趣」都放棄埋。
早排曾經心動過想攪返 training，不過又想 upgrade 下自己先再攪，所以私人生活方面真係 dry 到爆。到否極泰來既時候，我就會再次出動，做返 d 轟轟烈烈既事，例如攪返 d 有特色既 training，又再過下 Trainer 癮，哈哈~
其實，閉門反省都係一種樂趣。
早排曾經心動過想攪返 training，不過又想 upgrade 下自己先再攪，所以私人生活方面真係 dry 到爆。到否極泰來既時候，我就會再次出動，做返 d 轟轟烈烈既事，例如攪返 d 有特色既 training，又再過下 Trainer 癮，哈哈~
其實，閉門反省都係一種樂趣。
年青一代
呢排要請 junior staff，有好多少女黎見工，越見得多，越為而家年青既一代而慨嘆。
好多黎見既女仔都係十幾廿歲既青春少艾，佢地見工時好多都係我講多過佢地講。問左一個問題，都要諗成十秒先至有一個極簡短既回答。響見工既過程，完全感覺唔到靈魂既存在。對答完全冇自信心，冇熱誠，冇夢想，同條咸魚冇咩分別。
服務性行業一向要以客為先，服務至上，連基本既笑容都冇一個，你叫我點請得落手？仲有，有部份女仔工作左唔到一年，份履歷都寫左好幾份工，份份工都唔過試用期，咁我又點會放心請佢地？點解而家年青既一代會咁冇 heart？連見工既標準答案都冇一個，究竟佢地知唔知如何可以令僱主放心聘用？
就算勉強請左 d 女仔返黎，好多時都係做唔過試用期就拜拜。有 d 人認為公司對好數既同事特別好，所以唔公平；有 d 就認為公司規矩多唔想遵守；有 d 就身子好弱，成日「病」。總之一句講哂，就係只想有收獲，但係唔想付出。有個女仔做埋呢個月又唔做勒，因為嫌辛苦，有咩工作係唔辛苦又搵到錢的？有既話，我都想去做。
好多黎見既女仔都係十幾廿歲既青春少艾，佢地見工時好多都係我講多過佢地講。問左一個問題，都要諗成十秒先至有一個極簡短既回答。響見工既過程，完全感覺唔到靈魂既存在。對答完全冇自信心，冇熱誠，冇夢想，同條咸魚冇咩分別。
服務性行業一向要以客為先，服務至上，連基本既笑容都冇一個，你叫我點請得落手？仲有，有部份女仔工作左唔到一年，份履歷都寫左好幾份工，份份工都唔過試用期，咁我又點會放心請佢地？點解而家年青既一代會咁冇 heart？連見工既標準答案都冇一個，究竟佢地知唔知如何可以令僱主放心聘用？
就算勉強請左 d 女仔返黎，好多時都係做唔過試用期就拜拜。有 d 人認為公司對好數既同事特別好，所以唔公平；有 d 就認為公司規矩多唔想遵守；有 d 就身子好弱，成日「病」。總之一句講哂，就係只想有收獲，但係唔想付出。有個女仔做埋呢個月又唔做勒，因為嫌辛苦，有咩工作係唔辛苦又搵到錢的？有既話，我都想去做。
2007年8月28日 星期二
Workacholic
沉醉工作抑或是工作狂？
菲菲肯定係沉醉於工作既人。
撫心自問，我好好好好好好鍾意返工，好鍾意解決工作問題，好鍾意做別人做唔到既 task，好鍾意諗有關工作既野，好唔鍾意放工，甚至好唔鍾意放假 (星期日除外)。我有 3 年冇放過一日大假既紀錄，亦都試過連續 3 個月都冇放過假，即係一星期返足七日。我諗，好似我咁，返工返上癮既人，應該唔係好多，起碼，我公司得我一個。
打從第一份工開始，我就好得老細歡心。因為我一定係公司入面數一數二博到盡又唔會要求加人工既員工，你話幾傻呢。打左咁多年工，仲同好多舊老細保持良好關係，我諗都唔係好多打工仔會係咁。之不過我有一個缺點，就係當份工冇左挑戰性既時候，我就會轉工。所以基本上我係一年轉一份工的，呢下就最傷老細心。而家我唔會輕易轉工了，因為呢間公司仲不斷有新挑戰比我，而且，我都想磨練一下自己既耐性，呢樣野係我最弱既一環。要打一份工超過五年都仲好新鮮，就係我而家比自己既挑戰。
菲菲肯定係沉醉於工作既人。
撫心自問，我好好好好好好鍾意返工，好鍾意解決工作問題，好鍾意做別人做唔到既 task，好鍾意諗有關工作既野，好唔鍾意放工，甚至好唔鍾意放假 (星期日除外)。我有 3 年冇放過一日大假既紀錄，亦都試過連續 3 個月都冇放過假，即係一星期返足七日。我諗，好似我咁，返工返上癮既人，應該唔係好多，起碼，我公司得我一個。
打從第一份工開始，我就好得老細歡心。因為我一定係公司入面數一數二博到盡又唔會要求加人工既員工，你話幾傻呢。打左咁多年工，仲同好多舊老細保持良好關係，我諗都唔係好多打工仔會係咁。之不過我有一個缺點，就係當份工冇左挑戰性既時候，我就會轉工。所以基本上我係一年轉一份工的，呢下就最傷老細心。而家我唔會輕易轉工了，因為呢間公司仲不斷有新挑戰比我，而且，我都想磨練一下自己既耐性，呢樣野係我最弱既一環。要打一份工超過五年都仲好新鮮，就係我而家比自己既挑戰。
抒緩壓力
本來想熄電腦 ZZZzzzz 的，不過剛想起有 d 野想寫下，又忍唔住勒… 哈哈~
做左咁多年 sales，雖然而家唔駛跑數，不過對每月追 target 呢樣野已經成為工作習慣，亦係生活既一部份，所以我都有好多文章係關於跑數的。我好享受跑數，因為挑戰高難度動作一向係我既嗜好，破紀錄係我既興趣，被褒揚係我既習慣。 <-- 自大狂
當然，響破紀錄既同時，唔多唔少都會有 d side effect，就係工作壓力會大 d，為左平衡一下自己，響做老散時最喜愛以瘋狂購物去宣洩工作壓力。而家人大左，洗錢都會停一停諗一諗的，不過呢排有 d 故態復萌，一口氣買左好多野去「獎勵」自己。不過而家冷靜落黎就覺得好肉痛，因為而家冇佣金的，跑幾多數都係出咁多糧，無啦啦洗左咁多錢，就黎乾塘勒… 好在我唔用信用卡的，唔駛驚月尾找數，呵呵呵~
而家寫呢篇野，係提醒下自己，唔好再買野勒！雖然就快出糧姐，都唔好去得咁盡丫~
做左咁多年 sales，雖然而家唔駛跑數，不過對每月追 target 呢樣野已經成為工作習慣，亦係生活既一部份，所以我都有好多文章係關於跑數的。我好享受跑數，因為挑戰高難度動作一向係我既嗜好，破紀錄係我既興趣，被褒揚係我既習慣。 <-- 自大狂
當然，響破紀錄既同時，唔多唔少都會有 d side effect，就係工作壓力會大 d，為左平衡一下自己，響做老散時最喜愛以瘋狂購物去宣洩工作壓力。而家人大左，洗錢都會停一停諗一諗的，不過呢排有 d 故態復萌，一口氣買左好多野去「獎勵」自己。不過而家冷靜落黎就覺得好肉痛，因為而家冇佣金的，跑幾多數都係出咁多糧，無啦啦洗左咁多錢，就黎乾塘勒… 好在我唔用信用卡的，唔駛驚月尾找數，呵呵呵~
而家寫呢篇野，係提醒下自己，唔好再買野勒！雖然就快出糧姐，都唔好去得咁盡丫~
2007年8月26日 星期日
2007年8月17日 星期五
謊言
有一個 supplier 既代表，為左我地肯落單，就咩都會應承我地，例如數期、贈品及各種售後服務。我地見佢肯提供咁多方便同支援比我地，我地都好願意同呢間 supplier 合作。之前 Louis 同呢間 supplier 攪得極不愉快，連老細都對呢間公司有微言。
呢間公司既 sales，每次要我地落單都誓神劈願咁咩都應承哂，一到出貨之前就諸多留難，又要我地先錢後貨，又 hold 起我批貨唔貨唔肯比我。上星期我地因為欠下客人太多貨，都要同佢地落單。落單時講好左，我先找哂之前既數，今張單就下個月比埋，仲要佢地比返欠我地既贈品，佢都一口應承。
