七月最後既一個工作天結束了，我店既生意除左破左歷年七月份 "淡季" 既紀錄之外，仲暫時係今年第三高既生意額。又一次打破左旺淡季呢 d 荒謬既藉口勒。響缺乏新客既情況底下都創造到呢 d 成績，都唔容易的。好記得頭半個月仲係呆呆滯滯，經過一次當頭捧喝之後，班女醒哂，跑返出應有既成績，要讚！而且今個月大家既表現都有進步，有一位同事雖然請左 2 日假都破左佢既收入紀錄，唔錯！
尖沙咀都破左紀錄，係今年最低營業額既紀錄。兩間店拉上補下，比上個月既總生意額仲要低少少，真係有 d 激氣。聽日，又要奉命去尖沙咀店度做魔鬼教練，但係我真係唔明，尖沙咀都有 2 個亞頭響度 ga，佢地做咩 ga？卒數既野，佢地日日卒未得 lor，整乜鬼要我一星期去三日卒數呢？佢地 d 亞頭咩都攪唔掂，又唔做訓練，又唔卒數，report 又跟唔足… 總之係一塌糊塗，又係一單遠水不能救近火。要人地救你，最起碼你都要有求生意志掛？成班死魚咁，我係客都想走頭啦。
老細成日想我令佢地積極 d，有 d 野，唔係你想就有的。積唔積極既野，好睇自己既內在，別人係迫唔到的。而且佢地又好薄皮，話多句都頂唔順要喊要辭職既，唔知仲以為自己教緊幼稚園呀。
2007年7月31日 星期二
2007年7月30日 星期一
半年結
雖然係追數既緊張關頭，菲菲都總係有時間攪下其他野的，其中一樣就係做左一倨半年結勒。除左總結上半年既業績，仲搵埋 06 年上半年既資料做左對比。原來 07 年既上半年比 06 年既上半年，平均生意升左 35%！好開心呀！
數字都顯示出我店同尖沙咀店既升幅其實差唔多，不過尖沙咀店舊年既業績都好弱，所以升左三十幾個巴仙都好似冇咩野睇咁。另一樣係尖沙咀既經營成本只係我店既八成左右，但係生意額就只有我店既六成，計正仲有幾個月要蝕本 tim。鬼咩，老板娘 5 月份加左人工 (我會稱之為家用，如果係人工，我想炒左佢好耐勒，因為佢係全公司生產力最低既受薪人士)，令到尖沙咀店既成本大幅上調。所以老細好落力咁卒我呢邊，希望我地可以幫佢搵返唔見左既錢。打工既野，有時都幾冇選擇…
老細今日又重彈舊調，要重整尖沙咀既乜乜物物，聽到我都識背勒。呢壇野認真拉牛上樹，呢頭做完 training，果頭老板娘同你攪返亂。仲辛苦過自己做十九幾萬倍… 聽日 Annie 又奉命去照佢地肺勒，祝佢好運啦。 (後日又輪到我要去…) 呢 d 未就叫做 "週而復始，萬象更新" lor~ 恭喜恭喜！
數字都顯示出我店同尖沙咀店既升幅其實差唔多，不過尖沙咀店舊年既業績都好弱，所以升左三十幾個巴仙都好似冇咩野睇咁。另一樣係尖沙咀既經營成本只係我店既八成左右，但係生意額就只有我店既六成，計正仲有幾個月要蝕本 tim。鬼咩，老板娘 5 月份加左人工 (我會稱之為家用，如果係人工，我想炒左佢好耐勒，因為佢係全公司生產力最低既受薪人士)，令到尖沙咀店既成本大幅上調。所以老細好落力咁卒我呢邊，希望我地可以幫佢搵返唔見左既錢。打工既野，有時都幾冇選擇…
老細今日又重彈舊調，要重整尖沙咀既乜乜物物，聽到我都識背勒。呢壇野認真拉牛上樹，呢頭做完 training，果頭老板娘同你攪返亂。仲辛苦過自己做十九幾萬倍… 聽日 Annie 又奉命去照佢地肺勒，祝佢好運啦。 (後日又輪到我要去…) 呢 d 未就叫做 "週而復始，萬象更新" lor~ 恭喜恭喜！
2007年7月29日 星期日
網上欺凌
大家有試過嗎？嚴重既好彩我都未試過，不過響網上比人不斷挑釁就試得多。
早幾年響某新聞組度開左幾個谷做版主，好開心認識左一班志同道合既網友，仲時不時會攪活動成班人出黎玩，遊走虛實之間，實在好響往。
不過有時發表下意見，有人唔同意你既講法既，就會用多角度去質疑下你。又或者有版友想問下你野，諗住你係版主一定咩都識，當你表示有野係唔識既時候，就會成為眾矢之的。本著越辯越明既正面討論形式當然好歡迎啦，但係香港人既怨氣普遍都好高 (尤其係新聞組，唔知點解好多 "活躍" 份子既思維都幾負面的)，佢地會將版主形象化為權力人物，為左宣洩現實社會對權力的不滿，會對版主作多方面既挑釁。所以，呢 d 挑釁我真係試唔少。初時覺得自己好無辜，經過幾次比人挑釁或者騷擾之後，都睇化了。人地要炸你版、將你個 email 周圍去咸網同徵友網度登記、響其他知名新聞組度唱你… 都係人地既 "自由"，我已經不會理會呢 d 事同埋呢 d 人。反正佢地既耐性有限，唔玩得幾耐，試過最耐既都係玩左我一個月左右。
轉個角度睇，我又無損失既，不過佢就要花時間心機去 "玩" 我之嘛。唔知佢係玩緊我丫？定係玩緊自己呢？
多番回應，只會越描越黑。只要不回應，事情好快會過去。網上，同娛樂圈有分別嗎？有人攻擊你，證明你既野係有人睇的。萬一遇到呢 d 事，唔需要唔開心，正義係企響堅強既人身邊的。
早幾年響某新聞組度開左幾個谷做版主，好開心認識左一班志同道合既網友，仲時不時會攪活動成班人出黎玩，遊走虛實之間，實在好響往。
不過有時發表下意見，有人唔同意你既講法既，就會用多角度去質疑下你。又或者有版友想問下你野，諗住你係版主一定咩都識，當你表示有野係唔識既時候，就會成為眾矢之的。本著越辯越明既正面討論形式當然好歡迎啦，但係香港人既怨氣普遍都好高 (尤其係新聞組，唔知點解好多 "活躍" 份子既思維都幾負面的)，佢地會將版主形象化為權力人物，為左宣洩現實社會對權力的不滿，會對版主作多方面既挑釁。所以，呢 d 挑釁我真係試唔少。初時覺得自己好無辜，經過幾次比人挑釁或者騷擾之後，都睇化了。人地要炸你版、將你個 email 周圍去咸網同徵友網度登記、響其他知名新聞組度唱你… 都係人地既 "自由"，我已經不會理會呢 d 事同埋呢 d 人。反正佢地既耐性有限，唔玩得幾耐，試過最耐既都係玩左我一個月左右。
轉個角度睇，我又無損失既，不過佢就要花時間心機去 "玩" 我之嘛。唔知佢係玩緊我丫？定係玩緊自己呢？
多番回應，只會越描越黑。只要不回應，事情好快會過去。網上，同娛樂圈有分別嗎？有人攻擊你，證明你既野係有人睇的。萬一遇到呢 d 事，唔需要唔開心，正義係企響堅強既人身邊的。
烈日當空
連續一星期天朗氣清，藍天白雲再加一個猛烈的太陽，好在菲菲已經脫離左跑街的日子，如果唔係都幾辛苦。今年既太陽好似真係特別猛烈，曬在皮膚上係一股入骨的痛。末到八月，雙臂已經曬黑了不少。
太陽越來越猛烈，街上打傘既人都特別多。菲菲一向好討厭烈日下打傘既人，因為其他冇打傘既人係會比 d 傘篤到的，我就成日比 d 太陽傘篤到。如果怕曬既，不防考慮戴返頂帽丫，又唔防礙到人，又有型。
已經七月尾勒，仲未打風既？雖然而家想有場八號風球打下都幾妄想，不過最少都落返場雨丫。好想好想落返一場大雨，甚至打返場好勁既風。太陽太猛烈勒，行出街時有時真係想暈，眼前一片白，完全失去層次感，加上路人既淺色衣服，更添迷離既感覺。
今日大好星期日，我同 Tiger 都決定足不出戶，出面實在太熱勒，我地 2 條大懶蟲都唔想出去曬，不如留響屋企睇下書打下機好過。
唔知有冇人識跳返 part 求雨舞呢？
太陽越來越猛烈，街上打傘既人都特別多。菲菲一向好討厭烈日下打傘既人，因為其他冇打傘既人係會比 d 傘篤到的，我就成日比 d 太陽傘篤到。如果怕曬既，不防考慮戴返頂帽丫，又唔防礙到人，又有型。
已經七月尾勒，仲未打風既？雖然而家想有場八號風球打下都幾妄想，不過最少都落返場雨丫。好想好想落返一場大雨，甚至打返場好勁既風。太陽太猛烈勒，行出街時有時真係想暈，眼前一片白，完全失去層次感，加上路人既淺色衣服，更添迷離既感覺。
今日大好星期日，我同 Tiger 都決定足不出戶，出面實在太熱勒，我地 2 條大懶蟲都唔想出去曬，不如留響屋企睇下書打下機好過。
唔知有冇人識跳返 part 求雨舞呢？
2007年7月28日 星期六
二手貨
你地唔要既電腦同埋數碼相機會點處置呢？賣左佢？儲起佢？定係送比人？
我老爸同 Tiger 既二手貨就去左我度勒。好似我用緊果部 laptop 就係老爸既舊愛。自從佢買左部好鬼勁既新玩具之後，老媽子見佢有咁多電腦響屋企，就慫恿我老爸將呢部用左 3 年既舊愛比左我。好在咋，我都有一部同老爸既一模一樣既 laptop，不過已經比 Tiger 據為己有了。老爸呢部正好填補空缺。
上星期 Tiger 買左部數碼單鏡反光機，好鬼大部的。有左新歡之後，佢終於肯比返部 04 年買既 Cyber Shot 我勒。陰功，由佢最新出時買左到而家，先至真正去到我手，等到我頸都長呀。
點解菲菲要接收二手貨又唔買新的？原因都幾攪笑，我身邊最親既 2 位男士，都認為菲菲係電子產品白痴，所以唔會比 d 新買既野我用，只會等佢地買左新野之後先至比 d 舊野我。不過我又唔介意喎，因為我真係一個電子產品白痴，我驚 d 又貴又新既野去到我手會好快玩完，所以我都唔會主動去買呢 d 「玩具」的。連我部手機都係 Tiger 話好我先至買咋，我真係唔識分咩叫好，咩叫唔好，我淨係知有得用就得勒。
我老爸同 Tiger 既二手貨就去左我度勒。好似我用緊果部 laptop 就係老爸既舊愛。自從佢買左部好鬼勁既新玩具之後，老媽子見佢有咁多電腦響屋企，就慫恿我老爸將呢部用左 3 年既舊愛比左我。好在咋，我都有一部同老爸既一模一樣既 laptop，不過已經比 Tiger 據為己有了。老爸呢部正好填補空缺。
上星期 Tiger 買左部數碼單鏡反光機，好鬼大部的。有左新歡之後，佢終於肯比返部 04 年買既 Cyber Shot 我勒。陰功，由佢最新出時買左到而家，先至真正去到我手，等到我頸都長呀。
點解菲菲要接收二手貨又唔買新的？原因都幾攪笑，我身邊最親既 2 位男士，都認為菲菲係電子產品白痴，所以唔會比 d 新買既野我用，只會等佢地買左新野之後先至比 d 舊野我。不過我又唔介意喎，因為我真係一個電子產品白痴，我驚 d 又貴又新既野去到我手會好快玩完，所以我都唔會主動去買呢 d 「玩具」的。連我部手機都係 Tiger 話好我先至買咋，我真係唔識分咩叫好，咩叫唔好，我淨係知有得用就得勒。
極速寬頻
星期六菲菲返半日，10 點返工，2 點放工。老細響 12 點幾時殺到，頒令我要響星期一朝早既 Management Meeting 度準備好一 d 資料。我地要 source 下有咩海外 supplier 可以提供優質既有機產品既，老細就交左呢個波比我，要我星期一時要搵幾間 supplier 黎比較。當時菲菲都有少少眼突，唔係急成咁呀？不過老細既一句說話就令菲菲乖乖就範勒，呢句野係︰「你做野夠快丫嘛，所以未搵你攪 lor。」哈哈哈~ 既然佢咁欣賞我既極速寬頻，我冇理由拆自己生招牌既。老細走左之後既半個鐘，我已經 search 左起碼 12 間呢 d 既 supplier 出黎勒 (上網搵野，連抄連睇，咁上下啦)，於是我又好開心咁放工勒。
為左顯示菲菲既工作效率，仲響臨放工時 email 左新 draft 既 Employment Contract 比老細。之前老細叫左我重整下入面既 terms，於是我將所有老細想要既野寫哂入去，總共 9 頁紙。響 email 度仲叫老細呢個 weekend study 下，星期一比返 comment 我。
同場加影，update 哂以下既野仲 send 哂比老細︰
Inventory control report
Sales report
Cash book
AR report
Consumption report
之後仲有時間寫下 blog 同埋玩下數獨~
尖沙咀既 Louis，有排都未追到我既速度呀… XDD
為左顯示菲菲既工作效率，仲響臨放工時 email 左新 draft 既 Employment Contract 比老細。之前老細叫左我重整下入面既 terms，於是我將所有老細想要既野寫哂入去，總共 9 頁紙。響 email 度仲叫老細呢個 weekend study 下，星期一比返 comment 我。
同場加影，update 哂以下既野仲 send 哂比老細︰
Inventory control report
Sales report
Cash book
AR report
Consumption report
之後仲有時間寫下 blog 同埋玩下數獨~
尖沙咀既 Louis，有排都未追到我既速度呀… XDD
修煉
昨日尖沙咀既例會，老板娘有開會，老細就要忙於打理裝修事務而不開會。會議中，老板娘例行公事地對我多番針對，全場女子單打。不過單打歸單打，只要我唔回應，佢只係自己響度發 up 風，講左幾次之後都冇再講落去。好在我都有修煉下內功，不輕易因為 2 句單打就憤然抽擊，對自己既量度多左幾分嘉許。
佢既行為只係反映左佢既幼稚、無知同埋無自信，菲菲絕不會欺負弱小的，尤其老細都講過要當佢老婆係細路女咁看待，所以我更加唔會出手。雖然佢既行為會對會議造成影響，亦都示範左比同事睇，唔需要尊重我。本來心中有氣的，不過我都選擇左沉著應戰。原因只有一個，菲菲仲會尊重出糧比我既老細，唔會令佢難堪。老板娘單打我，只係顯得佢無量度，我唔還手就係我有量度，嬴哂！
要改善尖沙咀既士氣，老板娘係其中一個挑戰。我做幾多建設性既野，佢就做多一倍摧毀性既野。講到尾，盤生意係佢地兩公婆的，佢地要死我唔會阻止，吃力不討好既事，又浪費氣力又冇效果，呢 d 蝕本生意菲菲係唔會做的。