點知昨日本應要送貨既，佢就話佢公司唔肯出貨比我，一定要我地先找數先至會比貨我地。原先我都同佢講︰「只要你比左貨我，我就有把握同你傾早 d 找數。不過因為之前你地追數太密，又冇共識，所以老細對你既信心都唔大，都係見到貨之後先至可以同佢傾找數既事。不過我都會盡力幫你，只要你兌現你既承諾，今日比貨我就萬事有商量。」佢就話會同我爭取云云。事情由朝早攪到黃昏，佢都不斷 call 我要我比張期票佢先至肯送貨，又話唔夠貨，要爭住我地幾樣先。期票呢下野就唔駛問都知老細唔會理佢啦，貨都算勒，你比住部份我先，等我應付左 d 客先都好丫。點知到晚上，佢話只可以比住 2 支貨我先。當時我真係嬲都忍唔住鬧佢︰「而家你當我係乞兒呀？我訂左咁大批貨你比 2 支我？我唔要呀！」之後就 cup 左佢線。冇幾耐之後，真係有人送左 2 支貨黎，我就叫左佢走，我話一係你就成批比我，2 支我係唔會收既。
到今朝，個 sales 又打電話黎問我要支票，我一時氣上心頸，就講︰「咁你以後都唔駛送貨黎勒！」講完即刻 cup 線。一個鐘之後，佢公司有人打電話黎話果個 sales 已經冇做勒 (快成咁？)，而佢地既 manager 就好想今日見我，想瞭解清楚件事，我都比埋最後一次機會佢地，睇下佢地比咩解釋我。
佢地既經理上到黎之後，起碼用左十分鐘時間道歉，仲話果 sales 已經即時辭左職，所以即時上黎希望補救返件事。一傾之下，先至發現個 sales 大話連篇，佢一直都同佢公司講我地係即時比錢既，但係我地明明係 deal 左一個月找一次數嘛，原來個 supplier 都願意提供一個月找數既條款，但係個 sales 就唔知點解自己要收數先。仲有佢地已經準備好哂贈品比我地，但係竟然不翼而飛，唔知個 sales 點樣 "處理" 左我批贈品。仲有好多其他野，都寫唔哂咁多，總之就係我地既要求根本上個 supplier 已經 approve 哂，但係一去到 sales 度就 hold 住哂我地既貨就迫我地比錢，先至攪到大家咁不愉快。
既然人地都上黎解釋清楚，仲響 2 小時內比哂 d 貨我地，我就比埋呢次機會佢地公司，睇下佢地換左人跟我地既 a/c 之後有冇改善。原則上呢間 supplier 既貨都好好賣，我都唔想因一時之氣就攪亂公司既生意，希望佢地會兌現今日所講既野啦。
呢間公司既 sales，每次要我地落單都誓神劈願咁咩都應承哂，一到出貨之前就諸多留難，又要我地先錢後貨，又 hold 起我批貨唔貨唔肯比我。上星期我地因為欠下客人太多貨，都要同佢地落單。落單時講好左，我先找哂之前既數，今張單就下個月比埋，仲要佢地比返欠我地既贈品，佢都一口應承。
點知昨日本應要送貨既，佢就話佢公司唔肯出貨比我，一定要我地先找數先至會比貨我地。原先我都同佢講︰「只要你比左貨我，我就有把握同你傾早 d 找數。不過因為之前你地追數太密，又冇共識，所以老細對你既信心都唔大，都係見到貨之後先至可以同佢傾找數既事。不過我都會盡力幫你，只要你兌現你既承諾，今日比貨我就萬事有商量。」佢就話會同我爭取云云。事情由朝早攪到黃昏，佢都不斷 call 我要我比張期票佢先至肯送貨，又話唔夠貨，要爭住我地幾樣先。期票呢下野就唔駛問都知老細唔會理佢啦，貨都算勒，你比住部份我先，等我應付左 d 客先都好丫。點知到晚上，佢話只可以比住 2 支貨我先。當時我真係嬲都忍唔住鬧佢︰「而家你當我係乞兒呀？我訂左咁大批貨你比 2 支我？我唔要呀！」之後就 cup 左佢線。冇幾耐之後，真係有人送左 2 支貨黎，我就叫左佢走，我話一係你就成批比我，2 支我係唔會收既。
到今朝，個 sales 又打電話黎問我要支票，我一時氣上心頸，就講︰「咁你以後都唔駛送貨黎勒！」講完即刻 cup 線。一個鐘之後，佢公司有人打電話黎話果個 sales 已經冇做勒 (快成咁？)，而佢地既 manager 就好想今日見我，想瞭解清楚件事，我都比埋最後一次機會佢地，睇下佢地比咩解釋我。
佢地既經理上到黎之後，起碼用左十分鐘時間道歉，仲話果 sales 已經即時辭左職，所以即時上黎希望補救返件事。一傾之下，先至發現個 sales 大話連篇，佢一直都同佢公司講我地係即時比錢既，但係我地明明係 deal 左一個月找一次數嘛，原來個 supplier 都願意提供一個月找數既條款，但係個 sales 就唔知點解自己要收數先。仲有佢地已經準備好哂贈品比我地，但係竟然不翼而飛，唔知個 sales 點樣 "處理" 左我批贈品。仲有好多其他野，都寫唔哂咁多，總之就係我地既要求根本上個 supplier 已經 approve 哂，但係一去到 sales 度就 hold 住哂我地既貨就迫我地比錢，先至攪到大家咁不愉快。
既然人地都上黎解釋清楚，仲響 2 小時內比哂 d 貨我地，我就比埋呢次機會佢地公司，睇下佢地換左人跟我地既 a/c 之後有冇改善。原則上呢間 supplier 既貨都好好賣，我都唔想因一時之氣就攪亂公司既生意，希望佢地會兌現今日所講既野啦。
2007年8月16日 星期四
教育
雖然我唔係教師，但係都真正從事左教育事業都有幾年既時間。我教既並唔係學校既科目，而係工作實戰既必要技能。
做銷售訓練，並唔係定下目標，卒下數，嗌下口號呢 d 膚淺皮毛既野，而係由心開始，建立一個正確既工作態度。呢 d 野學校冇得學，但係絕對係工作既必要技能。基本如待人接物、溝通技巧、商談技巧、基本心理學等等一大堆既野，如果你識，工作上就順利一 d；如果唔識，就唔好怨點解升職加薪受人賞識既野冇你份。唔好將奉承、擦鞋、篤背脊、獻媚呢 d 不正當既手段同職場技巧掛鈎，2 樣野響心態上係有極大既差異。如果你認為人地上位係因為做左以上各項不正當既事，我諗閣下先至自我反省，點解你會以負面既角度看世界。事件本身冇取態，但係你既詮釋角度就由你自己取態。
講返教育，要訓練出色既銷售人員，就要從建立正面心態入手。所有事情有因必有果，而 "因" 往往係自己種的，所以就會自食其果。你做得好，自然會修成正果，你做就唔好，就唔好推卸責任，認為係人地出古惑或者客人有問題。歸根究底，所有既果就係反影左你種既因。如果現時發展唔理想，唔好認係係公司、同事、制度、客人等等有問題，先要問一問自己︰「我仲有 d 咩未做得好，所以有咁既結果呢？」懂得自省，之後識得自己找尋改善方法，先至係職場生存之道。
不過要教識員工對自己有承擔，仲有一大段路要走。
我，都係學緊點做一個好導師，磨練緊自己既另一種職場技能。
做銷售訓練，並唔係定下目標，卒下數，嗌下口號呢 d 膚淺皮毛既野，而係由心開始，建立一個正確既工作態度。呢 d 野學校冇得學，但係絕對係工作既必要技能。基本如待人接物、溝通技巧、商談技巧、基本心理學等等一大堆既野，如果你識，工作上就順利一 d；如果唔識，就唔好怨點解升職加薪受人賞識既野冇你份。唔好將奉承、擦鞋、篤背脊、獻媚呢 d 不正當既手段同職場技巧掛鈎，2 樣野響心態上係有極大既差異。如果你認為人地上位係因為做左以上各項不正當既事，我諗閣下先至自我反省，點解你會以負面既角度看世界。事件本身冇取態，但係你既詮釋角度就由你自己取態。
講返教育，要訓練出色既銷售人員，就要從建立正面心態入手。所有事情有因必有果，而 "因" 往往係自己種的，所以就會自食其果。你做得好，自然會修成正果，你做就唔好，就唔好推卸責任，認為係人地出古惑或者客人有問題。歸根究底，所有既果就係反影左你種既因。如果現時發展唔理想，唔好認係係公司、同事、制度、客人等等有問題，先要問一問自己︰「我仲有 d 咩未做得好，所以有咁既結果呢？」懂得自省，之後識得自己找尋改善方法，先至係職場生存之道。
不過要教識員工對自己有承擔，仲有一大段路要走。
我，都係學緊點做一個好導師，磨練緊自己既另一種職場技能。
2007年8月15日 星期三
鞭屍
一個恐怖既標題，有部份係代表左我既心情。