出黎做事，咩人都會有，如果個個都要比反應佢，未好唔得閒？呵呵呵~
佢既行為只係反映左佢既幼稚、無知同埋無自信，菲菲絕不會欺負弱小的，尤其老細都講過要當佢老婆係細路女咁看待，所以我更加唔會出手。雖然佢既行為會對會議造成影響，亦都示範左比同事睇，唔需要尊重我。本來心中有氣的，不過我都選擇左沉著應戰。原因只有一個，菲菲仲會尊重出糧比我既老細，唔會令佢難堪。老板娘單打我，只係顯得佢無量度，我唔還手就係我有量度，嬴哂！
要改善尖沙咀既士氣，老板娘係其中一個挑戰。我做幾多建設性既野，佢就做多一倍摧毀性既野。講到尾，盤生意係佢地兩公婆的，佢地要死我唔會阻止，吃力不討好既事，又浪費氣力又冇效果，呢 d 蝕本生意菲菲係唔會做的。
出黎做事，咩人都會有，如果個個都要比反應佢，未好唔得閒？呵呵呵~
2007年7月27日 星期五
淡季．旺季
又到月尾，又係追數既最後衝刺階段勒。我店既同事狀態都幾勇猛，雖然唔叫得上係大勇，不過都係響衝線狀態，希望可以刷新上年七月份既紀錄啦。尖沙咀既同事，我諗佢地今個月既生意應該唔多掂，因為今日見佢地成班人都冇心機做野咁，要 mo 起佢地都有排攪。
唔講尖沙咀住，遠水不能救近火，都係攪左有力果班人先。而家追數要緊，每日倒數，要攪都留返下星期先至攪 (老細都唔建議我攪果邊住，呵呵~)。七月同八月，係美容行業既傳統淡季，不過睇數字都唔算太差。上半年既生意已經刷新左 06 年上半年既生意紀錄勒，岩岩步入下半年，冇理由撻 Q 的。而且睇佢地既氣勢，今個月埋單應該會破所謂淡季既紀錄。
菲菲對於旺淡季呢 d 野完全不放在心上，因為事在人為，只要肯努力，咩季都會搵到食。淡季只係生意唔好既藉口，理論上咩季節都會有人去美容院，不過客戶群會有所不同姐。所以要響淡季突圍，就要 target 響暑假都會得閒做 facial 既人，即係冇子女既人。因為暑假時好多客都要陪仔女，唔會有咁多時間黎美容院。不過冇仔女既客人就唔同勒，佢地冇分咩季節的，一年四季都要黎 ga 啦。雖然纖體唔係我地既強項，不過推陳出新絕對係我地既強項。
細公司既好處就係應變快，唔需要好似大公司咁要長 d 時間去決策。基本上我地諗到既野就可以做，只要老細肯首就得勒。我地架構簡單，隨時都可以搵老細傾，上午諗到既野，下午就可以做勒，你話好好哩。
我度果條橋已經獲得老細既支持，已經進行中勒，希望可以快 d 為公司注入一批有實力既新客，令公司既生意上升得快 d。響傳統淡季都有生意升幅，亦都係菲菲挑戰自己既其中一環。再過幾日，就知可唔可以再創紀錄勒。
唔講尖沙咀住，遠水不能救近火，都係攪左有力果班人先。而家追數要緊，每日倒數，要攪都留返下星期先至攪 (老細都唔建議我攪果邊住，呵呵~)。七月同八月，係美容行業既傳統淡季，不過睇數字都唔算太差。上半年既生意已經刷新左 06 年上半年既生意紀錄勒，岩岩步入下半年，冇理由撻 Q 的。而且睇佢地既氣勢，今個月埋單應該會破所謂淡季既紀錄。
菲菲對於旺淡季呢 d 野完全不放在心上，因為事在人為，只要肯努力，咩季都會搵到食。淡季只係生意唔好既藉口，理論上咩季節都會有人去美容院，不過客戶群會有所不同姐。所以要響淡季突圍，就要 target 響暑假都會得閒做 facial 既人，即係冇子女既人。因為暑假時好多客都要陪仔女，唔會有咁多時間黎美容院。不過冇仔女既客人就唔同勒，佢地冇分咩季節的，一年四季都要黎 ga 啦。雖然纖體唔係我地既強項，不過推陳出新絕對係我地既強項。
細公司既好處就係應變快，唔需要好似大公司咁要長 d 時間去決策。基本上我地諗到既野就可以做，只要老細肯首就得勒。我地架構簡單，隨時都可以搵老細傾，上午諗到既野，下午就可以做勒，你話好好哩。
我度果條橋已經獲得老細既支持，已經進行中勒，希望可以快 d 為公司注入一批有實力既新客，令公司既生意上升得快 d。響傳統淡季都有生意升幅，亦都係菲菲挑戰自己既其中一環。再過幾日，就知可唔可以再創紀錄勒。
面對現實
尖沙咀失火後既第一次例會，響一片裝修既嘈吵聲中渡過。
會議中問同事們，因為火警而停賽左一星期，響黎緊既幾日點追返多 d 生意，以彌補一下呢幾日既損失呢？問完之後，只係聽到裝修既聲音，同事們全都低頭不語。之後又問︰「咁你地每人每日有冇 4 個 booking？」較為資深既 Apple 就答︰「本來有的，不過 d 客取消左之後就冇 lor。」
「一日之內只有 4 個客都唔夠你地開單的，公司既要求係最少4 個，最好係 6 個。」我冷冷地應佢地。語畢又係一片沉默。「如果一日之內有 6 個客，就算有客取消，都會剩返起碼 4 個客。而家連基本客源都唔足夠，又點會有客比你開單？」繼續沉默…
本住發掘問題根源既原則，再問佢地︰「有冇客人響度開左 course 之後從來都未黎過做 facial ga？」終於，Apple 有反應了︰「有呀。」我追問︰「點解 d 客人唔黎呢？」Apple 解釋︰「因為佢地嫌遠唔肯黎。」同埋︰「佢地 book 唔到其他美容院先至會 book 我地喎。」仲有︰「有 d 客唔記得響我地度開左 course。」
尖沙咀都嫌遠？唔記得響度開過 course？太過天荒夜談掛？
終於因為時間關係，唔再浪費時間問引渡性問題，索性單刀直入。
「有冇留意新客開既 course 銀碼太低？呢批 call 極都唔黎既客人，佢地響比錢你果刻已經決定左係唔會黎，比千零蚊係開個爛鬼 course，擺明係為左甩身而比既。如果當初你地開新客時令佢地體會到個價值，而願意比多 d 錢黎開 course 既，先至真係你既客。事實上，呢班客擺低果一千幾百，只係當我地乞兒，見我地 sell 得咁落力，當係比貼士咋。你地仲以為開左新客懶開心咁！」氣我我丫！「仲有，點解我地會當我地係後備丫？因為人地唔認為我地專業，佢地會 book 左其他美容院先，都唔會考慮 book 我地先，係唔係需要檢討一下？客人根本冇當過我地係一間美容院，佢甚至乎連響度開左單都可以唔記得既，大家認為自己冇問題嗎？」
「唔該大家面對現實啦，唔好以為開左張單仔就有個新客，人地根本冇放你在眼內。」
之後，再睇下佢地 d 尾數，見到一大堆尾數仲有好多係超過 3 個月都未比尾數的。「有冇可能 2 月份既尾數到而家都唔收？呢單野都唔係單啦，個客擺到明撻訂，唔好妄想個客會比埋尾數你。呢 d 唔係 AR，係壞賬。」
最後一個環節係問佢地推廣中既產品知識，竟然冇人答得岩…
整個會議完結之後，佢地認為我係雞蛋挑骨頭，完全唔肯面對自己不濟既現實。既然佢地唔面對，唯有我面對啦。氣結完畢之後，只有努力 d，猛力加強佢地既訓練啦。
會議中問同事們，因為火警而停賽左一星期，響黎緊既幾日點追返多 d 生意，以彌補一下呢幾日既損失呢？問完之後，只係聽到裝修既聲音，同事們全都低頭不語。之後又問︰「咁你地每人每日有冇 4 個 booking？」較為資深既 Apple 就答︰「本來有的，不過 d 客取消左之後就冇 lor。」
「一日之內只有 4 個客都唔夠你地開單的，公司既要求係最少4 個，最好係 6 個。」我冷冷地應佢地。語畢又係一片沉默。「如果一日之內有 6 個客，就算有客取消，都會剩返起碼 4 個客。而家連基本客源都唔足夠，又點會有客比你開單？」繼續沉默…
本住發掘問題根源既原則，再問佢地︰「有冇客人響度開左 course 之後從來都未黎過做 facial ga？」終於，Apple 有反應了︰「有呀。」我追問︰「點解 d 客人唔黎呢？」Apple 解釋︰「因為佢地嫌遠唔肯黎。」同埋︰「佢地 book 唔到其他美容院先至會 book 我地喎。」仲有︰「有 d 客唔記得響我地度開左 course。」
尖沙咀都嫌遠？唔記得響度開過 course？太過天荒夜談掛？
終於因為時間關係，唔再浪費時間問引渡性問題，索性單刀直入。
「有冇留意新客開既 course 銀碼太低？呢批 call 極都唔黎既客人，佢地響比錢你果刻已經決定左係唔會黎，比千零蚊係開個爛鬼 course，擺明係為左甩身而比既。如果當初你地開新客時令佢地體會到個價值，而願意比多 d 錢黎開 course 既，先至真係你既客。事實上，呢班客擺低果一千幾百，只係當我地乞兒，見我地 sell 得咁落力，當係比貼士咋。你地仲以為開左新客懶開心咁！」氣我我丫！「仲有，點解我地會當我地係後備丫？因為人地唔認為我地專業，佢地會 book 左其他美容院先，都唔會考慮 book 我地先，係唔係需要檢討一下？客人根本冇當過我地係一間美容院，佢甚至乎連響度開左單都可以唔記得既，大家認為自己冇問題嗎？」
「唔該大家面對現實啦，唔好以為開左張單仔就有個新客，人地根本冇放你在眼內。」
之後，再睇下佢地 d 尾數，見到一大堆尾數仲有好多係超過 3 個月都未比尾數的。「有冇可能 2 月份既尾數到而家都唔收？呢單野都唔係單啦，個客擺到明撻訂，唔好妄想個客會比埋尾數你。呢 d 唔係 AR，係壞賬。」
最後一個環節係問佢地推廣中既產品知識，竟然冇人答得岩…
整個會議完結之後，佢地認為我係雞蛋挑骨頭，完全唔肯面對自己不濟既現實。既然佢地唔面對，唯有我面對啦。氣結完畢之後，只有努力 d，猛力加強佢地既訓練啦。
2007年7月26日 星期四
2007年7月25日 星期三
傳媒第二篇
繼上次某傳媒黎訪問時有不愉快事件之後，今日又有一單。
幫手安排傳媒訪問既 agency，安排左某大報黎做採訪，不過響採訪之前要我地比 d 做緊 facial 既相佢地。首先我覺得好奇怪，既然佢地會黎採訪，點解唔黎左先至影？仲有，佢地要我地響星期六之前一定要比到相佢，就更加難攪勒。係人都知服務行業最忙就係人地放工放假既時候，即係一星期內面最忙既就係星期五、六、日。我地既美容師全部 book 哂客，冇人可以幫手影相，又安排唔到房出黎，你叫我地點影？於是我反問 agency 果邊︰「個記者有冇採訪過美容行業 ga？點解要揀人地最忙果幾日一定要同佢影相？」佢答我︰「咁個記者一定要丫嘛，如果唔係做唔到比你喎。」
有冇攪錯呀？你係要影都搵星期一至四丫，人地搵食既黃金時間 (仲要係月尾追數！)，梗係做左生意先啦，有邊個同事願意有生意唔做走黎同你影相丫？跟住佢地仲攪笑到要我地早 d 開門比佢地影相。佢真係唔知美容師一日要踩十粒鐘起碼，做野時要出力 ga，加埋夜晚既 OT，仲叫人地早 d 返，有 OT 計都唔理你啦。
另一樣野係，點解一定要有做緊 facial 既相呢？呢 d 相千篇一律，有新意咩？我地從來都唔擺 d 咁既相既，根本突出唔到我地有幾唔同，咁行貸既野，影 cheap 哂我地既形象。對呢間 agency 既感覺，又睇低左一線勒。
衷心講一句，唔該 d 人做野有返 d heart 啦，人云亦云既動作，起到推廣既作用咩？請佢地認真 d 讀下 marketing 先至學人講 marketing edge 啦。究竟知唔知咩叫 edge ga？
幫手安排傳媒訪問既 agency，安排左某大報黎做採訪，不過響採訪之前要我地比 d 做緊 facial 既相佢地。首先我覺得好奇怪，既然佢地會黎採訪，點解唔黎左先至影？仲有，佢地要我地響星期六之前一定要比到相佢，就更加難攪勒。係人都知服務行業最忙就係人地放工放假既時候，即係一星期內面最忙既就係星期五、六、日。我地既美容師全部 book 哂客，冇人可以幫手影相，又安排唔到房出黎，你叫我地點影？於是我反問 agency 果邊︰「個記者有冇採訪過美容行業 ga？點解要揀人地最忙果幾日一定要同佢影相？」佢答我︰「咁個記者一定要丫嘛，如果唔係做唔到比你喎。」
有冇攪錯呀？你係要影都搵星期一至四丫，人地搵食既黃金時間 (仲要係月尾追數！)，梗係做左生意先啦，有邊個同事願意有生意唔做走黎同你影相丫？跟住佢地仲攪笑到要我地早 d 開門比佢地影相。佢真係唔知美容師一日要踩十粒鐘起碼，做野時要出力 ga，加埋夜晚既 OT，仲叫人地早 d 返，有 OT 計都唔理你啦。
另一樣野係，點解一定要有做緊 facial 既相呢？呢 d 相千篇一律，有新意咩？我地從來都唔擺 d 咁既相既，根本突出唔到我地有幾唔同，咁行貸既野，影 cheap 哂我地既形象。對呢間 agency 既感覺，又睇低左一線勒。
衷心講一句，唔該 d 人做野有返 d heart 啦，人云亦云既動作，起到推廣既作用咩？請佢地認真 d 讀下 marketing 先至學人講 marketing edge 啦。究竟知唔知咩叫 edge ga？
2007年7月24日 星期二
衝突與平衡
響工作上，大家有機會遇到人事衝突，仲會認為如果公司冇左某某人士就天下太平云云。初出茅廬既菲菲都有咁既諗法，不過而家就好明白，適當既人事衝突係有助公司既平衡。
舉個例，我係一個 result-oriented 既人，主要既職場秘訣係獲得老細既信任同埋完成老細下達既指令。響我心目中，卒數、訓示同事同埋挑佢地既骨頭係我既主要工作，因為老細喜歡咁既下屬。而 Annie 係一個口硬心軟既人，主要既職場秘訣係獲得同事既擁戴。事實上都好明顯，同事們係好鍾意 Annie，不過就好怕我，因為我唔會企響同事既立場思考，我只會顧及老細既需求，所以響同事心目中，Annie 係天使，我係魔鬼。好似教仔咁，一個做忠，一個做奸，軟硬功都可以同時使用，你話幾正哩！菲菲日日響度寫公司既野，可能同事晚晚都響自己個 blog 度話菲菲變態都唔定，哈哈哈！
呢個配搭響管理上有時都會出現衝突，例如我想同事突破成績時，Annie 有時都會企響同事既立場同我撐，認為我唔理同事既感受，只顧住自己份工，毫無人情味。其實，我唔係只顧住自己份工 ga，如果生意唔好，大家都冇工做，冇理由大家一齊失業掛？有時 Annie 會明，但係大多數時候佢都係唔認同。不過算啦，呢個世界上只有一個菲菲，唔可以要求其他人同我既諗法一樣嘛，只要搵到平衡點，又有生意，又唔迫死 d 同事就得啦。
最可憐既係，鑊鑊呢 d 高難度動作都係落在我頭上，大家一要離開 comfort zone 就死都咬住唔放，唯有又突破下自己啦。響度返工，已經提升左我既 EQ 勒，因為要學識接受而家既班底同埋佢地既做事作風，咁就要諗多 d 「刁鑽」既方式去卒數勒。
舉個例，我係一個 result-oriented 既人，主要既職場秘訣係獲得老細既信任同埋完成老細下達既指令。響我心目中，卒數、訓示同事同埋挑佢地既骨頭係我既主要工作，因為老細喜歡咁既下屬。而 Annie 係一個口硬心軟既人，主要既職場秘訣係獲得同事既擁戴。事實上都好明顯，同事們係好鍾意 Annie，不過就好怕我，因為我唔會企響同事既立場思考，我只會顧及老細既需求，所以響同事心目中，Annie 係天使，我係魔鬼。好似教仔咁，一個做忠，一個做奸，軟硬功都可以同時使用，你話幾正哩！菲菲日日響度寫公司既野，可能同事晚晚都響自己個 blog 度話菲菲變態都唔定，哈哈哈！
呢個配搭響管理上有時都會出現衝突，例如我想同事突破成績時，Annie 有時都會企響同事既立場同我撐，認為我唔理同事既感受，只顧住自己份工，毫無人情味。其實，我唔係只顧住自己份工 ga，如果生意唔好，大家都冇工做，冇理由大家一齊失業掛？有時 Annie 會明，但係大多數時候佢都係唔認同。不過算啦，呢個世界上只有一個菲菲，唔可以要求其他人同我既諗法一樣嘛，只要搵到平衡點，又有生意，又唔迫死 d 同事就得啦。
最可憐既係，鑊鑊呢 d 高難度動作都係落在我頭上，大家一要離開 comfort zone 就死都咬住唔放，唯有又突破下自己啦。響度返工，已經提升左我既 EQ 勒，因為要學識接受而家既班底同埋佢地既做事作風，咁就要諗多 d 「刁鑽」既方式去卒數勒。
度橋
我既工作成日都要度橋，即係諗計仔。要諗既範圍包括推廣項目、激勵士氣、應付同事同埋最緊要係應付老細 XD。諗野已經成為我生活既一部份，行街又諗，返工又諗，連頭先沖沖下涼都度到計仔。
事緣老細今日下旨要我諗下響餘下既一星期點樣可以追多 30% 既營業額，幫補下火災損失左既生意。呢個波我接到應哂，交唔到波，因為我想同 Annie 一齊度下橋時，佢冷冷的一句︰「你諗啦，我諗唔到。」就閃左勒。當時心中有氣 ga，不過算啦，如果佢都諗到，老細就唔會叫我諗啦。
返屋企既路上，諗黎諗去都冇咩頭緒 (忽然醒起唔知邊個講過，創作係孤獨的，應哂！)，返到屋企時諗到唔想諗就放棄勒，聽日再諗過啦。於是走左去沖涼，可能比水淋下，個人醒左 d，即刻有一條極簡單又多元化既橋「叮」左我一野，呢個 idea 可以吸引多個範疇既新客，又唔駛大量既準備功夫，正呀！當然，橋既內容就不便透露勒，呢 d 咁精警既野絕對係商業秘密，到有行家跟風時再同大家講啦。好多時我度既橋，好快就有行家跟風，所以我地要不停轉新橋，等佢地想追都追唔切。哈哈哈~
今晚有覺好訓勒，YEAH！
事緣老細今日下旨要我諗下響餘下既一星期點樣可以追多 30% 既營業額，幫補下火災損失左既生意。呢個波我接到應哂，交唔到波，因為我想同 Annie 一齊度下橋時，佢冷冷的一句︰「你諗啦，我諗唔到。」就閃左勒。當時心中有氣 ga，不過算啦，如果佢都諗到，老細就唔會叫我諗啦。
返屋企既路上，諗黎諗去都冇咩頭緒 (忽然醒起唔知邊個講過，創作係孤獨的，應哂！)，返到屋企時諗到唔想諗就放棄勒，聽日再諗過啦。於是走左去沖涼，可能比水淋下，個人醒左 d，即刻有一條極簡單又多元化既橋「叮」左我一野，呢個 idea 可以吸引多個範疇既新客，又唔駛大量既準備功夫，正呀！當然，橋既內容就不便透露勒，呢 d 咁精警既野絕對係商業秘密，到有行家跟風時再同大家講啦。好多時我度既橋，好快就有行家跟風，所以我地要不停轉新橋，等佢地想追都追唔切。哈哈哈~
今晚有覺好訓勒，YEAH！
脾氣的背後
Candy 生性脾氣暴燥，少少事都大發雷霆，嬲哂成公司既人，一副生人勿近既模樣。佢與同事既之磨擦可謂天天新款，我都連續幾日既一早同佢有磨擦。同事冇義務忍受一個咁既同事響度，一時唔高興就發脾氣，發完脾氣就走去 tum 返人。頭果幾次呢 d 招數都當算駛得，不過日復日既情況底下，已經有同事 (包括我) 都唔會受佢果套，會以冷面孔回應佢。大家都係返工做野，冇人有權對其他人發脾氣，就算我同 Annie 有事要訓斥同事，不過絕對唔會用發脾氣黎招呼同事。
之前有同 Annie 傾過關於 Candy 既脾氣問題，研究過佢既行為模式，相信佢既家庭缺乏溫暖，同埋極度害怕受到傷害。為左保護自己，Candy 會採取先發制人既方式，惡過你，等你唔會埋佢身。諗深一層，其實佢係一條可憐蟲。Annie 同 Candy 比較熟，聽完我既講法之後，第一個反應係︰「你點知佢屋企 d 野 ga？」
「我唔知 ga，只係憑佢既行為推斷出黎咋。」
Annie 一臉狐疑，唔知我點樣估到。
其實好容易估，因為 Candy 既內心太渴望愛，家人比唔到愛佢，朋輩比唔到愛佢，同事更加比唔到愛佢，自不然會認為世上所有人都唔愛佢。為左保護自己脆弱的心靈，就會扮一隻生人勿近的刺蝟，咁就唔會比人傷害到勒。呢樣野，我已經暗中向 Candy 旁敲側擊咁問過佢，原來我既推斷真係冇錯。
家庭對於一個人既影響，真係非常之大！
之前有同 Annie 傾過關於 Candy 既脾氣問題，研究過佢既行為模式，相信佢既家庭缺乏溫暖，同埋極度害怕受到傷害。為左保護自己，Candy 會採取先發制人既方式，惡過你，等你唔會埋佢身。諗深一層，其實佢係一條可憐蟲。Annie 同 Candy 比較熟，聽完我既講法之後，第一個反應係︰「你點知佢屋企 d 野 ga？」
「我唔知 ga，只係憑佢既行為推斷出黎咋。」
Annie 一臉狐疑，唔知我點樣估到。
其實好容易估，因為 Candy 既內心太渴望愛，家人比唔到愛佢，朋輩比唔到愛佢，同事更加比唔到愛佢，自不然會認為世上所有人都唔愛佢。為左保護自己脆弱的心靈，就會扮一隻生人勿近的刺蝟，咁就唔會比人傷害到勒。呢樣野，我已經暗中向 Candy 旁敲側擊咁問過佢，原來我既推斷真係冇錯。
家庭對於一個人既影響，真係非常之大！
最佳女友
要成為最佳女友，其實好容易。
只要留意以下既事項就得勒 (唔係抄返黎 ga，100%個人經驗黎 ga！)
只要留意以下既事項就得勒 (唔係抄返黎 ga，100%個人經驗黎 ga！)
- 男人要空間，唔好追魂 call 或轟炸 SMS。
- 男人要面子，絕對唔可以響佢既朋友面前鬧佢 / 扭計 / 黑面之類。
- 男人要私隱，唔好 check 佢既銀行戶口 / 信件 / 電郵 / 手機之類既物品。
- 唔好扭男人買野比你，尤其係名牌野 / 珠寶首飾之類。
- 唔好扭男人帶你去旅行，佢自然會叫你去。
- 唔好教男人做事，佢地鍾意自己決定點做。
- 唔好要男人 plan 食咩菜、睇咩戲，除非佢有心頭好，呢 d 濕碎野女人決定得勒。
- 唔好響公眾場所發脾氣，有咩事返屋企先至打餐飽。
- 唔好要男人拎手袋！
- 唔好將男人當作奴隸般勞役，男人幫女人唔係老奉的。
男士們，比下意見哩~
2007年7月23日 星期一
儀態
有吸引力既女士一定要有儀態，但儀態並唔係行路扭下檸下，拎野時翹起手指尾既表面功夫，係有內功要修的。外表好似好有儀態既女仔，都會做出極冇儀態既事，令人倒盡胃口，尤其男士會避之則吉，單身女士密切留意以下貼士！以下係幾種公共交通工具會見到既事，全部響菲菲眼中，甚至係廣大既男士眼中都係儀態盡失兼扣哂分既表現。
自踏入社會做事開始，菲菲返工去街都必定會化妝，因為化妝係女士既基本禮貌。每日都會化好妝梳好頭照哂鏡先至出門口。好多時響公共交通工具度見 d 女仔化妝，真係覺得好冇儀態。我只可以接受女仔補妝，即係補少少粉或者補下唇膏之類。但係真係接受唔到響架車度示範變瞼，由豬扒變貂嬋，將女性神秘既一面咁坦蕩蕩呈現響群眾面前，太嘔心了。化妝係一種禮貌，響公共場合化妝就係冇禮貌。尤其好多女仔化妝時都會有好多面部表情變化，無論你化完妝時有幾靚都好，一見你化妝時既各種表情，真係好趕客。
化妝都事少，最少唔影響到人，只要你唔望佢就冇事。有時見女士心急整理儀容，會響車度剪指甲。呢下野菲菲真係頂唔到。果 d 啪啪聲都已經夠刺耳，加埋 d 指甲碎好似放煙花咁周圍彈，真係好駭人！咁唔衛生，無論你有幾靚都好，咩分都扣哂啦。
仲有一樣係響架車度食野，表演各式既食相。菲菲真係唔明點解要響架車度食野。乜香港人既生活真係忙到連坐低食野既時間都冇？定係想比大家知，佢既 time management 一流，連搭車既時間都唔放過，要搵 d 事黎做下填左個空檔？認真費解… 菲菲自問工作都幾忙，工時都算長，但係都會有時間坐定定食下飯，所以真係唔多明…
大聲講電話 (中間仲要夾雜大量粗口同埋人地既事非)、廣播 MP3 (懶型)、個 NDS / PSP 開哂喇叭咁玩 、同友伴大聲談笑之類，全部響菲菲眼中都係無儀態既行為。無論你個手袋有幾貴，套衫有幾靚，個電話有幾新款，身材有幾索都係 side 氣，有以上是但一種行為已經夠哂，只會比人冠以貶義既「港女」稱號。香港既女士們，係時候反思一下，吸引力唔係你黎自你既既外表，係源自你既行為同埋內涵。
自踏入社會做事開始，菲菲返工去街都必定會化妝，因為化妝係女士既基本禮貌。每日都會化好妝梳好頭照哂鏡先至出門口。好多時響公共交通工具度見 d 女仔化妝，真係覺得好冇儀態。我只可以接受女仔補妝，即係補少少粉或者補下唇膏之類。但係真係接受唔到響架車度示範變瞼，由豬扒變貂嬋，將女性神秘既一面咁坦蕩蕩呈現響群眾面前，太嘔心了。化妝係一種禮貌，響公共場合化妝就係冇禮貌。尤其好多女仔化妝時都會有好多面部表情變化，無論你化完妝時有幾靚都好，一見你化妝時既各種表情，真係好趕客。
化妝都事少，最少唔影響到人，只要你唔望佢就冇事。有時見女士心急整理儀容，會響車度剪指甲。呢下野菲菲真係頂唔到。果 d 啪啪聲都已經夠刺耳，加埋 d 指甲碎好似放煙花咁周圍彈，真係好駭人！咁唔衛生，無論你有幾靚都好，咩分都扣哂啦。
仲有一樣係響架車度食野，表演各式既食相。菲菲真係唔明點解要響架車度食野。乜香港人既生活真係忙到連坐低食野既時間都冇？定係想比大家知，佢既 time management 一流，連搭車既時間都唔放過，要搵 d 事黎做下填左個空檔？認真費解… 菲菲自問工作都幾忙，工時都算長，但係都會有時間坐定定食下飯，所以真係唔多明…
大聲講電話 (中間仲要夾雜大量粗口同埋人地既事非)、廣播 MP3 (懶型)、個 NDS / PSP 開哂喇叭咁玩 、同友伴大聲談笑之類，全部響菲菲眼中都係無儀態既行為。無論你個手袋有幾貴，套衫有幾靚，個電話有幾新款，身材有幾索都係 side 氣，有以上是但一種行為已經夠哂，只會比人冠以貶義既「港女」稱號。香港既女士們，係時候反思一下，吸引力唔係你黎自你既既外表，係源自你既行為同埋內涵。
發問的藝術
發問本身係一門藝術，尤其應用響銷售行業，適當既發問可以更瞭解客人，到埋門一腳既準確度就會高好多。
菲菲有一份「問卷」，係設計比同事用的。當然同事唔係搬字過紙咁問啦，份問卷係一個 guideline，比同事知道咩時候要問 d 咩，同埋需要知道客人邊方面既資料先至可以有把握擊中佢地既需要。知己知彼，百戰百勝，係做銷售既基本原則。一味硬銷係搵唔到食的，仲會換來「黑店」既惡名，絕對唔化算。要客人笑住比錢你駛，一定要對客人既需要同經濟狀況有基本掌握，仲要完全得到客人既認同，佢地先至會安心比錢你。
好多 sales 響掌握客人既需要同經濟狀況都冇問題，不過響獲得客人既認同方面就欠缺功力勒。要令客人認同，係要問大量引渡性問題，時攻時守，細心注意客人既每一句每一個動作，引領客人跟住銷售人員既思維走，咁個客就自自然然會認同勒。要有呢方面既功力，真係要練的，唔係三言兩語可以學識既功夫，此乃銷售內功也。菲菲當年要日日操 2 粒鐘，操左成年先至敢肯定自己用得好。每次既操練都係做 drilling，即係模擬銷售，其他同事扮客，我要模擬實況去 sell 位同事，細心處理每一個環節，老頂就響旁邊比分，之後比意見，我就要響下次既訓練度改善。日復日咁操，好多野都變左做本能，例如用字、語氣、起承轉合、聆聽、處理突發場面等等，都已經熟能生巧。
當時有好多同事都反對做 drilling，覺得好浪費時間，不過菲菲就好珍惜 drilling 既日子。因為自己係唔會知自己有咩地方做得唔好既，旁觀者清嘛。同埋我好信任老頂的，大家坐埋一條船，我係佢既搵食工具，唔通佢會比蕉皮我踩咩。而家我既老頂係老細，唔係銷售方面既精英，已經冇左呢支歌仔唱了。所以我就做左 Trainer 既角色，去訓練班妹妹仔。而家一星期只係得一次 drilling 佢地都嫌多，後生一輩既妹妹仔真係好唔捱得。咁既進度，要佢地有我既功力真係有排等。