自從 Louis 走左之後，佢既工作完全被我接收，佢之前聯絡開既 biz partners 全部都約見了。同呢班 biz partner 會面時，都有以下共通點︰
自從 Louis 走左之後，佢既工作完全被我接收，佢之前聯絡開既 biz partners 全部都約見了。同呢班 biz partner 會面時，都有以下共通點︰
- 對我地公司既瞭解實在太少，所以需要我再詳述一次，攪到我好似一部錄音機咁。
- 佢地既服務範圍同方針同我地原先既要求有極大出入，需要重新 fine tune。
- 佢地都對 Louis 或多或少有 d 不滿，人去茶涼本是平常事，不過人人都好似鞭屍咁鞭，似乎 d 茶涼得快左 d 喎。
2007年8月14日 星期二
復出
公私兩忙再加上抱恙，想寫 blog 都忽然大腦閉塞，唔知寫咩好。
呢幾日發生太多太多事，都唔想一一詳述，不過現時大致上係覺得鬆一口氣的。新同事人選已經敲定，麻煩事又攪掂大半，新工作日程又編排好，工作間又回復整潔 (早幾日亂到比人鬧…)，身體又冇咁辛苦 (仲行得走得未暈到街上)，唯獨是有一件事仲纏繞住我的。上星期我口快快應承左幫銀狐打筆記，當我見到本筆記時真係既驚且喜。喜既係本筆記既內容真係正到不得了，驚既係本筆記係 A4 size、黃頁咁厚同埋 d 字好密… 睇下就已經夠嚇人了。比著平時都唔係問題，問題係呢排體力透支，個 turbo 想開都開唔到咁 "行"，唯有首次認下低威，同佢講定做唔切啦。起碼比定個心理準備佢，等佢搵人補下飛都好丫。
仲有一單野係好攪笑的，今日銀狐搵我食飯，佢都係一個專業 trainer，之前我地都一齊攪過訓練，嚴格黎講係佢攪訓練而我就從旁協助。一個訓練通常係有一個 trainer 加一隊 crew，當時銀狐係 trainer，我同另外 2 個人係 crew，負責 support 成個訓練既流程。呢個訓練都係差唔多 2 年前攪 lu，到左今日，銀狐先至爆比我知，當時其中一個 crew member (女士來的) 好唔妥我，佢認為我利用銀狐上位，而銀狐為左幫我上位就利用左果位女士幫手云云。聽完之後，首先係一頭霧水，我幾時利用過銀狐呀？果次佢先至係 trainer，其他人鬼知我係乜水咩，我都係幫頭幫尾既亞四之嘛… 有咩位上呢？ R 哂頭。
之後先知道，原來果位女士唔鍾意銀狐對我好 d，所以睇我唔順眼。Oh my God！又一酲冤枉乾醋，真係九唔搭八。我同銀狐係十幾年老死，好多人都知，佢對我好有幾出奇？銀狐有老婆，我有男友，果位女士有老公，唔係咁都有醋吃呀？好出人意表喎！聽完唔單止唔嬲，仲幾乎笑死了。幾十歲人都唔化，幫佢唔到。唔怪之得之後我地一齊去上 training 時果位女士既態度咁古怪啦，原來佢既前設思想都幾估佢唔到。
呢幾日發生太多太多事，都唔想一一詳述，不過現時大致上係覺得鬆一口氣的。新同事人選已經敲定，麻煩事又攪掂大半，新工作日程又編排好，工作間又回復整潔 (早幾日亂到比人鬧…)，身體又冇咁辛苦 (仲行得走得未暈到街上)，唯獨是有一件事仲纏繞住我的。上星期我口快快應承左幫銀狐打筆記，當我見到本筆記時真係既驚且喜。喜既係本筆記既內容真係正到不得了，驚既係本筆記係 A4 size、黃頁咁厚同埋 d 字好密… 睇下就已經夠嚇人了。比著平時都唔係問題，問題係呢排體力透支，個 turbo 想開都開唔到咁 "行"，唯有首次認下低威，同佢講定做唔切啦。起碼比定個心理準備佢，等佢搵人補下飛都好丫。
仲有一單野係好攪笑的，今日銀狐搵我食飯，佢都係一個專業 trainer，之前我地都一齊攪過訓練，嚴格黎講係佢攪訓練而我就從旁協助。一個訓練通常係有一個 trainer 加一隊 crew，當時銀狐係 trainer，我同另外 2 個人係 crew，負責 support 成個訓練既流程。呢個訓練都係差唔多 2 年前攪 lu，到左今日，銀狐先至爆比我知，當時其中一個 crew member (女士來的) 好唔妥我，佢認為我利用銀狐上位，而銀狐為左幫我上位就利用左果位女士幫手云云。聽完之後，首先係一頭霧水，我幾時利用過銀狐呀？果次佢先至係 trainer，其他人鬼知我係乜水咩，我都係幫頭幫尾既亞四之嘛… 有咩位上呢？ R 哂頭。
之後先知道，原來果位女士唔鍾意銀狐對我好 d，所以睇我唔順眼。Oh my God！又一酲冤枉乾醋，真係九唔搭八。我同銀狐係十幾年老死，好多人都知，佢對我好有幾出奇？銀狐有老婆，我有男友，果位女士有老公，唔係咁都有醋吃呀？好出人意表喎！聽完唔單止唔嬲，仲幾乎笑死了。幾十歲人都唔化，幫佢唔到。唔怪之得之後我地一齊去上 training 時果位女士既態度咁古怪啦，原來佢既前設思想都幾估佢唔到。
2007年8月11日 星期六
2007年8月9日 星期四
攪清楚
我店既舖係租的，死約仲有三個月就到期，生約又冇明文規定一定要租返比我地 (當年老細仲未有律師幫手睇約，唔識更改呢 d 條文)，呢單野都已經夠頭痕了。屋漏就一定兼逢夜雨的，業主決定賣左間舖佢，令老細更加心驚膽跳，怕要隨時要執包袱走人。好在業主都叫做有返 d 良知，賣盤時講明係要租返比我地先至賣，所以我地暫時都唔駛擔心另覓新舖既問題。
不過新業主認為我地既租金太平宜了，所以響我地死約完左之後，要我地簽新租約，大幅加租百分之五十！好在我地原本既租金真係唔算高，所以加左百分之五十都唔駛死。老細一向最最最緊張錢的，加佢租喎，仲得了既？不過佢又唔想搬舖住，唯有頂硬上啦。之後老細就搵我傾，話加左租之後生意要增加百分之五十云云。好在我都仲清醒，同佢冷靜分析形勢。首先加左租就梗係要博命 d 搵錢啦，不過我地既 target 係 keep 人工加租金響生意額既一半就已經 ok 勒，如果只係加左租，人工或者人手冇加既，又點需要做多百分之五十既生意呀？我計過勒，只係需要做多百分之十就得勒。
之後老細又講︰「但係我個個月既支出都好緊下喎，有乜理由做左十個巴就可以攪得掂呀？我自己份糧都未出呀…」
未聽老細呻完，我就講︰「冷靜 d 先，以我地既經驗，只要營業額達到人工同埋租金既一倍，就有能力做現金儲備嘛。我店既營業額個個月都達標喎，問題絕對唔係出現響呢度。你諗真 d，你定比尖沙咀既所謂 target 只係剛剛夠交租同出糧，佢地仲要從未達標，問題就係出響尖沙咀度，因為果邊蝕錢，所以你要將我店既利潤補貼尖沙咀呀。所以你未有 cash flow 既問題 lor。」
老細好似如夢初醒咁問︰「下？係咩？果邊既成本好高咩？」
我即時計比佢睇，佢先至知實情係點。之後例牌又問︰「咁點解決？」
解決方法未講，先派下定心丸先︰「我店既同事當然要加把勁去跑多十個巴仙啦，不過呢度唔成問題。尖沙咀果邊就要攪返好同事既質素先，而家 Louis 走左，新請既同事又唔需要出咁高人工，打埋條數，你響人工度慳左既錢，岩岩夠你交加左既租金。所以數字上你係唔駛額外駛錢的。」呢招果然有效，老細即時定哂，吁一口氣︰「係喎，駛費冇多到喎，只係人工變左租金之嘛… 嚇得我丫~」
解決方法黎勒︰「好在 Louis 走左，新請既同事係比較 junior 的，雖然決策上佢唔會參與，不過行政同日常運作我唔駛擔心先。因為 Louis 唔鍾意做 admin 既工作，而家請既人既履歷全部都係 admin，起碼呢一 part 你可以放心先。仲有，我會多 d 過尖沙咀，一黎帶住新同事做野，二黎係睇住班女。當我地星期一炒左唔聽話既美容師之後，就會有殺一警百既效果，到時班女唔敢兇返你轉頭，除非佢地都唔想做姐。以前大家都知 Louis 唔聽我支笛，佢地可以趁我行轉背時玩陽奉陰違，而家新同事係 report 比我的，我仲授權佢監察住班女，佢地就唔會有挑戰公司底線既行徑出現勒。如果有，都係照炒唔駛比面，咁佢地就會慢慢知道公司係認真的，留低既就會認真工作，因為唔認真果班一定好快炒哂。只要公司行政果 part 攪好左，我就可以催谷生產力勒。」