後記︰
同事成日話︰「你係大學畢業就梗係識啦。」銷售關讀幾多書咩事？銷售係日積月累磨練返黎的，同讀幾多書冇直接既關係。
菲菲有一份「問卷」，係設計比同事用的。當然同事唔係搬字過紙咁問啦，份問卷係一個 guideline，比同事知道咩時候要問 d 咩，同埋需要知道客人邊方面既資料先至可以有把握擊中佢地既需要。知己知彼，百戰百勝，係做銷售既基本原則。一味硬銷係搵唔到食的，仲會換來「黑店」既惡名，絕對唔化算。要客人笑住比錢你駛，一定要對客人既需要同經濟狀況有基本掌握，仲要完全得到客人既認同，佢地先至會安心比錢你。
好多 sales 響掌握客人既需要同經濟狀況都冇問題，不過響獲得客人既認同方面就欠缺功力勒。要令客人認同，係要問大量引渡性問題，時攻時守，細心注意客人既每一句每一個動作，引領客人跟住銷售人員既思維走，咁個客就自自然然會認同勒。要有呢方面既功力，真係要練的，唔係三言兩語可以學識既功夫，此乃銷售內功也。菲菲當年要日日操 2 粒鐘，操左成年先至敢肯定自己用得好。每次既操練都係做 drilling，即係模擬銷售，其他同事扮客，我要模擬實況去 sell 位同事，細心處理每一個環節，老頂就響旁邊比分，之後比意見，我就要響下次既訓練度改善。日復日咁操，好多野都變左做本能，例如用字、語氣、起承轉合、聆聽、處理突發場面等等，都已經熟能生巧。
當時有好多同事都反對做 drilling，覺得好浪費時間，不過菲菲就好珍惜 drilling 既日子。因為自己係唔會知自己有咩地方做得唔好既，旁觀者清嘛。同埋我好信任老頂的，大家坐埋一條船，我係佢既搵食工具，唔通佢會比蕉皮我踩咩。而家我既老頂係老細，唔係銷售方面既精英，已經冇左呢支歌仔唱了。所以我就做左 Trainer 既角色，去訓練班妹妹仔。而家一星期只係得一次 drilling 佢地都嫌多，後生一輩既妹妹仔真係好唔捱得。咁既進度，要佢地有我既功力真係有排等。
後記︰
同事成日話︰「你係大學畢業就梗係識啦。」銷售關讀幾多書咩事？銷售係日積月累磨練返黎的，同讀幾多書冇直接既關係。
禮物黨
公司成日都會響報紙雜誌度登下 coupon 位，以一個好優惠既價錢比新客試做最新服務，當中仲有部份 coupon 係有禮物送的，只要客人黎試一次都有份小禮物送比佢。新客多數都會揀尖沙咀間分店試做，因為果度方便 d 丫嘛。平均每次出 coupon 都有十幾二十個客黎試，不過尖沙咀既同事既 closing rate 就認真低，只有四份一既客人會響度開 course，而且銀碼非常細，其餘既都拎左禮物就走人。尖沙咀既同事為左掩飾自己既不濟，就幫呢班客起左個朵，就係「禮物黨」。意謂呢班人黎既目的只係想要禮物，根本冇意欲開 course 云云。當然唔係每一個客人黎試都準備定錢開 course 啦，我地送禮物既目的就係要吸引佢地黎，只要有多 d 人黎，就會有多 d 機會開單嘛。不過佢地對新客採取抗拒既態度，又點會開到單？尖沙咀既同事仲攪笑，為左證明佢地係對的，就整左一份「黑名單」，仲比埋我店，要求我地唔好接呢 d 客。我就睬佢都多餘，只要有客 book，有理冇理接左至算。
星期六正好有一個好例子，有個客打電話黎 book 左一個試做，新客喎，梗接啦！撞岩果日有位尖沙咀既同事抽調過黎幫手，一認就認出果位客人響尖沙咀間店度試左其他優惠但係冇開 course，就同 Annie 講呢個客係「禮物黨」。既然客人已經黎到，我地都唔會趕人走既，都照做，不過做完之後 Annie 就同呢位「禮物黨」客人傾 course。結果係點？當然係做成左佢單生意啦！我店冇咩叻，最叻係用行動證明「凡事皆可能」。人地越係話做唔到咩？我地就即場做比你睇，等尖沙咀既同事冇說話好講。
咩叫「禮物黨」呀？客人唔肯開單，只係證明左你不濟，唔好下下都將責任推落個客度。淨係響呢個 blog 都唔知講左幾多次，客人係冇責任比錢你駛的，只有我地有責任令客人願意比錢姐。呢單野只係其中一單，之前都試過好幾次，尖沙咀既所謂「禮物黨」黎到我店，全部都開單的。佢地仲肯黎，即係佢地都鍾意我地既服務，如果唔係，有野送都唔黎啦。你估真係得閒成咁呀？
星期六正好有一個好例子，有個客打電話黎 book 左一個試做，新客喎，梗接啦！撞岩果日有位尖沙咀既同事抽調過黎幫手，一認就認出果位客人響尖沙咀間店度試左其他優惠但係冇開 course，就同 Annie 講呢個客係「禮物黨」。既然客人已經黎到，我地都唔會趕人走既，都照做，不過做完之後 Annie 就同呢位「禮物黨」客人傾 course。結果係點？當然係做成左佢單生意啦！我店冇咩叻，最叻係用行動證明「凡事皆可能」。人地越係話做唔到咩？我地就即場做比你睇，等尖沙咀既同事冇說話好講。
咩叫「禮物黨」呀？客人唔肯開單，只係證明左你不濟，唔好下下都將責任推落個客度。淨係響呢個 blog 都唔知講左幾多次，客人係冇責任比錢你駛的，只有我地有責任令客人願意比錢姐。呢單野只係其中一單，之前都試過好幾次，尖沙咀既所謂「禮物黨」黎到我店，全部都開單的。佢地仲肯黎，即係佢地都鍾意我地既服務，如果唔係，有野送都唔黎啦。你估真係得閒成咁呀？
2007年7月21日 星期六
尋找精神食糧
趁今日《哈利波特》既結局篇開賣之際，就夥同我既十幾年老死銀狐一齊避開書展既人潮，去左書店搵下書，尋求下精神上既滿足。不過人算不如天算，原來間間書店都好多人…
第一站去左新既尖沙咀商務，果然名不虛傳，個環境真係好嘈。行左一個圈，有少少迷路 (其實菲菲本身就係路痴，大家唔駛覺得奇怪)，之後左搵右搵之下，只見有一坐山係特別搶眼的，冇錯，果坐山就係一大堆厚過辭海既《哈利波特》。繞過左坐山之後，想搵下 d 講性格學或者心理學既書，不過搵左一陣都搵唔到心頭好 (太深唔識睇，太淺又唔想睇~ XD)。正當有少少失望之際，銀狐就靜悄悄地遞上陶兆輝既新書 (可能唔係熱辣辣既新書，不過我未有呢本) 比我。嘩！果然係老死，唔駛講都知我想睇咩書，開心到丫~ 陶博士係其中一位我好喜愛既導師，佢既書我有齊哂，下次上佢堂時一定要搵佢簽返個名先。
離開商務時，我只係買左一本書，銀狐就冇斬獲，所以我地轉戰旺角既田園書店。
響暢銷書、新書、同埋講心理學既書架度搵呀搵都搵唔到想睇既書，真係有少少沮喪。銀狐就搵左 2 本佢果行既書，好開心咁準備散水。又係正當我想放棄之際，隨意望向歷史文學果邊，終於發現左第一本好野。果本書係 Q 版三十六計，哈哈哈~ 又幾得意喎，所以就揀左呢本。之後仲揀左一本漫畫榮格同埋一本講名人性格既書 (不過入面好多名人都已作古，冇得對照…)，對總算對今次既搵食之旅有所交待勒。
十年前我就好鍾意睇西方作者既著作，尤其好強勢咁講提升自己、激勵鬥志、挑戰目標、步向成功果一類既書。可能初初出社會做事，都想裝備一下自己，令自己盡快響社會度立足。同埋當時既菲菲最著重既就係個人成就，所以對呢一類書特別有興趣。不過呢類書睇得多，講黎講去都係幾幅被，響冇咩新意之下，漸漸都唔太想睇。
不過近呢一兩年，睇書既口味轉左，比較鍾意睇性格學、NLP、Coaching、瞭解人類同埋古人既學說，例如道德經、孫子兵法之類。雖然西方著作都有睇，不過比例就少左好多勒。而家開始對中國幾千年既智慧感興趣，所以都睇多左呢方面既書。可能銀狐既工作關係啦，佢一定會研究中國文化的，比佢薰陶之下都認識多左中國智慧，學下做龍的傳人嘛。
第一站去左新既尖沙咀商務，果然名不虛傳，個環境真係好嘈。行左一個圈，有少少迷路 (其實菲菲本身就係路痴，大家唔駛覺得奇怪)，之後左搵右搵之下，只見有一坐山係特別搶眼的，冇錯，果坐山就係一大堆厚過辭海既《哈利波特》。繞過左坐山之後，想搵下 d 講性格學或者心理學既書，不過搵左一陣都搵唔到心頭好 (太深唔識睇，太淺又唔想睇~ XD)。正當有少少失望之際，銀狐就靜悄悄地遞上陶兆輝既新書 (可能唔係熱辣辣既新書，不過我未有呢本) 比我。嘩！果然係老死，唔駛講都知我想睇咩書，開心到丫~ 陶博士係其中一位我好喜愛既導師，佢既書我有齊哂，下次上佢堂時一定要搵佢簽返個名先。
離開商務時，我只係買左一本書，銀狐就冇斬獲，所以我地轉戰旺角既田園書店。
響暢銷書、新書、同埋講心理學既書架度搵呀搵都搵唔到想睇既書，真係有少少沮喪。銀狐就搵左 2 本佢果行既書，好開心咁準備散水。又係正當我想放棄之際，隨意望向歷史文學果邊，終於發現左第一本好野。果本書係 Q 版三十六計，哈哈哈~ 又幾得意喎，所以就揀左呢本。之後仲揀左一本漫畫榮格同埋一本講名人性格既書 (不過入面好多名人都已作古，冇得對照…)，對總算對今次既搵食之旅有所交待勒。
十年前我就好鍾意睇西方作者既著作，尤其好強勢咁講提升自己、激勵鬥志、挑戰目標、步向成功果一類既書。可能初初出社會做事，都想裝備一下自己，令自己盡快響社會度立足。同埋當時既菲菲最著重既就係個人成就，所以對呢一類書特別有興趣。不過呢類書睇得多，講黎講去都係幾幅被，響冇咩新意之下，漸漸都唔太想睇。
不過近呢一兩年，睇書既口味轉左，比較鍾意睇性格學、NLP、Coaching、瞭解人類同埋古人既學說，例如道德經、孫子兵法之類。雖然西方著作都有睇，不過比例就少左好多勒。而家開始對中國幾千年既智慧感興趣，所以都睇多左呢方面既書。可能銀狐既工作關係啦，佢一定會研究中國文化的，比佢薰陶之下都認識多左中國智慧，學下做龍的傳人嘛。
2007年7月20日 星期五
外表
昨晚同男友 Tiger 溫馨地睇電視，睇到一個節目，令我諗左 d 到而家都唔係好明既野。個節目係某整容公司既真人騷，昨晚既主角係一個 19 歲男仔為左想成為模特兒而去整容。一見到主角係男性，Tiger 即時好大反應︰「有冇攪錯呀？男人老狗整咩容呀？男人最緊要有內涵丫嘛！」我就同 Tiger 講︰「你靚仔丫嘛 (讀者們先不要嘔，情人間既說話係擺明包哂糖衣… XD)，又點會明丫。」Tiger 回敬左我一句︰「咁你明咩？」
諗諗下，我又真係唔明喎。
到而家我都唔明點解要整容，可能我心底係抗拒呢樣野，所以真係諗左好耐都唔明點解會有人有咁大既決心去整容。其實我覺得整容係好可怕的，要尋回自信，有好多方法，外表絕對唔係排第一。又可能我真係絕對冇需要去整容 (少女菲菲都幾標緻 ga，不過而家多左 d 歲月痕跡之嘛… XD)，所以無法子想像容貌不濟時有冇需要去整容。
不過都好既，起碼真係想改善自己容貌既人都叫做有方法丫，雖然個人覺得呢 d 方法不太可取。菲菲都係欣賞腳踏實地去努力既人，外表既野，可以靚得幾耐？靚又點？都係同意 Tiger 果句︰最緊要有內涵！
諗諗下，我又真係唔明喎。
到而家我都唔明點解要整容，可能我心底係抗拒呢樣野，所以真係諗左好耐都唔明點解會有人有咁大既決心去整容。其實我覺得整容係好可怕的，要尋回自信，有好多方法，外表絕對唔係排第一。又可能我真係絕對冇需要去整容 (少女菲菲都幾標緻 ga，不過而家多左 d 歲月痕跡之嘛… XD)，所以無法子想像容貌不濟時有冇需要去整容。
不過都好既，起碼真係想改善自己容貌既人都叫做有方法丫，雖然個人覺得呢 d 方法不太可取。菲菲都係欣賞腳踏實地去努力既人，外表既野，可以靚得幾耐？靚又點？都係同意 Tiger 果句︰最緊要有內涵！
心魔
今日 Pansy 叫左佢朋友黎做 facial，慣例係試左一次之後，要 sell 佢開返個 course，成為我地既會員。
當客人做緊面膜時，Pansy 走黎問我某 d 服務既問題，答左佢之後佢仲好疑惑咁。咁我就問下佢諗緊 d 咩啦。原來佢同客人傾過開 course 既事，不過客人只肯比好少錢，佢就想搵 d 價格低既服務比客人。我提議左另一項服務比佢，果一項服務需要一次過比大筆錢，不過每次既價錢都好抵，係公司入面最最最超值既服務。當時 Pansy 一聽到就心生抗拒，因為銀碼太大，佢唔想好似迫客人咁。我解釋比 Pansy 知，你又冇解釋過比客人聽，你又知佢一定唔會比錢？Pansy 認為我只顧迫客人，完全冇照顧客人唔想比咁多錢既感受，同埋要佢向 "不願比太多錢" 既客人提議比多 d 錢，令佢極之為難。本來諗住過料比佢做單大生意，仲好似害佢咁，於是我又忍唔住丙左佢幾野勒。
最後我同 Pansy 講︰「你而家一定好唔同意我既講法，以為我咩都唔知就亂 up 一通。不過我可以好肯定咁話比你知，而家唔係客人買唔買既問題，係你有心理障礙既問題。你一日都唔剷除呢隻心魔，你呢世都做唔成大單！記住我講左不止一次，對客人仁慈，即係對自己殘忍。你開唔到單冇人會可憐你，仲會比公司認為你無能。仲有，你介紹果一項服務，只係第一次比少 d 錢，之後佢要不斷比錢你，你都唔想成日都同佢 sell 野掛？何不一了百了，一次過開哂成年既單，等個客唔駛比咁多次錢？你 sell 多佢幾次佢一定怕左你，但係你今日只需 sell 佢一次就有排都唔駛煩，對你對佢都好，咁又有咩問題？我初出道時都比老細咁鬧過。你而家一定唔順氣，不過好快你會知我係為你好。」
做左咁耐 sales，邊有客人會話比你知佢有大把錢等住比你 ga？要客人比錢，係要搵到客人既需要之後一擊即中，只要佢有需要，一定開到單。
到客人試完服務時，我示範左點同客人傾單，只係用左 10 分鐘時間，佢就好開心咁照我既提議去比錢。
之後，我問 Pansy︰「你學到 d 咩？」
希望佢真係學到啦。
當客人做緊面膜時，Pansy 走黎問我某 d 服務既問題，答左佢之後佢仲好疑惑咁。咁我就問下佢諗緊 d 咩啦。原來佢同客人傾過開 course 既事，不過客人只肯比好少錢，佢就想搵 d 價格低既服務比客人。我提議左另一項服務比佢，果一項服務需要一次過比大筆錢，不過每次既價錢都好抵，係公司入面最最最超值既服務。當時 Pansy 一聽到就心生抗拒，因為銀碼太大，佢唔想好似迫客人咁。我解釋比 Pansy 知，你又冇解釋過比客人聽，你又知佢一定唔會比錢？Pansy 認為我只顧迫客人，完全冇照顧客人唔想比咁多錢既感受，同埋要佢向 "不願比太多錢" 既客人提議比多 d 錢，令佢極之為難。本來諗住過料比佢做單大生意，仲好似害佢咁，於是我又忍唔住丙左佢幾野勒。
最後我同 Pansy 講︰「你而家一定好唔同意我既講法，以為我咩都唔知就亂 up 一通。不過我可以好肯定咁話比你知，而家唔係客人買唔買既問題，係你有心理障礙既問題。你一日都唔剷除呢隻心魔，你呢世都做唔成大單！記住我講左不止一次，對客人仁慈，即係對自己殘忍。你開唔到單冇人會可憐你，仲會比公司認為你無能。仲有，你介紹果一項服務，只係第一次比少 d 錢，之後佢要不斷比錢你，你都唔想成日都同佢 sell 野掛？何不一了百了，一次過開哂成年既單，等個客唔駛比咁多次錢？你 sell 多佢幾次佢一定怕左你，但係你今日只需 sell 佢一次就有排都唔駛煩，對你對佢都好，咁又有咩問題？我初出道時都比老細咁鬧過。你而家一定唔順氣，不過好快你會知我係為你好。」
做左咁耐 sales，邊有客人會話比你知佢有大把錢等住比你 ga？要客人比錢，係要搵到客人既需要之後一擊即中，只要佢有需要，一定開到單。
到客人試完服務時，我示範左點同客人傾單，只係用左 10 分鐘時間，佢就好開心咁照我既提議去比錢。
之後，我問 Pansy︰「你學到 d 咩？」
希望佢真係學到啦。
重要與緊急
昨日為 Pansy 做訓練時同佢分享左一個道理，響呢度都好想同大家分享一下。
香港人每天工作都好繁忙，好多野都好 urgent，普遍大家都會先處理 urgent 既工作，但係一天過後，只會換來一身疲累，但係好似仲有好多重要既事情未辦。日復一日，每天都係埋首於緊急事務，但係響忙碌中，可否停一停，諗一諗，究竟你現時忙緊既野，係純粹緊急丫？定係真正重要呢？緊急既事，係必須而家做好。但有冇想過，先將重要既事辦好，就唔會有咁多緊急既工作？
Pansy 一向做事都係打衝鋒咁，忙到頭昏腦脹，往往做唔到重要既事，結果係佢好勤力，不過冇效果。到頭黎，辛苦左一日仲有好多重要事未做，仲要比上司 (即係我) 丙。聽落都好似幾委屈 ga，不過事情一定會有轉機的。首先，就係要問一問自己，邊樣野係重要既，就處理左先。可能大家會問，咁緊急既野唔做會好大鑊喎！冇錯，緊急既野做唔切係有問題，不過你可以選擇只出一次半次問題就可以解決以後既事，又或是次次都趕頭趕命不過都仲有野未攪掂。同埋，人既腦袋好神奇，只要你肯用下佢，佢就會幫你解決好多問題。
如果緊急既事務同埋重要既事務都非常之多，你就有一個好機會，可以鍛鍊一下自己既工作效率同埋思維既速度 (簡稱你既轉數… XD)。唔係冇可能 ga，只要你決定好工作順序之後，就每一樣都 focus 做好，唔好樣樣都做一半，咁就得 ga 勒。冇呃你的，菲菲都係咁，仲有時間寫 blog，你話幾過癮！
香港人每天工作都好繁忙，好多野都好 urgent，普遍大家都會先處理 urgent 既工作，但係一天過後，只會換來一身疲累，但係好似仲有好多重要既事情未辦。日復一日，每天都係埋首於緊急事務，但係響忙碌中，可否停一停，諗一諗，究竟你現時忙緊既野，係純粹緊急丫？定係真正重要呢？緊急既事，係必須而家做好。但有冇想過，先將重要既事辦好，就唔會有咁多緊急既工作？
Pansy 一向做事都係打衝鋒咁，忙到頭昏腦脹，往往做唔到重要既事，結果係佢好勤力，不過冇效果。到頭黎，辛苦左一日仲有好多重要事未做，仲要比上司 (即係我) 丙。聽落都好似幾委屈 ga，不過事情一定會有轉機的。首先，就係要問一問自己，邊樣野係重要既，就處理左先。可能大家會問，咁緊急既野唔做會好大鑊喎！冇錯，緊急既野做唔切係有問題，不過你可以選擇只出一次半次問題就可以解決以後既事，又或是次次都趕頭趕命不過都仲有野未攪掂。同埋，人既腦袋好神奇，只要你肯用下佢，佢就會幫你解決好多問題。
如果緊急既事務同埋重要既事務都非常之多，你就有一個好機會，可以鍛鍊一下自己既工作效率同埋思維既速度 (簡稱你既轉數… XD)。唔係冇可能 ga，只要你決定好工作順序之後，就每一樣都 focus 做好，唔好樣樣都做一半，咁就得 ga 勒。冇呃你的，菲菲都係咁，仲有時間寫 blog，你話幾過癮！
2007年7月19日 星期四
傷心
有部份人寫 blog 都帶幾分哀愁，有慨嘆人生既，有愛情重傷既，有鬱鬱不得志既… 總括黎講，越睇越傷心。
睇左咁多，都會問下自己，我有冇呢份傷感呢？呢種感覺好似好陌生，一時體會唔到箇中的酸苦辣。唔係菲菲得天獨厚事事順利，只係看待逆境既心情唔同姐。人生不如意事十常八九，好明白寫 blog 係一個健康既宣洩途徑，既可吐一口悶氣，又唔傷害到人，都幾好 ga。不過要真正為自己療傷，菲菲會選擇提升正能量，令自己以正面既角度去面對不如意既事情。初時會覺得好虛偽，明明自己唔開心，仲扮咩開心姐！不過諗深一層，繼續由得負面情緒擴張，對事對自己都冇幫助，寫得多又比人覺得我煩，扣哂分，咁又何苦呢？
之後慢慢多以正面既角度去睇不如意事，原來可以響寫既過程啟發一下自己，越寫越睇透，更快捷地渡過傷痛。所以，傷心的感覺，對菲菲黎講真係越黎越陌生。
睇左咁多，都會問下自己，我有冇呢份傷感呢？呢種感覺好似好陌生，一時體會唔到箇中的酸苦辣。唔係菲菲得天獨厚事事順利，只係看待逆境既心情唔同姐。人生不如意事十常八九，好明白寫 blog 係一個健康既宣洩途徑，既可吐一口悶氣，又唔傷害到人，都幾好 ga。不過要真正為自己療傷，菲菲會選擇提升正能量，令自己以正面既角度去面對不如意既事情。初時會覺得好虛偽，明明自己唔開心，仲扮咩開心姐！不過諗深一層，繼續由得負面情緒擴張，對事對自己都冇幫助，寫得多又比人覺得我煩，扣哂分，咁又何苦呢？
之後慢慢多以正面既角度去睇不如意事，原來可以響寫既過程啟發一下自己，越寫越睇透，更快捷地渡過傷痛。所以，傷心的感覺，對菲菲黎講真係越黎越陌生。
衛道
今日睇報紙，講起書展入面有 2 本書惹起爭議，一本係 "粗口書"，另一本係有 "裸露" 插圖既書。睇埋篇報導之後，覺得認真可笑！而家既衛道之士認真利害，連講俚語同埋以名畫做插圖既書都話要評下係唔係不雅物品，真係有荒天下之大謬既感覺。書展既書，理應咩題材都有先至叫做 "展" 掛？如果要封殺衛道之士唔岩睇既書，就失去左書展既意義啦。展覽既其中一個目的，就係要提供選擇，提升多樣化，咁社會先至有進步。文化都要有咁既標籤同尺度，我們係進步中丫？定係倒退中呢？
一向都好反對家長式既自我評審，簡直係抹殺左讀者既選擇自由，亦都扼殺左讀者既判斷能力。粗口同性都係生活既一部份，就算你唔講粗口，都會聽過人講啦。點解講就可以，透過文字去瞭解就唔得？迴避比瞭解更有效嗎？每個人既價值觀都唔同，點解唔可以包括多 d，令大家既空間都多 d？
一向都好反對家長式既自我評審，簡直係抹殺左讀者既選擇自由，亦都扼殺左讀者既判斷能力。粗口同性都係生活既一部份，就算你唔講粗口，都會聽過人講啦。點解講就可以，透過文字去瞭解就唔得？迴避比瞭解更有效嗎？每個人既價值觀都唔同，點解唔可以包括多 d，令大家既空間都多 d？
動腦筋
剛才做左陣銷售訓練，主要都係訓練佢地講解美容療程既方法。有位同事 Pansy 好努力咁抄筆記，抄左一大堆之後，我就叫佢試講一次比我聽。講既過程資料都叫做足夠，不過完全冇說服力，越聽越悶，又點會打動到客人呢？
年資比較長既雯雯就提議 Pansy 要多動腦筋，唔可以將知識好似搬字過紙咁唸比客人聽，客人黎美容院既目的唔係黎上課，如果客人黎到次次都要聽一大段資料同理論，係極度趕客的。雯雯唔係得個講字 ga，佢即刻示範左如果將資料同埋理論溶入與客人有關既事物，令到客人有興趣繼續聽落去，仲令客人覺得好值得嘗試，咁就有銷售既效果勒。
雯雯示範完之後，就叫 Pansy 試講一次，佢就話自己個腦一片空白，咩都諗唔到，所以唔肯講。都未等我出手，雯雯已經忍唔住話佢勒。「做美容師唔係單靠手勢好就搵到食 ga，你要比客人知道你有幾專業同埋有幾細心，佢地先至會幫赻你 ga。唔可以次次問親你野都話一片空白 ga，除非你唔駛出糧就可以唔駛用腦勒。尤其而家競爭咁大，唔用多 d 腦係搵唔到食 ga！我地話你唔係要針對你，係想你好先至叫你諗多 d 野，我都唔可以次次都響你身邊幫你 sell 埋 ga，你都唔想做黎做去都冇進步掛？」
呢番說話由同事講出，比起由我講出既說服力大好多。因為唔係我一廂情願硬塞 d 野比佢，而係由有實力既同事話比佢知，希望 Pansy 真係會明白同事既苦心同埋當中既道理啦。
見到雯雯有咁大既進步，由唔識至到識，而家仲識教同事，我都好鼓舞 ga。以前我既導師有一句名言︰「你既成績代表左我既成績。」所以同事既成績即係我既成績，見到佢地唔單止學識我教既野，仲學識自己學習同埋繼承教學相長既精神，如願足矣！
年資比較長既雯雯就提議 Pansy 要多動腦筋，唔可以將知識好似搬字過紙咁唸比客人聽，客人黎美容院既目的唔係黎上課，如果客人黎到次次都要聽一大段資料同理論，係極度趕客的。雯雯唔係得個講字 ga，佢即刻示範左如果將資料同埋理論溶入與客人有關既事物，令到客人有興趣繼續聽落去，仲令客人覺得好值得嘗試，咁就有銷售既效果勒。
雯雯示範完之後，就叫 Pansy 試講一次，佢就話自己個腦一片空白，咩都諗唔到，所以唔肯講。都未等我出手，雯雯已經忍唔住話佢勒。「做美容師唔係單靠手勢好就搵到食 ga，你要比客人知道你有幾專業同埋有幾細心，佢地先至會幫赻你 ga。唔可以次次問親你野都話一片空白 ga，除非你唔駛出糧就可以唔駛用腦勒。尤其而家競爭咁大，唔用多 d 腦係搵唔到食 ga！我地話你唔係要針對你，係想你好先至叫你諗多 d 野，我都唔可以次次都響你身邊幫你 sell 埋 ga，你都唔想做黎做去都冇進步掛？」
呢番說話由同事講出，比起由我講出既說服力大好多。因為唔係我一廂情願硬塞 d 野比佢，而係由有實力既同事話比佢知，希望 Pansy 真係會明白同事既苦心同埋當中既道理啦。
見到雯雯有咁大既進步，由唔識至到識，而家仲識教同事，我都好鼓舞 ga。以前我既導師有一句名言︰「你既成績代表左我既成績。」所以同事既成績即係我既成績，見到佢地唔單止學識我教既野，仲學識自己學習同埋繼承教學相長既精神，如願足矣！
2007年7月18日 星期三
Search 菲常任務
我有 2 個 blog 既名都係 "菲常任務"，頭先一時無聊，響 Yahoo 度 search 下 "菲常任務"，即時 search 到呢個 blog 排響第一位，但係另一個 blog 就影都唔見。仲發現左馬老板都放左我條 link 響佢個 blog 度，開心不已！
搬黎呢度寫 blog 果然係明智既決擇~
搬黎呢度寫 blog 果然係明智既決擇~
善後工作
尖沙咀既一場小火，影響卻不小。
首先唔單止自己舖頭一地都係水，連樓下幾層都有水，攪到大廈既電梯暫停服務，重新裝修加埋條賠償數都唔知要幾多。雖然有保險公司賠姐，不過都未必可以賠償哂所有 claims，老細有機會要比錢擺平。我地仲係響大廈既頂樓，今日尖沙咀既同事全部要行上頂樓善後呀，諗起都辛苦！
同埋頭見老細 fax 左份 list 黎，唔單止貨物，仲有儀器都有損失，要置過 d 儀器都幾大鑊。仲有，尖沙咀既客人如果可以既話會黎我店，不過好多客人 prefer 取消，呢方面既損失又係另一條數… 計計埋埋都幾大鑊。
雖然我唔需要直接幫手善後，不過間接既善後工作一定唔少得我果份。尖沙咀而家停左產，但係人工租金之類既野都係要比，所以間接善後工作就好明顯要發哂癲咁跑數，如果唔係月尾都唔知點攪。
首先唔單止自己舖頭一地都係水，連樓下幾層都有水，攪到大廈既電梯暫停服務，重新裝修加埋條賠償數都唔知要幾多。雖然有保險公司賠姐，不過都未必可以賠償哂所有 claims，老細有機會要比錢擺平。我地仲係響大廈既頂樓，今日尖沙咀既同事全部要行上頂樓善後呀，諗起都辛苦！
同埋頭見老細 fax 左份 list 黎，唔單止貨物，仲有儀器都有損失，要置過 d 儀器都幾大鑊。仲有，尖沙咀既客人如果可以既話會黎我店，不過好多客人 prefer 取消，呢方面既損失又係另一條數… 計計埋埋都幾大鑊。
雖然我唔需要直接幫手善後，不過間接既善後工作一定唔少得我果份。尖沙咀而家停左產，但係人工租金之類既野都係要比，所以間接善後工作就好明顯要發哂癲咁跑數，如果唔係月尾都唔知點攪。
2007年7月17日 星期二
致 Recluse 兄 - 再談性格學
多謝 Recluse 兄對 MBTI 一文既意見。先講下九型人格既起源，我真係要 check 下係邊度先，因為之前上堂都係聽導師講，冇翻查過就照信如儀，我會儘快搵出答案的，多謝提點！