好在我即時比老細攪清楚問題既所在，唔係邊間加租就卒邊間，應該係邊間有問題就攪邊間。咁先至玩得命長久的。
不過新業主認為我地既租金太平宜了，所以響我地死約完左之後，要我地簽新租約，大幅加租百分之五十！好在我地原本既租金真係唔算高，所以加左百分之五十都唔駛死。老細一向最最最緊張錢的，加佢租喎，仲得了既？不過佢又唔想搬舖住，唯有頂硬上啦。之後老細就搵我傾，話加左租之後生意要增加百分之五十云云。好在我都仲清醒，同佢冷靜分析形勢。首先加左租就梗係要博命 d 搵錢啦，不過我地既 target 係 keep 人工加租金響生意額既一半就已經 ok 勒，如果只係加左租，人工或者人手冇加既，又點需要做多百分之五十既生意呀？我計過勒，只係需要做多百分之十就得勒。
之後老細又講︰「但係我個個月既支出都好緊下喎，有乜理由做左十個巴就可以攪得掂呀？我自己份糧都未出呀…」
未聽老細呻完，我就講︰「冷靜 d 先，以我地既經驗，只要營業額達到人工同埋租金既一倍，就有能力做現金儲備嘛。我店既營業額個個月都達標喎，問題絕對唔係出現響呢度。你諗真 d，你定比尖沙咀既所謂 target 只係剛剛夠交租同出糧，佢地仲要從未達標，問題就係出響尖沙咀度，因為果邊蝕錢，所以你要將我店既利潤補貼尖沙咀呀。所以你未有 cash flow 既問題 lor。」
老細好似如夢初醒咁問︰「下？係咩？果邊既成本好高咩？」
我即時計比佢睇，佢先至知實情係點。之後例牌又問︰「咁點解決？」
解決方法未講，先派下定心丸先︰「我店既同事當然要加把勁去跑多十個巴仙啦，不過呢度唔成問題。尖沙咀果邊就要攪返好同事既質素先，而家 Louis 走左，新請既同事又唔需要出咁高人工，打埋條數，你響人工度慳左既錢，岩岩夠你交加左既租金。所以數字上你係唔駛額外駛錢的。」呢招果然有效，老細即時定哂，吁一口氣︰「係喎，駛費冇多到喎，只係人工變左租金之嘛… 嚇得我丫~」
解決方法黎勒︰「好在 Louis 走左，新請既同事係比較 junior 的，雖然決策上佢唔會參與，不過行政同日常運作我唔駛擔心先。因為 Louis 唔鍾意做 admin 既工作，而家請既人既履歷全部都係 admin，起碼呢一 part 你可以放心先。仲有，我會多 d 過尖沙咀，一黎帶住新同事做野，二黎係睇住班女。當我地星期一炒左唔聽話既美容師之後，就會有殺一警百既效果，到時班女唔敢兇返你轉頭，除非佢地都唔想做姐。以前大家都知 Louis 唔聽我支笛，佢地可以趁我行轉背時玩陽奉陰違，而家新同事係 report 比我的，我仲授權佢監察住班女，佢地就唔會有挑戰公司底線既行徑出現勒。如果有，都係照炒唔駛比面，咁佢地就會慢慢知道公司係認真的，留低既就會認真工作，因為唔認真果班一定好快炒哂。只要公司行政果 part 攪好左，我就可以催谷生產力勒。」
好在我即時比老細攪清楚問題既所在，唔係邊間加租就卒邊間，應該係邊間有問題就攪邊間。咁先至玩得命長久的。
玩出火
Louis 昨日同今日都告 "病假"，下午仲收到佢既 email 話會再告多十日病假，直至佢提出既 last day 為止。簡單 d 講，佢係決定唔再出現，寧做縮頭烏龜。佢係早有安排的，響佢放 "病假" 之前既一日，已經收拾好哂佢既所有野走，仲好好手尾咁交低鎖匙比其中一位同事，叫佢交返比公司。咁已經有足夠理由去懷疑佢唔係病，而係有預謀唔返工。
對於呢 d 不負責任既行徑，公司係絕對唔會姑息的。已經同老細傾左，我地係會去勞工處度索償代通知金。仲有，下星期我地已經約好律師傾其他法律問題，呢單野都會列入 agenda 之內。咁大個人，玩野都玩得蠢過人，要玩人首先要立響不敗之地，佢而家完全處於下風，仲要所有證據都對佢不利，唔通佢會以為公司會不追究嗎？以前都有前同事玩請 "病假" 而不履行通知期，全部都上哂勞工處，全部都係公司勝兼索埋償。Louis 冇理由唔知 ga，唔通佢真係戇居到以為佢有特權可以例外？
仲有另一位同事，係尖沙咀既美容師，試用期都未過，理應扮下勤力博下好感嘛，不過佢既行徑都係似博炒多 d。首先佢唔服從高級美容師既工作指令，響我地公司既架構，高級美容師唔係人工高 d 經驗豐富 d 咁簡單，仲有管理其他美容師既權力。所以個同事違抗上級既指示已經唔多識撈，仲要響上我堂時發脾氣，繼而掉筆同埋離場抗議，好明顯佢真係唔想撈。已經決定左，過左星期六同日既工作高峰期之後，星期一會即時解僱。
雖然尖沙咀少左 2 個人，但係運作上唔會出現好大既問題，因為走佬既同將會被炒既都係冇生產力既人。公司唔係善堂，唔會白白花錢養廢人，清除瘀血先至可以行得暢順嘛。
同公司玩野？都要睇下你有幾多斤兩先至好出手啦，分分鐘玩出火的。
對於呢 d 不負責任既行徑，公司係絕對唔會姑息的。已經同老細傾左，我地係會去勞工處度索償代通知金。仲有，下星期我地已經約好律師傾其他法律問題，呢單野都會列入 agenda 之內。咁大個人，玩野都玩得蠢過人，要玩人首先要立響不敗之地，佢而家完全處於下風，仲要所有證據都對佢不利，唔通佢會以為公司會不追究嗎？以前都有前同事玩請 "病假" 而不履行通知期，全部都上哂勞工處，全部都係公司勝兼索埋償。Louis 冇理由唔知 ga，唔通佢真係戇居到以為佢有特權可以例外？
仲有另一位同事，係尖沙咀既美容師，試用期都未過，理應扮下勤力博下好感嘛，不過佢既行徑都係似博炒多 d。首先佢唔服從高級美容師既工作指令，響我地公司既架構，高級美容師唔係人工高 d 經驗豐富 d 咁簡單，仲有管理其他美容師既權力。所以個同事違抗上級既指示已經唔多識撈，仲要響上我堂時發脾氣，繼而掉筆同埋離場抗議，好明顯佢真係唔想撈。已經決定左，過左星期六同日既工作高峰期之後，星期一會即時解僱。
雖然尖沙咀少左 2 個人，但係運作上唔會出現好大既問題，因為走佬既同將會被炒既都係冇生產力既人。公司唔係善堂，唔會白白花錢養廢人，清除瘀血先至可以行得暢順嘛。
同公司玩野？都要睇下你有幾多斤兩先至好出手啦，分分鐘玩出火的。
2007年8月8日 星期三
2007年8月7日 星期二
打左一場硬仗
睇返呢 2 個月既 blog，發現自己岩岩打緊一場硬仗。勝算己有八九成，只差少少就大獲全勝。只要搵對人選接手尖沙咀既行政，我就有十成把握打勝仗。
戰幔由我回巢時拉開，主要既敵人係老板娘同埋驚我奪佢權既 Louis。其實由始至終，我只係 focus on 老板娘，因為佢最唔想我返黎，亦都最憎我。最重要既係，佢係永遠唔會離開公司的，因為佢係股東嘛。而 Louis 哩，我本來都冇理會佢的，不過佢怕我攪佢 (其實老細都有呢方面既顧慮，所以先有 "平起平坐" 既聖旨)，佢越係攪防衛咩，就越引起我擊破佢既意欲 (變態的菲菲)。費事你白白害怕一場嘛~ XD
經過 4 個月既臥薪嘗膽，做埋釜底抽薪，大大削弱左敵方既羽翼，於是我不費一兵一卒就令敵人落荒而逃，KO！
戰幔由我回巢時拉開，主要既敵人係老板娘同埋驚我奪佢權既 Louis。其實由始至終，我只係 focus on 老板娘，因為佢最唔想我返黎，亦都最憎我。最重要既係，佢係永遠唔會離開公司的，因為佢係股東嘛。而 Louis 哩，我本來都冇理會佢的，不過佢怕我攪佢 (其實老細都有呢方面既顧慮，所以先有 "平起平坐" 既聖旨)，佢越係攪防衛咩，就越引起我擊破佢既意欲 (變態的菲菲)。費事你白白害怕一場嘛~ XD