其實要從人類既表面行為去判斷一個人係咩類型，我相當只有 DISC 先至可以 (因為呢套理論都只係因應表面行為而粗略分 4 類)，其他既方式都唔可以單靠觀察或者做問卷可以找出真正答案，尤其係九型人格，因為呢套方法係以 "動機" 作基礎，根本唔可能一眼就分得出。
講返 MBTI 先，依菲菲愚見，要分 E 同 I 唔係靠行為去分辨，而係以動力既根源去分辨，所以表面真係睇唔出的。E 型人既動力根源係比較多相互影響同埋求寬的。而 I 型人就則注重內在精神同埋求深的。如果要從表面睇，E 型人傾向於講左先至諗，即係個口快過個腦。而 I 型人就傾向諗清楚先至講。 E 型人性格係真正地外向，出席親聚會都好投入的。呢點要好小心，因為大家出黎社會做事既，都會響特定既社交場合有特定既手腕，同埋呢 d 手腕好多時都係後天訓練返黎的。如果要分辨自己係 E 定係 I，首先要問一問自己，究竟我真係每一次同大班人一齊都樂在其中丫？定係有時係為左唔好掃人興而表現得開心投入呢？所以 E 同 I 係只有自己先至知，其他人見係都好似幾 "外向" 就會認為你係 E。
無論係 E 或者 I 都好啦，都會因應環境而需要 adjust 一下自己既行為。所以單靠行為判斷係唔準的。而且都好有機會係兩邊既取向都相近都唔出奇 ga，唔係咁多人係極端 E 或者 I。同埋行為係以 T 同 F 作區分的，並唔係 E 同 I。如有錯漏，請指正！
菲菲比較蠢，需要花大量時間去觀察，同埋同朋友討論先至敢分辨某人係邊一類。菲菲亦都有緊記一點，不會標籤任何人為某一類，因為人人都唔喜歡被人標籤。學左性格學都係以 "運用" 為主體，只要多觀察同埋多細心推敲，都可以從多角度既 "證據" 去辨別人地係邊一類。最直接既方法，莫過於以 "行為驗證行為" 去判斷。簡單 d 講，如果你認為某人係邊一類既，都會知果一類人對提問既反應，只要肯去開口同人溝通下，再觀察證據，就比較準確。
仲有，真係好多謝你既鼓勵，我會更加努力的！如果再見到我 "寫完先至諗" 既話，請多多提點！
其實要從人類既表面行為去判斷一個人係咩類型，我相當只有 DISC 先至可以 (因為呢套理論都只係因應表面行為而粗略分 4 類)，其他既方式都唔可以單靠觀察或者做問卷可以找出真正答案，尤其係九型人格，因為呢套方法係以 "動機" 作基礎，根本唔可能一眼就分得出。
講返 MBTI 先，依菲菲愚見，要分 E 同 I 唔係靠行為去分辨，而係以動力既根源去分辨，所以表面真係睇唔出的。E 型人既動力根源係比較多相互影響同埋求寬的。而 I 型人就則注重內在精神同埋求深的。如果要從表面睇，E 型人傾向於講左先至諗，即係個口快過個腦。而 I 型人就傾向諗清楚先至講。 E 型人性格係真正地外向，出席親聚會都好投入的。呢點要好小心，因為大家出黎社會做事既，都會響特定既社交場合有特定既手腕，同埋呢 d 手腕好多時都係後天訓練返黎的。如果要分辨自己係 E 定係 I，首先要問一問自己，究竟我真係每一次同大班人一齊都樂在其中丫？定係有時係為左唔好掃人興而表現得開心投入呢？所以 E 同 I 係只有自己先至知，其他人見係都好似幾 "外向" 就會認為你係 E。
無論係 E 或者 I 都好啦，都會因應環境而需要 adjust 一下自己既行為。所以單靠行為判斷係唔準的。而且都好有機會係兩邊既取向都相近都唔出奇 ga，唔係咁多人係極端 E 或者 I。同埋行為係以 T 同 F 作區分的，並唔係 E 同 I。如有錯漏，請指正！
菲菲比較蠢，需要花大量時間去觀察，同埋同朋友討論先至敢分辨某人係邊一類。菲菲亦都有緊記一點，不會標籤任何人為某一類，因為人人都唔喜歡被人標籤。學左性格學都係以 "運用" 為主體，只要多觀察同埋多細心推敲，都可以從多角度既 "證據" 去辨別人地係邊一類。最直接既方法，莫過於以 "行為驗證行為" 去判斷。簡單 d 講，如果你認為某人係邊一類既，都會知果一類人對提問既反應，只要肯去開口同人溝通下，再觀察證據，就比較準確。
仲有，真係好多謝你既鼓勵，我會更加努力的！如果再見到我 "寫完先至諗" 既話，請多多提點！
心如刀割
最近發生了2 件事，令我心如刀割。
菲菲日日都有睇書既習慣，每天都會帶住本書，一有時間就會睇。早排我睇緊一本關於九型人格既書，比同事院現左，成班人拎左我本書去睇，仲響度八八掛掛問佢地係咩型。菲菲睇九型人格既目的並唔係抱住八掛既心態，而係真正想學習點瞭解人既行為動機，以幫助我工作上面對不同既人要如何處理。面對佢地喋喋不休既追問已經覺得幾煩下，仲要比佢地趺左本書落地，好地地一本書比佢趺崩左。當時個心已經痛左一痛，之後仲發現內頁比佢地翻到起角，簡直痛到入心入肺！菲菲既書就算睇左好多次都好似新書咁，但係比佢地攪左一日就面目全非，果種心痛仲慘過切左我忽肉出黎。之後，我絕對唔會再比佢地攪我 d 書。
早幾日菲菲唔見左支筆，昨日響 reception 度搵返，點知支筆已經趺崩左個筆咀，一時寫唔出，一時漏墨。當下菲菲個心真係好似比把刀割開左咁痛！雖然支筆只係一支十元八塊既原子筆，不過好地地一支筆攪成咁，我真係好唔開心。
有時心地唔好時會諗，佢地班友仔冇乜點讀過書，對文房用品真係完全唔識得珍惜。菲菲雖然唔係咩文人，但係對文房用品一向照顧有加，見到自己既書同筆落得如此下場，真係好令我心痛。
大家可能覺得我好多餘或者小器，唔緊要，我就係唔鍾意別人糟蹋我既野，尤其係文房用品！
菲菲日日都有睇書既習慣，每天都會帶住本書，一有時間就會睇。早排我睇緊一本關於九型人格既書，比同事院現左，成班人拎左我本書去睇，仲響度八八掛掛問佢地係咩型。菲菲睇九型人格既目的並唔係抱住八掛既心態，而係真正想學習點瞭解人既行為動機，以幫助我工作上面對不同既人要如何處理。面對佢地喋喋不休既追問已經覺得幾煩下，仲要比佢地趺左本書落地，好地地一本書比佢趺崩左。當時個心已經痛左一痛，之後仲發現內頁比佢地翻到起角，簡直痛到入心入肺！菲菲既書就算睇左好多次都好似新書咁，但係比佢地攪左一日就面目全非，果種心痛仲慘過切左我忽肉出黎。之後，我絕對唔會再比佢地攪我 d 書。
早幾日菲菲唔見左支筆，昨日響 reception 度搵返，點知支筆已經趺崩左個筆咀，一時寫唔出，一時漏墨。當下菲菲個心真係好似比把刀割開左咁痛！雖然支筆只係一支十元八塊既原子筆，不過好地地一支筆攪成咁，我真係好唔開心。
有時心地唔好時會諗，佢地班友仔冇乜點讀過書，對文房用品真係完全唔識得珍惜。菲菲雖然唔係咩文人，但係對文房用品一向照顧有加，見到自己既書同筆落得如此下場，真係好令我心痛。
大家可能覺得我好多餘或者小器，唔緊要，我就係唔鍾意別人糟蹋我既野，尤其係文房用品！
2007年7月16日 星期一
MBTI
有讀過下性格學既人，都會知咩叫 MBTI。呢幾隻字係 Myers-Briggs Type Indicator 既縮寫，係將人既性格分 4 個層面去分類，每一個層面有 2 種分野，加埋有 16 個配搭 (好在係加埋，唔係乘埋)。2年前有學過下，到而家都係流於皮毛階段。淨係要摸熟九型人格都唔容易，仲要學識辦認 16 種性格同埋佢地既特質、相互關係，都幾花心機。
早幾日心思思搵返本書出黎睇，唔睇由自可，一睇就不得了，因為睇睇下發現自己彷彿係冇學過一樣，要由零開始學起。最大鑊本書實在太學術勒，雖然作者盡量做到有趣味性，不過書中既理論都唔係單靠趣味可以掌握的。本書寫得好有心機，不過睇左頭幾個 chapter 已經一頭煙，連自己係咩 type 都未肯定，你話幾惡攪呢。
唔知呢度有冇人有研究開性格學呢？真係好想有高人指點下迷津…
早幾日心思思搵返本書出黎睇，唔睇由自可，一睇就不得了，因為睇睇下發現自己彷彿係冇學過一樣，要由零開始學起。最大鑊本書實在太學術勒，雖然作者盡量做到有趣味性，不過書中既理論都唔係單靠趣味可以掌握的。本書寫得好有心機，不過睇左頭幾個 chapter 已經一頭煙，連自己係咩 type 都未肯定，你話幾惡攪呢。
唔知呢度有冇人有研究開性格學呢？真係好想有高人指點下迷津…
清晰
清晰、公開同埋公平，係菲菲一貫做管理的法則。
管理銷售隊伍，要有清晰的目標，不可以用 "越多越好" 黎做標準。銷售人員要知道做到咩數先至叫做達標，再做幾多先至叫做有獎，要做到幾盡先至係 No. 1。咁不但可以令銷售人員知自己仲要做幾多野，仲可以令管理層知道銷售人員既實際狀況。而制定目標方面，會先考慮公司既需要，即係要搵幾多錢。呢個目標絕不可以馬虎了事，如果訂得太高，只會令同事覺得遙不可及，失去動力跑數。如果訂得太低，公司會有財政危機。同埋每個人既目標都唔會一樣，要視乎個人能力而設計，但差距又唔可以太大，免得同事認為公司不公平。因為狽重數既同事會認為公司偏幫唔駛狽咁多數既同事，所以定目標都係一門藝術。
為左令同事有良性競爭，每週例會都會公開每一位同事既業績同埋達標率。咁大家就可以知道自己合唔合格，仲有幾多數要做。如果要嬴其他同事仲要做多幾多野，仲有比領先既同事知道佢地好有可能會比人追上。響公開業績時，除非成績太差，基本上都唔會採取勁卒既態度。如果想真正達成良性競爭既局面，要大力褒獎做得好或者個人達標率高既同事。人人都希望自己被褒獎，所以都會暗中落力，希望下次輪到自己嘛。
公平方面，就係響處理跑數以外既一切事務時必須遵守既規則。美容院全女班，最唔好比 d 同事覺得你大細超，咁就會間接幫佢地形成小圈子。我諗冇一個老細鍾意見到自己公司分黨分派，攪事攪非，浪費精力響無謂既鬥爭上。所以做一個識撈既管理，暗中控制小圈子活動係非常重要的。點解要暗中呢？因為事實上一大班女仔，要完全冇小圈子係妄想，做管理既唔係要打壓小圈子，而係要正面運用佢地既力量。圈內人團結，會互相幫忙開單做客，好多野都唔駛你煩。如果一圈人要對付令一圈人，管理層先至需要出手攪掂佢。不過攪掂既方式都唔可以用硬功，一定要用軟功。因為是但一幫以為你係幫緊另一個圈子既話，就永遠都管唔掂佢地，佢地已經標籤左你係某一圈既代言人，呢一樣要最小心。
雖然女人係感情既動物，不過響工作上都要運用理性去管，用感性去理，先至會事半功倍。
管理銷售隊伍，要有清晰的目標，不可以用 "越多越好" 黎做標準。銷售人員要知道做到咩數先至叫做達標，再做幾多先至叫做有獎，要做到幾盡先至係 No. 1。咁不但可以令銷售人員知自己仲要做幾多野，仲可以令管理層知道銷售人員既實際狀況。而制定目標方面，會先考慮公司既需要，即係要搵幾多錢。呢個目標絕不可以馬虎了事，如果訂得太高，只會令同事覺得遙不可及，失去動力跑數。如果訂得太低，公司會有財政危機。同埋每個人既目標都唔會一樣，要視乎個人能力而設計，但差距又唔可以太大，免得同事認為公司不公平。因為狽重數既同事會認為公司偏幫唔駛狽咁多數既同事，所以定目標都係一門藝術。
為左令同事有良性競爭，每週例會都會公開每一位同事既業績同埋達標率。咁大家就可以知道自己合唔合格，仲有幾多數要做。如果要嬴其他同事仲要做多幾多野，仲有比領先既同事知道佢地好有可能會比人追上。響公開業績時，除非成績太差，基本上都唔會採取勁卒既態度。如果想真正達成良性競爭既局面，要大力褒獎做得好或者個人達標率高既同事。人人都希望自己被褒獎，所以都會暗中落力，希望下次輪到自己嘛。
公平方面，就係響處理跑數以外既一切事務時必須遵守既規則。美容院全女班，最唔好比 d 同事覺得你大細超，咁就會間接幫佢地形成小圈子。我諗冇一個老細鍾意見到自己公司分黨分派，攪事攪非，浪費精力響無謂既鬥爭上。所以做一個識撈既管理，暗中控制小圈子活動係非常重要的。點解要暗中呢？因為事實上一大班女仔，要完全冇小圈子係妄想，做管理既唔係要打壓小圈子，而係要正面運用佢地既力量。圈內人團結，會互相幫忙開單做客，好多野都唔駛你煩。如果一圈人要對付令一圈人，管理層先至需要出手攪掂佢。不過攪掂既方式都唔可以用硬功，一定要用軟功。因為是但一幫以為你係幫緊另一個圈子既話，就永遠都管唔掂佢地，佢地已經標籤左你係某一圈既代言人，呢一樣要最小心。
雖然女人係感情既動物，不過響工作上都要運用理性去管，用感性去理，先至會事半功倍。
2007年7月15日 星期日
長大
雖然年紀已經不算輕，但係工作以外既菲菲，彷彿係一個長不大既細路。雖不至於玩到癲果一種，不過放工後響往做一個不必用腦既人，反正回到家有男友響度，有咩要諗交哂比佢，一放工我個大腦就會 shut down。哈哈哈~
爺爺今日攪九十大壽，好多平時唔見既親戚都有黎，仲見到好多 "小朋友" tim。呢班係好多年前既小朋友，而家都長大成人出黎社會做事勒。見到佢地先至發現，我真係一件老餅來的。最攪笑係我呢件老餅既行為舉止有時比呢班 "小朋友" 仲白痴，尤其我地幾兄妹 (我細佬連仔都生埋勒) 仲圍埋一齊玩 NDS，而 d "小朋友" 就玩單鏡反光攝影機，你話場面幾攪笑！
回想自己初出社會做事時，都會做各式各樣大人先至會做既野，以顯示自己已經長大了。到真係長大左既時候，就會懷緬兒時既樂趣，做返好多細個時冇機會做又好想做既事。好想買返部 NDS，不過仲諗緊買咩色好，黑色太危險，會比男友玩埋，粉紅色太普通，幾乎有半數女仔都係用粉紅色，白色又易污糟…
爺爺今日攪九十大壽，好多平時唔見既親戚都有黎，仲見到好多 "小朋友" tim。呢班係好多年前既小朋友，而家都長大成人出黎社會做事勒。見到佢地先至發現，我真係一件老餅來的。最攪笑係我呢件老餅既行為舉止有時比呢班 "小朋友" 仲白痴，尤其我地幾兄妹 (我細佬連仔都生埋勒) 仲圍埋一齊玩 NDS，而 d "小朋友" 就玩單鏡反光攝影機，你話場面幾攪笑！
回想自己初出社會做事時，都會做各式各樣大人先至會做既野，以顯示自己已經長大了。到真係長大左既時候，就會懷緬兒時既樂趣，做返好多細個時冇機會做又好想做既事。好想買返部 NDS，不過仲諗緊買咩色好，黑色太危險，會比男友玩埋，粉紅色太普通，幾乎有半數女仔都係用粉紅色，白色又易污糟…
2007年7月14日 星期六
強
呢幾日既事情發展得太快勒，都黎唔切消化，事情又在進展中了。今天我收工時知道雯雯做左張大單，都幾開心，因為佢正在為自己既本週目標博命，可喜可賀！到佢地收舖時，Annie 比電話我報喜，今日共開左 3 單大野，條數靚仔非常。
之前老細認為我太強硬，成日攪喊同事，令同事有壓力，結果呢班嬌嬌女係跑唔到公司要求既數。之後佢又認為我唔夠強硬，d 工作氣氛太散漫，所以生意不濟。
魔鬼又好，天使又好，老細要我做邊樣都得，不過個人認為要鍛鍊出優秀既銷售隊伍，用強係必須的。用強硬既方式唔代表我心理變態，前文都提及過，做銷售既心態好重要，如果連比上司丙幾野都頂唔住既，唔好意思，你都係做返份文職算把啦。用強，有好多好處的。首先可以鍛鍊下屬，仲可以做到汰弱留強既效果，咁隊 team 自然會好 fit。另外，fit 既 sales 都好有自信，如果跟著件縮頭烏龜，一係個上司比 d sales 蝦返轉頭，一係 d fit 馬走哂，條 team 永世都起唔返。
所以我漸漸理解點解我以前 d 上司會咁兇狠，做唔到數會比佢鬧到無地自容。其實佢地都係訓練緊我既心態，如果我頂唔住，而家個 blog 就冇呢 d 話題可以寫了。為了造福香港既下一代，我都會繼續兇狠下去，令更多人有更堅毅不屈既心態。香港，極需要堅毅既人！
之前老細認為我太強硬，成日攪喊同事，令同事有壓力，結果呢班嬌嬌女係跑唔到公司要求既數。之後佢又認為我唔夠強硬，d 工作氣氛太散漫，所以生意不濟。
魔鬼又好，天使又好，老細要我做邊樣都得，不過個人認為要鍛鍊出優秀既銷售隊伍，用強係必須的。用強硬既方式唔代表我心理變態，前文都提及過，做銷售既心態好重要，如果連比上司丙幾野都頂唔住既，唔好意思，你都係做返份文職算把啦。用強，有好多好處的。首先可以鍛鍊下屬，仲可以做到汰弱留強既效果，咁隊 team 自然會好 fit。另外，fit 既 sales 都好有自信，如果跟著件縮頭烏龜，一係個上司比 d sales 蝦返轉頭，一係 d fit 馬走哂，條 team 永世都起唔返。
所以我漸漸理解點解我以前 d 上司會咁兇狠，做唔到數會比佢鬧到無地自容。其實佢地都係訓練緊我既心態，如果我頂唔住，而家個 blog 就冇呢 d 話題可以寫了。為了造福香港既下一代，我都會繼續兇狠下去，令更多人有更堅毅不屈既心態。香港，極需要堅毅既人！
緊急工作調動
經昨日老細同老板娘開火之後，今日老細黎搵我傾有關尖沙咀既工作安排。據老細既最新指示，我店要抽調一位美容師過尖沙咀，因為唔會再安排客人比老板娘做。至於行政工作方面，Louis 會繼續負責果邊既行政工作，老細就按照我定下既 benchmark 去 check 佢既工作進度 (呢 d 野我唔方便出面，所以由老細做)。訓練方面，我 keep 返我果 part，再加店務管理，而我既好拍檔 Annie 就會幫手做技術訓練。工作大綱會響星期一既管理層例會度 "討論"，其實係宣佈，因為老細明顯信唔過由 Louis 一個人攪尖沙咀既行政工作。老細既顧慮係，除左佢工作效率唔高之外，就係太過 "和平使者"。當公司有壓力或者新行政措施頒佈出黎時，有時都會遇到同事既反對情緒，Louis 會偏向安撫同事。就係佢唔想同事太有反向既情緒，形成響執行方面就唔夠落力勒。公司既政策要推行，好靠行政既同事跟進得好唔好。如果政策頒佈左唔執行，頒佈黎做咩？
呢一刻，老細好強政勵治 feel。老板娘既工作問題已經纏繞左大家好耐，因為昨日既導火線，令老細痛下決心要整頓尖沙咀既所有野。Annie 對老細既決定有少少質疑，驚佢三分鐘熱度，攪攪下又比返老板娘攪，咁就冇癮勒。呢樣就唔擔心得咁多，如果老細容忍到比佢老婆再攪亂檔既話，我打工既只會接受安排，不過會先提醒老細前車可鑑，如果佢一意孤行既我都唔會阻止。始終，佢同佢老婆先至係股東，唔通我可以左右人地兩公婆既事咩？
呢一刻，老細好強政勵治 feel。老板娘既工作問題已經纏繞左大家好耐，因為昨日既導火線，令老細痛下決心要整頓尖沙咀既所有野。Annie 對老細既決定有少少質疑，驚佢三分鐘熱度，攪攪下又比返老板娘攪，咁就冇癮勒。呢樣就唔擔心得咁多，如果老細容忍到比佢老婆再攪亂檔既話，我打工既只會接受安排，不過會先提醒老細前車可鑑，如果佢一意孤行既我都唔會阻止。始終，佢同佢老婆先至係股東，唔通我可以左右人地兩公婆既事咩？
2007年7月13日 星期五
惡魔
響同事心目中，菲菲絕對係一個惡魔。如果要同菲菲閉門面談既話，同事們都驚恐萬分。
今天晚上冇乜客 (真大鑊！)，見大家冇野做，店長 Annie 提議大家開個會，同大家傾下計。內容首先圍繞昨日開會既事，同事們都講出自己既感受。講下講下，就講到同事們既相處上，大家都講出同事們既優點 (好丫，先講優點，有進步！)，再提出同事改善既地方，氣氛好一家人。講哂所有人，都自自然然講埋我，同事們對我既意見係︰最初覺得我好惡，好不近人情，有 d 冷血，不過相處一段時間之後，開始知道我都係打份工，好多時對佢地嚴苛都係出於職責所在，所以對我既抗拒都少左。
我都知我好強硬，因為初初做事時所有老頂都好強硬的，所以我理所當然地認為做出色既領袖必需要強硬。不過自從與 Annie 共事之後，就體會到領袖都可以好有愛。因為 Annie 對同事就好似家人咁，所以大家都好珍惜呢間公司，好少可有亞頭咁關心同事，開解同事，好似屋企入面既家姐一樣照顧班妹妹。情感上，同事係比較喜歡 Annie 的，佢係一個將軟硬兼施發揮得淋漓盡致既領袖。
仲有，昨日其中一位同事 Candy 本來係嬲左我的，經今日大家既交流，佢就冇再嬲我了。
我呢個惡魔，註定唔會得到同事既愛戴，不過我好清楚我要繼續向上爬，需要既係老細既信任，同事愛戴與否，唔係唔重要，不過唔係最重要。
公司內需要不同既人去做不同既事，既然大姐姐有 Annie 做，惡魔就由我做啦。
今天晚上冇乜客 (真大鑊！)，見大家冇野做，店長 Annie 提議大家開個會，同大家傾下計。內容首先圍繞昨日開會既事，同事們都講出自己既感受。講下講下，就講到同事們既相處上，大家都講出同事們既優點 (好丫，先講優點，有進步！)，再提出同事改善既地方，氣氛好一家人。講哂所有人，都自自然然講埋我，同事們對我既意見係︰最初覺得我好惡，好不近人情，有 d 冷血，不過相處一段時間之後，開始知道我都係打份工，好多時對佢地嚴苛都係出於職責所在，所以對我既抗拒都少左。
我都知我好強硬，因為初初做事時所有老頂都好強硬的，所以我理所當然地認為做出色既領袖必需要強硬。不過自從與 Annie 共事之後，就體會到領袖都可以好有愛。因為 Annie 對同事就好似家人咁，所以大家都好珍惜呢間公司，好少可有亞頭咁關心同事，開解同事，好似屋企入面既家姐一樣照顧班妹妹。情感上，同事係比較喜歡 Annie 的，佢係一個將軟硬兼施發揮得淋漓盡致既領袖。
仲有，昨日其中一位同事 Candy 本來係嬲左我的，經今日大家既交流，佢就冇再嬲我了。
我呢個惡魔，註定唔會得到同事既愛戴，不過我好清楚我要繼續向上爬，需要既係老細既信任，同事愛戴與否，唔係唔重要，不過唔係最重要。
公司內需要不同既人去做不同既事，既然大姐姐有 Annie 做，惡魔就由我做啦。
壓力
奉老細之命連續 2 日去不同分店卒數，公佈左好多銷售上面既數字，現實係殘酷的，要面對需要好大既勇氣。2 間店都係，一公佈詳細數字，知道自己有幾不濟時，好多同事都流下眼淚。尤其係尖沙咀店，所有數字都慘不忍睹，有位同事更喊足全個會議。
我都係做 sales 出身，比上頭卒數係必然既事。做得銷售既，就要預左自己身負重任，因為響某程度上，公司既生死存亡都交托響銷售人員身上。而家既同事比較 "唔話得"，一卒數就流眼淚。好在老細將呢個殘酷既工作交比我，因為 Louis 始終係男士，對女同事唔多唔少都有惻隱之心，見到女同事流哂眼淚，仲忍心卒落去嗎？因為我都係女仔，又係做銷售出身，對卒數時既各種情況都有哂心理準備，唔會輕易因為同事喊就心軟。有一句說話常常對同事講，就係︰你對客人仁慈即係對自己殘忍。套用響銷售管理方面，就係︰對同事仁慈就係對公司既業績殘忍。
銷售人員最基本既素質係要心態夠強。銷售既工作真係唔容易，又要努力排除萬難跑數，又要應付公司無止境既要求，又要面對收入不穩定既壓力，一大堆都需要極強既心態先至可以做到。如果連公司卒數都頂唔住，真係要認真考慮一下，應該提升自己去達成目標丫？定係要轉行呢？中小企既經濟壓力一向都好高，要響市場上站得住腳，跑數真係指定動作。
老細見同事們都抵唔住卒數，都幾激氣。不過最激氣都唔係班同事，係佢老婆。會後，老細召開高層會議，問大家對同事既既反應有咩意見。大家都認為同事太溫室小花，少少事都支持唔住。因為我只係公佈數字同埋問解決方法，都冇鬧，咁都卒得好溫和丫。佢老婆就持反對意見，認為同事已經盡哂力，係客人有問題，所以開唔到單。Oh my God！唔係下化？客人冇責任同你開單 ga，係做銷售既人負責令客人開單先至岩喎，呢 d 咩邏輯呀？老細響呢個時候按捺不住，同佢老婆嘈起上黎，講都火起仲想趕佢老婆出會議室。
呢下野都幾增廣見聞 ga，打左咁耐工，從來都未見過亦都未試過老細下令某人離開會議室，對象仲要係佢老婆，你都咪話唔刺激！不過佢鬧還鬧，都冇真係趕佢出去。之後議題講到訓練方面，老細想我加強尖沙咀既訓練，我當然冇問題啦。不過問題係佢想我一日之內走幾轉，我就有少少意見勒。咁我提出不如做訓練果一日遲一小時返工啦，反正我都唔會準時放工的，咁又可以唔駛走黎走去咁費時失事。呢個時候，老板娘想還擊，問我︰『你咁夜放工有咩做呀？』我都費事理佢，反擊都搵 d 有智慧 d 既方式丫，我 OT 又唔駛公司補水既，你理得我幾點放工同埋做 D 咩丫。同埋好多時晚上都係同老細電話會議既時間，我有咩做，老細最清楚。
講返壓力，同事唔習慣工作壓力，響某程度上我可以理解。不過身為老板娘，唔單止唔著緊公司既生意，仲同 D 同事企埋同一陣線反駁公司既合理要求，真係不可思議！
呢件事仲有下文的，留待真正發生時再講啦。
我都係做 sales 出身，比上頭卒數係必然既事。做得銷售既，就要預左自己身負重任，因為響某程度上，公司既生死存亡都交托響銷售人員身上。而家既同事比較 "唔話得"，一卒數就流眼淚。好在老細將呢個殘酷既工作交比我，因為 Louis 始終係男士，對女同事唔多唔少都有惻隱之心，見到女同事流哂眼淚，仲忍心卒落去嗎？因為我都係女仔，又係做銷售出身，對卒數時既各種情況都有哂心理準備，唔會輕易因為同事喊就心軟。有一句說話常常對同事講，就係︰你對客人仁慈即係對自己殘忍。套用響銷售管理方面，就係︰對同事仁慈就係對公司既業績殘忍。
銷售人員最基本既素質係要心態夠強。銷售既工作真係唔容易，又要努力排除萬難跑數，又要應付公司無止境既要求，又要面對收入不穩定既壓力，一大堆都需要極強既心態先至可以做到。如果連公司卒數都頂唔住，真係要認真考慮一下，應該提升自己去達成目標丫？定係要轉行呢？中小企既經濟壓力一向都好高，要響市場上站得住腳，跑數真係指定動作。
老細見同事們都抵唔住卒數，都幾激氣。不過最激氣都唔係班同事，係佢老婆。會後，老細召開高層會議，問大家對同事既既反應有咩意見。大家都認為同事太溫室小花，少少事都支持唔住。因為我只係公佈數字同埋問解決方法，都冇鬧，咁都卒得好溫和丫。佢老婆就持反對意見，認為同事已經盡哂力，係客人有問題，所以開唔到單。Oh my God！唔係下化？客人冇責任同你開單 ga，係做銷售既人負責令客人開單先至岩喎，呢 d 咩邏輯呀？老細響呢個時候按捺不住，同佢老婆嘈起上黎，講都火起仲想趕佢老婆出會議室。
呢下野都幾增廣見聞 ga，打左咁耐工，從來都未見過亦都未試過老細下令某人離開會議室，對象仲要係佢老婆，你都咪話唔刺激！不過佢鬧還鬧，都冇真係趕佢出去。之後議題講到訓練方面，老細想我加強尖沙咀既訓練，我當然冇問題啦。不過問題係佢想我一日之內走幾轉，我就有少少意見勒。咁我提出不如做訓練果一日遲一小時返工啦，反正我都唔會準時放工的，咁又可以唔駛走黎走去咁費時失事。呢個時候，老板娘想還擊，問我︰『你咁夜放工有咩做呀？』我都費事理佢，反擊都搵 d 有智慧 d 既方式丫，我 OT 又唔駛公司補水既，你理得我幾點放工同埋做 D 咩丫。同埋好多時晚上都係同老細電話會議既時間，我有咩做，老細最清楚。
講返壓力，同事唔習慣工作壓力，響某程度上我可以理解。不過身為老板娘，唔單止唔著緊公司既生意，仲同 D 同事企埋同一陣線反駁公司既合理要求，真係不可思議！
呢件事仲有下文的，留待真正發生時再講啦。
2007年7月12日 星期四
奇妙旅程
響短短二十四小時之內，我經歷左一次奇妙旅程。