經過 4 個月既臥薪嘗膽，做埋釜底抽薪，大大削弱左敵方既羽翼，於是我不費一兵一卒就令敵人落荒而逃，KO！
燒砲仗
Louis 雖然未走，佢既工作已經比我 pick up 哂勒。其中有一個佢以前聯絡開既 supplier 今日走黎搵我 social 下。
佢知道 Louis 走之後，係表現得非常開心同埋雀躍既。因為之前 Louis 恃住自己係客，就成日以威迫既手段要 supplier 諸多遷就，要人地送好多野又要人地比好長既數期等等。基本上我係同意要向 supplier 度獲得最大既利益以令自己公司有更大既利潤空間，不過 Louis 攪錯左一點，要獲取利益唔一定要威迫的，利誘更為有效。
今日既會面，我當然都會為公司爭取一下利益啦。其他美容院幫呢間 supplier 訂貨係冇數期的，除非每月訂貨金額加埋超過五萬。我地呢 d 細公司，有錢訂咁多貨都冇地方放啦，鬼訂到咁多咩。不過數期我都照同佢地傾，哈哈~ 又比我傾到喎。而家唔需要威迫，人地都肯比我地由 COD 改做月結，即係有廿幾日既數期，都唔錯丫。其實結果都係一樣，之前 Louis 鬧到人地福佳 (陰功，人地係女仔黎 ga，下下比你鬧成咁，仲慘過做啄地)，夾硬拖人地數先至拖到月尾，而家人地見我歡容 d，都肯同我地斟。唔駛個個星期比人追數，大家心情都靚 d 啦。仲未止，個 supplier 仲醒左 d 私伙野比我試，哈哈哈~ 又食又拎，開心死！
個 supplier 幾抵死，話佢 Louis 走左要燒砲仗，因為而家唔駛因為合理既要求而比人無理取鬧。
呢單已經係第 3 單了，之前我聯絡過另外 2 間合作伙伴，佢地知道換左人跟之後都好開心，好似好期待咁。面係人地比既，架就真係自己丟的。Louis 真係要好好檢討一下佢既外交策略，出外靠朋友呀！雖然合作伙伴唔需要當你係朋友，不過合作愉快係爭取利益既基礎。我諗唔會有人會為仇人大開方便之門掛？
佢知道 Louis 走之後，係表現得非常開心同埋雀躍既。因為之前 Louis 恃住自己係客，就成日以威迫既手段要 supplier 諸多遷就，要人地送好多野又要人地比好長既數期等等。基本上我係同意要向 supplier 度獲得最大既利益以令自己公司有更大既利潤空間，不過 Louis 攪錯左一點，要獲取利益唔一定要威迫的，利誘更為有效。
今日既會面，我當然都會為公司爭取一下利益啦。其他美容院幫呢間 supplier 訂貨係冇數期的，除非每月訂貨金額加埋超過五萬。我地呢 d 細公司，有錢訂咁多貨都冇地方放啦，鬼訂到咁多咩。不過數期我都照同佢地傾，哈哈~ 又比我傾到喎。而家唔需要威迫，人地都肯比我地由 COD 改做月結，即係有廿幾日既數期，都唔錯丫。其實結果都係一樣，之前 Louis 鬧到人地福佳 (陰功，人地係女仔黎 ga，下下比你鬧成咁，仲慘過做啄地)，夾硬拖人地數先至拖到月尾，而家人地見我歡容 d，都肯同我地斟。唔駛個個星期比人追數，大家心情都靚 d 啦。仲未止，個 supplier 仲醒左 d 私伙野比我試，哈哈哈~ 又食又拎，開心死！
個 supplier 幾抵死，話佢 Louis 走左要燒砲仗，因為而家唔駛因為合理既要求而比人無理取鬧。
呢單已經係第 3 單了，之前我聯絡過另外 2 間合作伙伴，佢地知道換左人跟之後都好開心，好似好期待咁。面係人地比既，架就真係自己丟的。Louis 真係要好好檢討一下佢既外交策略，出外靠朋友呀！雖然合作伙伴唔需要當你係朋友，不過合作愉快係爭取利益既基礎。我諗唔會有人會為仇人大開方便之門掛？
好心分手
自從 Louis 請辭之後，基本上係日日返工等放工，毫無生產力，咁都唔止，仲響公司內散播負面消息，呢個問題先至係最重要。
合則來不合則去好平常，不過要走都要走得有風度，有氣概。今日老細同我傾過 Louis 呢幾日既所作所為，問過我既意見。
我既意見係︰「其實佢而家都唔係做野，響唔響度對公司既運作都冇影響。不過佢散播負面消息就絕對唔可以容忍。留多佢一日就令公司多一分危機，佢走左之後我仲要花好多心機去鞏固軍心。須知道要動搖軍心只需三言兩語，要重整隊形非三天兩日可以做到。而家尖沙咀已經岌岌可危，仲要比佢攪亂檔，後患無窮呀！不如比佢早 d 走，當係比個 favour 佢，其實就係趁佢未攪死我地之前送佢出門口。」
老細沉思左一陣就問︰「咁我地提出叫佢早走，佢會唔會叫我地賠返錢比佢 ga？」
「當然我唔會直接叫佢早 d 走啦，last day 照係佢想既日子，不過公司通融佢，唔需要佢返足 之嘛。如果佢提出公司需要賠償既話，就叫佢 keep 返本來既 last day，當我冇問過。同埋公司絕對唔會叫佢邊日走，只係當放水比佢，佢想早 d 既就唔追究。你話幾大仁大義哩！」講完都覺得自己有 d 狗。不過冇計啦，你點對我，我就會雙倍奉還，童叟無欺！
老細似乎幾鍾意我呢個提議，聽日睇下 Louis 會有咩反應先~
合則來不合則去好平常，不過要走都要走得有風度，有氣概。今日老細同我傾過 Louis 呢幾日既所作所為，問過我既意見。
我既意見係︰「其實佢而家都唔係做野，響唔響度對公司既運作都冇影響。不過佢散播負面消息就絕對唔可以容忍。留多佢一日就令公司多一分危機，佢走左之後我仲要花好多心機去鞏固軍心。須知道要動搖軍心只需三言兩語，要重整隊形非三天兩日可以做到。而家尖沙咀已經岌岌可危，仲要比佢攪亂檔，後患無窮呀！不如比佢早 d 走，當係比個 favour 佢，其實就係趁佢未攪死我地之前送佢出門口。」
老細沉思左一陣就問︰「咁我地提出叫佢早走，佢會唔會叫我地賠返錢比佢 ga？」
「當然我唔會直接叫佢早 d 走啦，last day 照係佢想既日子，不過公司通融佢，唔需要佢返足 之嘛。如果佢提出公司需要賠償既話，就叫佢 keep 返本來既 last day，當我冇問過。同埋公司絕對唔會叫佢邊日走，只係當放水比佢，佢想早 d 既就唔追究。你話幾大仁大義哩！」講完都覺得自己有 d 狗。不過冇計啦，你點對我，我就會雙倍奉還，童叟無欺！
老細似乎幾鍾意我呢個提議，聽日睇下 Louis 會有咩反應先~
2007年8月6日 星期一
箭靶
大家既公司入面有冇箭靶呢？即係全公司既人都好狠憎佢，佢既是是非非多過天上既星星，仲要全部都係負面新聞，佢狐假虎威，佢上到位唔係因為佢有料，係因為佢擦鞋…
我公司都有，正是本人。
我唔會因為自己做左箭靶而唔開心，因為我既工作本身就唔討好。我常常同老細講︰「做老細唔駛下下都走去鬧鬼 d 下屬既，你最緊要係樹立一個親民既形象，只需笑臉迎人就得 ga 勒。」因為基層員工有時真係好容易受表面既行為而被蒙蔽。佢地會為一個好人老細打生打死，就係唔服一個惡死既老細。
不過老細都有執行家法或者怒斥員工既需要，呢 d 野，我全部包起黎做。因為我要老細保存一個美好既形象，咁佢先至可以凝聚同事之間既力量，成為佢地既精神領袖。同埋其他所謂高層希望得到同事既支持以彰顯自己既勢力，佢地係唔會自願做箭靶的。有時仲會企響同事既角度同公司 fight，惹怒老細都未知。而我，就代老細出口傷人，佢想鬧邊個、想炒邊個、唔妥邊個既工作態度，全部由我把口講。而有同事需要表揚、讚賞、鼓勵等等，全部由老細自己做返。咁佢既形象就成為絕對正面，可以做到平衡既效果。
成為箭靶，係我既工作，亦係我既選擇。好在我都唔係第一日出黎做野，響心理準備同埋善後工作方面都有返少少道行，同事既箭係插我唔死的，因為老細心中明白我做緊既正係佢好想做但係又唔可以做既野。響細公司做野，老細既意願就係一切，要玩得叻，唔係擦下鞋就可以的。基層員工會因為一時之氣唔撈，佢地既根基都唔穩陣，我又點會靠佢地黎建立自己既勢力呀？傻豬黎既！
我公司都有，正是本人。
我唔會因為自己做左箭靶而唔開心，因為我既工作本身就唔討好。我常常同老細講︰「做老細唔駛下下都走去鬧鬼 d 下屬既，你最緊要係樹立一個親民既形象，只需笑臉迎人就得 ga 勒。」因為基層員工有時真係好容易受表面既行為而被蒙蔽。佢地會為一個好人老細打生打死，就係唔服一個惡死既老細。
不過老細都有執行家法或者怒斥員工既需要，呢 d 野，我全部包起黎做。因為我要老細保存一個美好既形象，咁佢先至可以凝聚同事之間既力量，成為佢地既精神領袖。同埋其他所謂高層希望得到同事既支持以彰顯自己既勢力，佢地係唔會自願做箭靶的。有時仲會企響同事既角度同公司 fight，惹怒老細都未知。而我，就代老細出口傷人，佢想鬧邊個、想炒邊個、唔妥邊個既工作態度，全部由我把口講。而有同事需要表揚、讚賞、鼓勵等等，全部由老細自己做返。咁佢既形象就成為絕對正面，可以做到平衡既效果。
成為箭靶，係我既工作，亦係我既選擇。好在我都唔係第一日出黎做野，響心理準備同埋善後工作方面都有返少少道行，同事既箭係插我唔死的，因為老細心中明白我做緊既正係佢好想做但係又唔可以做既野。響細公司做野，老細既意願就係一切，要玩得叻，唔係擦下鞋就可以的。基層員工會因為一時之氣唔撈，佢地既根基都唔穩陣，我又點會靠佢地黎建立自己既勢力呀？傻豬黎既！
劊子手
奉老細之命，同 Louis 商討佢 last day 既事。原因係呢 d 粗重野老細係絕對唔會出面的，所以有損形象既野由我一手包辦。理論上佢係要一個月通知先至可以離職既，星期五時佢同我提過，因為佢 20 號要返新工，同埋想響返新工之前離港幾日，所以要提出早 d 離職。既然佢早有預謀要即走，仲戇居到講哂底牌比我知，咁我就冷冷地單刀直入︰「早 d 走都可以既，只要補返代通知金就得勒。」
Louis 一聽到公司要佢賠返代通知金之後，即刻好唔開心，話公司不通情達理。唔係勒掛？而家係你要辭職，仲係因為要返新工而唔能夠比到公司一個月既通知，賠返代通知金都好合理丫。可能佢以為老細平時好似冇咩所謂咁樣，連代通知金都可以唔追掛。不過佢道行真係太淺了，跟左老細七個月都完全唔知老細緊張 d 咩。老細最緊張既就係錢，唔係一般果隻緊張，係最最最緊張果隻。同埋謙謙君子只係佢既外表，老謀深算先至係佢既真身。你日日對住佢都唔知，唔走都唔慌有運行啦。
仲有，佢真係唔清楚我既為人。善良柔弱係我既包裝，心狠手辣、冷血無情、唔係你死就係我亡就係我職場既本能。你都辭職了，我仲需要包裝嗎？更何況老細都唔 like 你既辭職處理方式，我要提升信任度就當然要做少少落井下石既功夫啦。雖然今次係佢主動辭職，不過氣氛就好似我做左劊子手咁。唔好意思，希望你下一個對手會手下留情啦。
當佢知道公司決定左追到上勞工處都一定會追討代通知金之後，就對全公司既人黑哂口面。老細知道之後，就話︰「男人之家咁冇風度既。」咁都仲未算，Louis 之後決定左 last day 係 17 號，即係仲有 2 個星期啦，佢就前所未有咁有效率地將所有 contact 同埋跟既緊既野 past 哂比我，咩都唔做。老細知道後仲興，佢話︰「咁佢呢 2 個星期未白逗人工？」
「咁又唔係既，扣埋佢要補比公司既代通知金，佢今個月只係出 2 日糧。你未當佢幫手看下門口聽下電話 lor。算啦，唔好咁勞氣勒。」做埋人地果份既我反過黎安慰老細，打工真係唔容易… XD
不過呢 d 日子唔會拖好耐的，上星期 post 左 vacancy 之後，今日收到一大堆 CV，聽日約左 5 個見，希望當中有合適既人選啦。
Louis 一聽到公司要佢賠返代通知金之後，即刻好唔開心，話公司不通情達理。唔係勒掛？而家係你要辭職，仲係因為要返新工而唔能夠比到公司一個月既通知，賠返代通知金都好合理丫。可能佢以為老細平時好似冇咩所謂咁樣，連代通知金都可以唔追掛。不過佢道行真係太淺了，跟左老細七個月都完全唔知老細緊張 d 咩。老細最緊張既就係錢，唔係一般果隻緊張，係最最最緊張果隻。同埋謙謙君子只係佢既外表，老謀深算先至係佢既真身。你日日對住佢都唔知，唔走都唔慌有運行啦。
仲有，佢真係唔清楚我既為人。善良柔弱係我既包裝，心狠手辣、冷血無情、唔係你死就係我亡就係我職場既本能。你都辭職了，我仲需要包裝嗎？更何況老細都唔 like 你既辭職處理方式，我要提升信任度就當然要做少少落井下石既功夫啦。雖然今次係佢主動辭職，不過氣氛就好似我做左劊子手咁。唔好意思，希望你下一個對手會手下留情啦。
當佢知道公司決定左追到上勞工處都一定會追討代通知金之後，就對全公司既人黑哂口面。老細知道之後，就話︰「男人之家咁冇風度既。」咁都仲未算，Louis 之後決定左 last day 係 17 號，即係仲有 2 個星期啦，佢就前所未有咁有效率地將所有 contact 同埋跟既緊既野 past 哂比我，咩都唔做。老細知道後仲興，佢話︰「咁佢呢 2 個星期未白逗人工？」
「咁又唔係既，扣埋佢要補比公司既代通知金，佢今個月只係出 2 日糧。你未當佢幫手看下門口聽下電話 lor。算啦，唔好咁勞氣勒。」做埋人地果份既我反過黎安慰老細，打工真係唔容易… XD
不過呢 d 日子唔會拖好耐的，上星期 post 左 vacancy 之後，今日收到一大堆 CV，聽日約左 5 個見，希望當中有合適既人選啦。
2007年8月5日 星期日
打小報告
女人多既地方是非多就預左，不過公司入面最製造是非既就係老板娘。
Annie 響呢間公司服務左十年，同老板娘都叫做有幾句傾下。好多時老板娘都將佢響公司既 "所見所聞" 講比 Annie 知，之後 Annie 會講比我知或者講比老細知。是是非非就係咁樣傳開去勒。被老板娘抹黑，連客人都以為我係老細既二奶，呢單野傳左成年都仲有人講緊，唔知 Annie 敢唔敢將呢單八掛新聞講比老細知呢？
昨日 Annie 打電話比我，佢明明係放緊假的，但係佢都搵過老板娘問下星期五開會既事。之後佢問我有冇講有關 OT 既安排，哈哈~ 剛巧我咩都有講就係唔記得講呢樣，咁就成為左我失職既炒作新聞勒。真係 EQ 低 d 都激死呀。本來都激氣左一陣既，不過我冷靜左之後就唔嬲勒。唔好意思，唔係因為我大量，係因為我要諗清楚下一步應該點做。菲菲最大既缺點係記仇，老板娘當然係唔會離職啦，不過我要諗清楚如何另佢冇左工作上既 "影響力"，等佢冇得響公事上再打我小報告。雖然老細未必會信，不過我而家係搵緊錢比你去揮霍呀八婆！唔該比返基本尊重我丫！而家我未有把握就忍住你先，不過當我有足夠既力量同埋把握，我會令你一厥不振。老板娘，都係去下 shopping，歎下 high tea 好勒，返工呢 d 粗重野唔駛勞煩你。
Annie 響呢間公司服務左十年，同老板娘都叫做有幾句傾下。好多時老板娘都將佢響公司既 "所見所聞" 講比 Annie 知，之後 Annie 會講比我知或者講比老細知。是是非非就係咁樣傳開去勒。被老板娘抹黑，連客人都以為我係老細既二奶，呢單野傳左成年都仲有人講緊，唔知 Annie 敢唔敢將呢單八掛新聞講比老細知呢？
昨日 Annie 打電話比我，佢明明係放緊假的，但係佢都搵過老板娘問下星期五開會既事。之後佢問我有冇講有關 OT 既安排，哈哈~ 剛巧我咩都有講就係唔記得講呢樣，咁就成為左我失職既炒作新聞勒。真係 EQ 低 d 都激死呀。本來都激氣左一陣既，不過我冷靜左之後就唔嬲勒。唔好意思，唔係因為我大量，係因為我要諗清楚下一步應該點做。菲菲最大既缺點係記仇，老板娘當然係唔會離職啦，不過我要諗清楚如何另佢冇左工作上既 "影響力"，等佢冇得響公事上再打我小報告。雖然老細未必會信，不過我而家係搵緊錢比你去揮霍呀八婆！唔該比返基本尊重我丫！而家我未有把握就忍住你先，不過當我有足夠既力量同埋把握，我會令你一厥不振。老板娘，都係去下 shopping，歎下 high tea 好勒，返工呢 d 粗重野唔駛勞煩你。
2007年8月3日 星期五
一山不能藏二虎
自從我回巢之後，有位 biz partner 都有同我講過︰「Louis 同你做既野差唔多，其實我覺得你公司只可以容納一個咁既職位，最後總有一個會離開。」。四個月後既今日，佢既說話應驗左，Louis 昨日向老細請辭了。
今日老細神秘地過黎我呢邊開會，就係商討 Louis 走左之後既安排。老細都會請返個人，不過呢個位就唔會同我 "平起平坐"，係明正言順 under 我，咁就唔會有 2 隻老虎出現既問題勒。其實錯就錯在我當初離隊，先至會請佢返黎頂我個位。走左都算啦，老細仲比我回巢，我諗呢個係導致佢唔想做落去既主要原因。我返左黎，表面上係大家咁高咁大，不過工作上都係我主導多過佢。可能因為係咁，佢覺得冇癮所以唔做啦。
真心果句，我係開心的。因為而家既架構唔容許我 lead 住佢做野，不過事實上我係需要 lead 哂所有人做野，如果只有佢一個係例外既，對佢對我對公司三方面都唔好。而家佢又可以搵佢既另一片天地，我又可以 lead 返哂公司既野，老細又放心咁既安排，大家都好丫。
衷心希望 Louis 有更好既發展，同埋工作得開心啦。
今日老細神秘地過黎我呢邊開會，就係商討 Louis 走左之後既安排。老細都會請返個人，不過呢個位就唔會同我 "平起平坐"，係明正言順 under 我，咁就唔會有 2 隻老虎出現既問題勒。其實錯就錯在我當初離隊，先至會請佢返黎頂我個位。走左都算啦，老細仲比我回巢，我諗呢個係導致佢唔想做落去既主要原因。我返左黎，表面上係大家咁高咁大，不過工作上都係我主導多過佢。可能因為係咁，佢覺得冇癮所以唔做啦。
真心果句，我係開心的。因為而家既架構唔容許我 lead 住佢做野，不過事實上我係需要 lead 哂所有人做野，如果只有佢一個係例外既，對佢對我對公司三方面都唔好。而家佢又可以搵佢既另一片天地，我又可以 lead 返哂公司既野，老細又放心咁既安排，大家都好丫。
衷心希望 Louis 有更好既發展，同埋工作得開心啦。
2007年8月2日 星期四
工作範圍
店長 Annie 放大假，響佢放假既日子，我順手兼埋店長果份。大家同一間店，冇分彼此的，反正我又攪得掂，冇所謂啦。
今日係我店開例會既日子，Louis 都會黎的，因為老細頒左令，2 間店開例會，我同 Louis 都必須出席。我出席就梗 ga 啦，因為我要做訓練同卒數丫嘛。之前講過，老細話我同 Louis 係平起平坐的，所以佢都唔可以缺席。
早上 Louis 黎到，未到開會時間，我就 check 緊 email，咁岩有客打電話黎落 booking，我接左電話之後處理左個客既要求，之後 Louis 用好奇怪既眼光望住我。佢問︰「你聽埋電話 ga？即係做埋店長果份？」。當時我覺得好奇怪，接個電話姐，有咩咁出奇？原來佢響尖沙咀係從來都唔接客人既電話的，響佢心目中，呢 d 唔係佢既工作範圍。又幾得意喎，我地細公司，呢 d 手板眼見既工夫，唔駛分階級掛？聽個電話好平常姐，唔一定要某 d 職級既人先至聽得掛？
呢樣野都幾得意，響我心目中，只要我做得到既，而又需要我幫手既，就已經係工作範圍。唔駛白紙黑字寫 Job Duty 咁麻煩，邊寫到咁多丫。我又唔介意幫同事做下 d 跟頭跟尾野，同 d 客斟茶遞水我都照做，做得服務行業既，客人入到黎，佢理得你係經理定係老散丫，總之就係要有人 serve 佢丫嘛。如果個客知道係經理斟茶比佢，佢仲開心呀，虛榮嘛~ XD
講返轉頭，Louis 好介意邊 d 係佢既工作範圍，如果唔係佢工作範圍既野，佢係絕對唔會做的。所以佢見我接個電話都好大驚小怪，響佢心目中，我好霸的，又點會做埋呢 d 野丫。有樣野佢未明，我之所以響度霸得起，除左我真係好惡之外，就係 d 同事服。我唔會老點人做野，仲會幫手做，不過大家做野一定要達標，唔可以得過且過。既然我都可以示範如何做，就更有 power 去服眾。這就是我咁霸既原因。亞媽教落，出黎做野唔好怕蝕底，永遠都係你先付出，才有收獲的。
今日係我店開例會既日子，Louis 都會黎的，因為老細頒左令，2 間店開例會，我同 Louis 都必須出席。我出席就梗 ga 啦，因為我要做訓練同卒數丫嘛。之前講過，老細話我同 Louis 係平起平坐的，所以佢都唔可以缺席。
早上 Louis 黎到，未到開會時間，我就 check 緊 email，咁岩有客打電話黎落 booking，我接左電話之後處理左個客既要求，之後 Louis 用好奇怪既眼光望住我。佢問︰「你聽埋電話 ga？即係做埋店長果份？」。當時我覺得好奇怪，接個電話姐，有咩咁出奇？原來佢響尖沙咀係從來都唔接客人既電話的，響佢心目中，呢 d 唔係佢既工作範圍。又幾得意喎，我地細公司，呢 d 手板眼見既工夫，唔駛分階級掛？聽個電話好平常姐，唔一定要某 d 職級既人先至聽得掛？
呢樣野都幾得意，響我心目中，只要我做得到既，而又需要我幫手既，就已經係工作範圍。唔駛白紙黑字寫 Job Duty 咁麻煩，邊寫到咁多丫。我又唔介意幫同事做下 d 跟頭跟尾野，同 d 客斟茶遞水我都照做，做得服務行業既，客人入到黎，佢理得你係經理定係老散丫，總之就係要有人 serve 佢丫嘛。如果個客知道係經理斟茶比佢，佢仲開心呀，虛榮嘛~ XD
講返轉頭，Louis 好介意邊 d 係佢既工作範圍，如果唔係佢工作範圍既野，佢係絕對唔會做的。所以佢見我接個電話都好大驚小怪，響佢心目中，我好霸的，又點會做埋呢 d 野丫。有樣野佢未明，我之所以響度霸得起，除左我真係好惡之外，就係 d 同事服。我唔會老點人做野，仲會幫手做，不過大家做野一定要達標，唔可以得過且過。既然我都可以示範如何做，就更有 power 去服眾。這就是我咁霸既原因。亞媽教落，出黎做野唔好怕蝕底，永遠都係你先付出，才有收獲的。
自毀前程
昨日先去尖沙咀做左半日訓練，之後返自己店苦戰左半日，終於計好哂全公司既糧，攪掂哂所有 monthly reports，bal 埋 cash book，做埋 stock take (冇計啦，細公司，真係一腳踢的)，仲有時間玩左幾盤 killer sudoku，爽！為左令尖沙咀既 Louis 可以專心做 product sourcing，我連尖沙咀既數都立埋黎做，仲比左十幾個 contact 佢，等佢唔駛周圍搵嘛。今日有 d 空檔就打個電話比 Louis，關心下佢既工作進度，但係真係唔明，數又唔駛佢計 (最煩都係呢樣啦)，訓練又唔駛佢出席，照計佢應該有好多時間完成佢手上僅餘既工作，但係佢既工作都係零進展。每次打親電話比佢，佢都話比我知佢好忙，唔傾咁耐，好快就收線，所以我一直以為老細交托比佢既野已經攪掂。真係匪夷所思，究竟佢忙 d 咩呢？
佢既工作效率，好明顯唔係秘密，因為今日我攪掂左聽日響尖沙咀開會既議題之後 (其實呢樣野本來都係 Louis 做的，不過佢次次都冇做，唯有我做埋啦) ，就打電話比老細匯報一下，老細就同我呻左好耐，全部都係有關佢對 Louis 工作效率既不滿。有時唔可以搵我同佢比的，因為我做野真係快到嚇死人。之不過，佢既工作效率似乎真係太慢勒掛？最難攪，最惡哽既我都做哂，淨返 d 輕鬆工作比佢，都做唔掂，真係有問題哩。
講返少少歷史先，點解會有 Louis 呢個人出現呢？原本係得我一個一腳踢，2 間店既所有非技術性工作都落響我一個人身上，一直都相安無事。錯就錯在今年年頭時有人高薪挖我角，我就貪心地辭職了。走既時候，就請左 Louis 黎頂我個位。之後我既新工發展出現問題，好快我就冇做了。本來想做下獨立自由人，接下 training 或者 coaching 做既，咁自不然都會搵下 d 舊老細睇下有冇機會啦。老細知我冇做之後，就叫我返去幫手，於是我又返黎美容院，繼續做一個打工仔。響呢一件事，我好感激我老細 ga，唔係因為佢請返我咁簡單，而係佢既量度同埋佢真係欣賞我，先至不計前嫌比我回巢。所以我真係好尊重我老細的。
我既強項唔駛講啦，不過缺點就係響工作上好霸道，決定左既事，一定要做到底，遇神殺神，遇佛殺佛。Louis 係一個謙謙君子，老細怕我蝦佢，所以我一返黎時有開宗明義咁講過，大家係平起平坐，不分高低的。於是，我地就一人響間店度做差唔多既野。就係因為尊重老細既一句平起平坐，所以我係唔會干涉 Louis 既工作，免得老細難做。不過日子過去，就算我唔出聲，老細一見我地既工作進度有咁大既差異，少不免都有 d 不滿的。
最近 Louis 既工作表現出奇地差，今日老細仲不停係咁呻，仲鬧鬼佢係 "衰仔" (好似老豆鬧仔咁既？)，好明顯佢既忍耐已經到左頂點。老細仲叫我 mark 低有咩工作係叫左 Louis 做而佢仲未攪掂既，聽日會同佢傾下咁喎。
最弔詭既係，老細講左一句咁既說話︰「聽日開完尖沙咀例會之後，我會同你再開多一個會。不過唔會響尖沙咀開，我會黎你果邊傾。」如果你係我，你會有咩聯想？
Louis 響呢度要有光明既前途，睇怕有 d 難度。
佢既工作效率，好明顯唔係秘密，因為今日我攪掂左聽日響尖沙咀開會既議題之後 (其實呢樣野本來都係 Louis 做的，不過佢次次都冇做，唯有我做埋啦) ，就打電話比老細匯報一下，老細就同我呻左好耐，全部都係有關佢對 Louis 工作效率既不滿。有時唔可以搵我同佢比的，因為我做野真係快到嚇死人。之不過，佢既工作效率似乎真係太慢勒掛？最難攪，最惡哽既我都做哂，淨返 d 輕鬆工作比佢，都做唔掂，真係有問題哩。
講返少少歷史先，點解會有 Louis 呢個人出現呢？原本係得我一個一腳踢，2 間店既所有非技術性工作都落響我一個人身上，一直都相安無事。錯就錯在今年年頭時有人高薪挖我角，我就貪心地辭職了。走既時候，就請左 Louis 黎頂我個位。之後我既新工發展出現問題，好快我就冇做了。本來想做下獨立自由人，接下 training 或者 coaching 做既，咁自不然都會搵下 d 舊老細睇下有冇機會啦。老細知我冇做之後，就叫我返去幫手，於是我又返黎美容院，繼續做一個打工仔。響呢一件事，我好感激我老細 ga，唔係因為佢請返我咁簡單，而係佢既量度同埋佢真係欣賞我，先至不計前嫌比我回巢。所以我真係好尊重我老細的。
我既強項唔駛講啦，不過缺點就係響工作上好霸道，決定左既事，一定要做到底，遇神殺神，遇佛殺佛。Louis 係一個謙謙君子，老細怕我蝦佢，所以我一返黎時有開宗明義咁講過，大家係平起平坐，不分高低的。於是，我地就一人響間店度做差唔多既野。就係因為尊重老細既一句平起平坐，所以我係唔會干涉 Louis 既工作，免得老細難做。不過日子過去，就算我唔出聲，老細一見我地既工作進度有咁大既差異，少不免都有 d 不滿的。
最近 Louis 既工作表現出奇地差，今日老細仲不停係咁呻，仲鬧鬼佢係 "衰仔" (好似老豆鬧仔咁既？)，好明顯佢既忍耐已經到左頂點。老細仲叫我 mark 低有咩工作係叫左 Louis 做而佢仲未攪掂既，聽日會同佢傾下咁喎。
最弔詭既係，老細講左一句咁既說話︰「聽日開完尖沙咀例會之後，我會同你再開多一個會。不過唔會響尖沙咀開，我會黎你果邊傾。」如果你係我，你會有咩聯想？
Louis 響呢度要有光明既前途，睇怕有 d 難度。
2007年8月1日 星期三
纖體
瘦即是美嗎？
雖然從事美容院，倒米既都要講句，纖體真係好無謂。同事們為左要著細碼衫，食一塊餅當早餐，兩條菜當午餐，食一粒糖要懺悔咁滯，仲有人生樂趣嗎？平時食飯既錢慳慳埋埋要黎買纖體產品，我驚遲早有日會有同事暈低要打 999。
脫離左少女時代，菲菲已經著唔落細碼衫了，雖然仲未嫁得出，但係都唔想因為盲目追求 "靚" 而走去纖體。更加唔會食得仲少過飢荒國家既人，亦唔會因為自己著得落童裝大碼或者 XXS 而自豪。我相信唔係全部男人都鐘意排骨的，有 d 肉地都幾可愛丫。
因為同事個個都好瘦，而且個個都要努力纖體 (得 95 磅都仲要纖，放風箏呀？三號風球都出唔到街啦)，菲菲就成為美容院入面既異類。同事成日遊說我纖體，我話︰「如果你地真係成功遊說到我纖體，我可以唔撈了，因為你地已經係超哂班既頂級銷售人材，唔駛我訓練了。」菲菲唔係要大吃大喝，只係想有返餐正常既飯食下姐，有問題嗎？
雖然從事美容院，倒米既都要講句，纖體真係好無謂。同事們為左要著細碼衫，食一塊餅當早餐，兩條菜當午餐，食一粒糖要懺悔咁滯，仲有人生樂趣嗎？平時食飯既錢慳慳埋埋要黎買纖體產品，我驚遲早有日會有同事暈低要打 999。
脫離左少女時代，菲菲已經著唔落細碼衫了，雖然仲未嫁得出，但係都唔想因為盲目追求 "靚" 而走去纖體。更加唔會食得仲少過飢荒國家既人，亦唔會因為自己著得落童裝大碼或者 XXS 而自豪。我相信唔係全部男人都鐘意排骨的，有 d 肉地都幾可愛丫。
因為同事個個都好瘦，而且個個都要努力纖體 (得 95 磅都仲要纖，放風箏呀？三號風球都出唔到街啦)，菲菲就成為美容院入面既異類。同事成日遊說我纖體，我話︰「如果你地真係成功遊說到我纖體，我可以唔撈了，因為你地已經係超哂班既頂級銷售人材，唔駛我訓練了。」菲菲唔係要大吃大喝，只係想有返餐正常既飯食下姐，有問題嗎？
朝九晚六
星期三既早上，要返尖沙咀先。美容院唔同辦公室，唔駛返九點的 (當然都冇得放六點啦，而家我都係響公司度寫 blog 咋)，好慶幸唔係返九放六。早上八點幾九點既尖沙咀人太多了，加埋成個區都佈滿玻璃大廈，又熱又耀眼，行多幾步都想暈。而且我一向怕人迫人既，所以真係唔多適合響 rush hour 返工放工。開完會時剛好一點，準備返自己店時，一街都係趕住食飯既人，腳步咁急，食左都唔消化啦。
印象中出黎做左咁多年野，好少可需要同人迫返工、迫食飯、迫 shopping (最唔過癮既就係 shopping 都要迫，咩心情都冇哂啦) 同埋迫放工。菲菲返工放工大部份既車程都唔駛企，最多都係企一程西鐵咁大把，又唔駛排長龍，又唔駛同成班人迫埋響間好細既麵包舖度買早餐，返工既心情都輕鬆 d。
唔知點解，東京都好多人 ga，我硬係覺得香港好似比東京迫好多同急好多咁。自從早年去完東京幾個月之後，到而家都未能適應香港咁擠擁既狀況。所以情願搭多程車，都一定要住響元朗。返屋企時順便響個大公園度散下步，不知幾過癮！
印象中出黎做左咁多年野，好少可需要同人迫返工、迫食飯、迫 shopping (最唔過癮既就係 shopping 都要迫，咩心情都冇哂啦) 同埋迫放工。菲菲返工放工大部份既車程都唔駛企，最多都係企一程西鐵咁大把，又唔駛排長龍，又唔駛同成班人迫埋響間好細既麵包舖度買早餐，返工既心情都輕鬆 d。
唔知點解，東京都好多人 ga，我硬係覺得香港好似比東京迫好多同急好多咁。自從早年去完東京幾個月之後，到而家都未能適應香港咁擠擁既狀況。所以情願搭多程車，都一定要住響元朗。返屋企時順便響個大公園度散下步，不知幾過癮！
訂閱：
文章 (Atom)