昨晚我決定左響今日既例會要以正能量去鼓勵同事，但係決定歸決定，心中總係有種不能言喻的忐忑。返到公司，準備好哂開會既資料，就召開我店既每週例會。開始時大家既氣氛都好 relax，不過我就覺得似鬆散多 d。第一個議題係檢討各人業績，大家既業績都好強差人意。我問佢地滿唔滿意自己既業績，個個都面帶笑容咁話唔滿意，好交行貨既態度。當時一時忍唔住點點怒火，就叫佢地認真 d 講下自己有咩需要改善。佢地又係交行貨，話努力 d 啦，大包圍啦，諸如此類冇內容既空話。就響呢個時候，我改變了主意。
檢討業績既目的，唔係交功課比老細睇，係為自己月尾份糧作好打算，佢地咁鬆散既態度實在唔可能令業績有咩改善，於是我當頭棒喝咁訓示佢地。講到一半，雯雯忍唔住喊起上黎，之後另一位事 Candy 都一齊喊。雯雯同 Candy 都係資深既同事，佢地認為自己已經盡哂力，公司都唔體恤，太不近人情了。見佢地喊到收唔到聲，於是 take 左個 break。
Break 完之後，雯雯走左出黎，同大家講︰『其實我地都好盡力去做，有時多野做到連飯都冇得食，但係公司都唔體諒我地既情況。』講完就走返埋位，咁我問老細︰『你有冇野想發表一下？』老細話冇，咁我就繼續會議。氣氛明顯係沉重左，大家都認為我係衰人，係迫害佢地既幫兇，所以大家都冇心機再聽落去。黎到呢度，放下嚴肅既面孔，同佢地講︰『我都知大家辛苦，我日日響度同大家一齊，你以為我會唔知咩？大家都係搭埋一隻船，我都唔想隻船沉 ga。同大家檢討業績，就係想你地好…』說話都未完，我一時感觸都眼框紅紅。感觸既係，我都係打工，我既責任就係要卒數，因為要向老細交待。不過同事們既努力都不可抹殺，響手掌又係肉，手心又係肉既情況下，我都動左惻隱之心。
會後，心情好複雜，有少少沉重，有少少釋懷。沉重既係我又比左壓力同事，令佢地不安，違背左我要鼓勵佢地既原意。釋懷既係，我都盡左自己應盡既責任，不會被老細責怪我包庇同事。雯雯食飯時同我講，知道我今日訓示佢地都係職責所在，仲加左少少同情分比我 tim。有少少出人意見哩，比我鬧完仲會同情我。反而 Candy 就嬲左我，佢認為我訓示佢係唔體諒佢，絕對係大反派。
之後我打電話比尖沙咀既行政同事 Louis 收下風，問下老細見到班女仔喊哂有咩反應。Louis 話老細覺得好奇怪，都唔明 d 女仔點解喊。哈哈哈！果然係 5 號仔作風，情感天線開叉的。不過當時我仲係有 d 耿耿於懷，老細係冷血動物喎…
傍晚時份，Louis 打電話黎申訴，老細今日丙佢工作效率低，黑色暴雨警告仍然生效。不過我有工作要匯報，都一定要搵老細 report 一下。硬住頭皮都要搵佢啦，電話接通前，我估老細 d 聲氣應該係麻麻的，不過我竟然估錯，佢心情似乎幾愉快。同佢傾下傾下，知道佢對我今朝訓示班同事極度支持，因為我代佢出左口悶氣，叫我聽日去尖沙咀開例會時都要 keep 住咁嚴厲。哈哈哈~ 買大開細 tim~
佢既言語間透露左佢唔多滿意 Louis 既工作效率同埋佢老婆既心不在焉。一聽到呢度，我條天線即時 "叮" 一聲，係時候勒！老細對尖沙咀既信任動搖勒，係我翻身取回發球權既時候勒！首先試探一下我有冇捉錯路先。我同老細講︰『大家性格唔同，佢地比較中庸 d，不過有時可以企得硬 d 既。例如尖沙咀既同事出問題，佢地可以第一時間處理既就處理左先，如果次次都等我去開會先至訓示同事，都已經太遲了。』語畢，老細大表讚同。冇試錯位，繼續！
之後我就講左尖沙咀需要改善既地方，老細叫我聽日唔駛客氣，一定要響開會時全部拎哂出黎處理，對象除左同事之外，仲有老板娘 (有私心 ga 我，仲唔報仇咁報？今次奉旨處理埋佢)！近排好耐都冇試過同老細傾成個幾鐘電話，比佢宣洩下冤屈氣時，我又赻機搶返個發球權，妙極！
老細既言語間，佢好 buy 我今日既強硬作風，好似洗太平地咁清洗佢地散漫既工作態度，開正我果瓣啦。仲有，今日放工埋數時，我店生意不錯呀，雯雯仲開左張大單，佢不單止冇沮喪，仲好積極 tim，好彩冇押錯注。職場，同鬥獸場冇分別，響某 d 情況下唔係你死就係我亡，唔想死，就要繼續鬥落去…
本來今日返工時心情沉重，開會時更沉重，彷彿直插谷底。不過中午過後，知道對手失勢，老細重新信任我，同事又做到野，開心到爆呀！呢一日既心情變化，認真奇妙。
昨晚我決定左響今日既例會要以正能量去鼓勵同事，但係決定歸決定，心中總係有種不能言喻的忐忑。返到公司，準備好哂開會既資料，就召開我店既每週例會。開始時大家既氣氛都好 relax，不過我就覺得似鬆散多 d。第一個議題係檢討各人業績，大家既業績都好強差人意。我問佢地滿唔滿意自己既業績，個個都面帶笑容咁話唔滿意，好交行貨既態度。當時一時忍唔住點點怒火，就叫佢地認真 d 講下自己有咩需要改善。佢地又係交行貨，話努力 d 啦，大包圍啦，諸如此類冇內容既空話。就響呢個時候，我改變了主意。
檢討業績既目的，唔係交功課比老細睇，係為自己月尾份糧作好打算，佢地咁鬆散既態度實在唔可能令業績有咩改善，於是我當頭棒喝咁訓示佢地。講到一半，雯雯忍唔住喊起上黎，之後另一位事 Candy 都一齊喊。雯雯同 Candy 都係資深既同事，佢地認為自己已經盡哂力，公司都唔體恤，太不近人情了。見佢地喊到收唔到聲，於是 take 左個 break。
Break 完之後，雯雯走左出黎，同大家講︰『其實我地都好盡力去做，有時多野做到連飯都冇得食，但係公司都唔體諒我地既情況。』講完就走返埋位，咁我問老細︰『你有冇野想發表一下？』老細話冇，咁我就繼續會議。氣氛明顯係沉重左，大家都認為我係衰人，係迫害佢地既幫兇，所以大家都冇心機再聽落去。黎到呢度，放下嚴肅既面孔，同佢地講︰『我都知大家辛苦，我日日響度同大家一齊，你以為我會唔知咩？大家都係搭埋一隻船，我都唔想隻船沉 ga。同大家檢討業績，就係想你地好…』說話都未完，我一時感觸都眼框紅紅。感觸既係，我都係打工，我既責任就係要卒數，因為要向老細交待。不過同事們既努力都不可抹殺，響手掌又係肉，手心又係肉既情況下，我都動左惻隱之心。
會後，心情好複雜，有少少沉重，有少少釋懷。沉重既係我又比左壓力同事，令佢地不安，違背左我要鼓勵佢地既原意。釋懷既係，我都盡左自己應盡既責任，不會被老細責怪我包庇同事。雯雯食飯時同我講，知道我今日訓示佢地都係職責所在，仲加左少少同情分比我 tim。有少少出人意見哩，比我鬧完仲會同情我。反而 Candy 就嬲左我，佢認為我訓示佢係唔體諒佢，絕對係大反派。
之後我打電話比尖沙咀既行政同事 Louis 收下風，問下老細見到班女仔喊哂有咩反應。Louis 話老細覺得好奇怪，都唔明 d 女仔點解喊。哈哈哈！果然係 5 號仔作風，情感天線開叉的。不過當時我仲係有 d 耿耿於懷，老細係冷血動物喎…
傍晚時份，Louis 打電話黎申訴，老細今日丙佢工作效率低，黑色暴雨警告仍然生效。不過我有工作要匯報，都一定要搵老細 report 一下。硬住頭皮都要搵佢啦，電話接通前，我估老細 d 聲氣應該係麻麻的，不過我竟然估錯，佢心情似乎幾愉快。同佢傾下傾下，知道佢對我今朝訓示班同事極度支持，因為我代佢出左口悶氣，叫我聽日去尖沙咀開例會時都要 keep 住咁嚴厲。哈哈哈~ 買大開細 tim~
佢既言語間透露左佢唔多滿意 Louis 既工作效率同埋佢老婆既心不在焉。一聽到呢度，我條天線即時 "叮" 一聲，係時候勒！老細對尖沙咀既信任動搖勒，係我翻身取回發球權既時候勒！首先試探一下我有冇捉錯路先。我同老細講︰『大家性格唔同，佢地比較中庸 d，不過有時可以企得硬 d 既。例如尖沙咀既同事出問題，佢地可以第一時間處理既就處理左先，如果次次都等我去開會先至訓示同事，都已經太遲了。』語畢，老細大表讚同。冇試錯位，繼續！
之後我就講左尖沙咀需要改善既地方，老細叫我聽日唔駛客氣，一定要響開會時全部拎哂出黎處理，對象除左同事之外，仲有老板娘 (有私心 ga 我，仲唔報仇咁報？今次奉旨處理埋佢)！近排好耐都冇試過同老細傾成個幾鐘電話，比佢宣洩下冤屈氣時，我又赻機搶返個發球權，妙極！
老細既言語間，佢好 buy 我今日既強硬作風，好似洗太平地咁清洗佢地散漫既工作態度，開正我果瓣啦。仲有，今日放工埋數時，我店生意不錯呀，雯雯仲開左張大單，佢不單止冇沮喪，仲好積極 tim，好彩冇押錯注。職場，同鬥獸場冇分別，響某 d 情況下唔係你死就係我亡，唔想死，就要繼續鬥落去…
本來今日返工時心情沉重，開會時更沉重，彷彿直插谷底。不過中午過後，知道對手失勢，老細重新信任我，同事又做到野，開心到爆呀！呢一日既心情變化，認真奇妙。
2007年7月11日 星期三
Draw 精
有上過成長課程既朋友，都知咩叫 draw 精。雖然我冇上過成長課程，不過都有人叫過我做 draw 精。呢句既意思大概係形容 d 人成日 draw 別人既 energy，係個負面地形容一個人。舉例︰成日向人訴苦、表達自己好可憐、覺得被人傷害、只識怪責別人不是等等，都會比 d 上過成長課程既人叫做 draw 精。響我既詮釋，係一個睇唔開又要人可憐既煩人。
自省左好幾次，都唔係太明點解果一位朋友會叫我做 draw 精。先講下我地點認識，我地係響一個教人突破生意成績既課程入面認識既，我係學員，佢叫做 Crystal，係我地班既教練，不過唔係我既直屬教練。呢個課程為期三個月，學員不但要不斷突破生意，仲要互相支持，亦一齊攪過活動，大家既感情都幾 close。我響班中都算幾受歡迎，好多學員都鍾意同我一齊。同組既學員推舉左我做組長，其他學員需要支持時我都會幫手。大家對我既評價都好高，我仲係 1st rank 畢業的。三個月好快過去，大家都不斷會攪好多活動出黎聚下。但係我唔係次次都出席，基本上係好少可會見到我，因為我收工太夜了，唔想自己咁奔波。
記得上一次我有出席既係一個 bbq 聚會，岩岩我放緊大假，所以可以全情投入去玩。因為我少出現既關係，自然就成為眾人既焦點，有位學員叫 Joseph 的仲叫我唔好咁早走，佢夜 d 會同埋朋友經皇崗返大陸，會順道車埋我返屋企。Crystal 都係住響元朗，知道有人會車我返屋企，就叫 Joseph車埋佢。不過不幸地，Joseph 仲要車其他人，加埋我岩岩好 5 個，載唔到 Crystal。呢個時候，佢就話我係 draw 精，係都要人車埋我返屋企，點解唔自己搭車喎。
唔係下化？好似係人地話要車我，我都冇提出過，關我咩事？我都想知點解佢唔自己搭車呢可？呵呵呵~ 不過菲菲唔係輕易響公眾場合得罪人的，有失斯文嘛，所以都冇出聲。到散水時，Joseph 叫我跟佢車，Crystal 仲快過我上左車，之後話冇位，攪到 Joseph 好尷尬。最後，Joseph 唯有夾硬超載左一小段路，車左我同 Crystal 去最近既火車站，Crystal 夾硬拉埋我同佢轉車，我就好無奈咁夜媽媽自己返屋企。
因為我地係搭埋同一架車既關係，佢一路上不斷問我而家做緊咩，搵緊幾多錢，有冇咁煩呀？於是我扮醉閉目養神唔鬼理佢。之後佢就打電話搵朋友傾計，仲同佢朋友講有個女仔好衰，攪到佢冇車坐。d 野調返轉黎講既？
有其他朋友都識佢，朋友戲言，佢唔抵得我咁受男學員歡迎，所以先至咁對我姐。真係可憐！大家都幾十歲人啦，仲吃埋哂 d 無謂乾醋，笑死人咩。受唔受歡迎既野，唔係你話既，係人地認為既姐，呢樣野我最有研究了，因為我好細個已經學習如何受異性歡迎，佢仲未開竅既，幫佢唔到。
自省左好幾次，都唔係太明點解果一位朋友會叫我做 draw 精。先講下我地點認識，我地係響一個教人突破生意成績既課程入面認識既，我係學員，佢叫做 Crystal，係我地班既教練，不過唔係我既直屬教練。呢個課程為期三個月，學員不但要不斷突破生意，仲要互相支持，亦一齊攪過活動，大家既感情都幾 close。我響班中都算幾受歡迎，好多學員都鍾意同我一齊。同組既學員推舉左我做組長，其他學員需要支持時我都會幫手。大家對我既評價都好高，我仲係 1st rank 畢業的。三個月好快過去，大家都不斷會攪好多活動出黎聚下。但係我唔係次次都出席，基本上係好少可會見到我，因為我收工太夜了，唔想自己咁奔波。
記得上一次我有出席既係一個 bbq 聚會，岩岩我放緊大假，所以可以全情投入去玩。因為我少出現既關係，自然就成為眾人既焦點，有位學員叫 Joseph 的仲叫我唔好咁早走，佢夜 d 會同埋朋友經皇崗返大陸，會順道車埋我返屋企。Crystal 都係住響元朗，知道有人會車我返屋企，就叫 Joseph車埋佢。不過不幸地，Joseph 仲要車其他人，加埋我岩岩好 5 個，載唔到 Crystal。呢個時候，佢就話我係 draw 精，係都要人車埋我返屋企，點解唔自己搭車喎。
唔係下化？好似係人地話要車我，我都冇提出過，關我咩事？我都想知點解佢唔自己搭車呢可？呵呵呵~ 不過菲菲唔係輕易響公眾場合得罪人的，有失斯文嘛，所以都冇出聲。到散水時，Joseph 叫我跟佢車，Crystal 仲快過我上左車，之後話冇位，攪到 Joseph 好尷尬。最後，Joseph 唯有夾硬超載左一小段路，車左我同 Crystal 去最近既火車站，Crystal 夾硬拉埋我同佢轉車，我就好無奈咁夜媽媽自己返屋企。
因為我地係搭埋同一架車既關係，佢一路上不斷問我而家做緊咩，搵緊幾多錢，有冇咁煩呀？於是我扮醉閉目養神唔鬼理佢。之後佢就打電話搵朋友傾計，仲同佢朋友講有個女仔好衰，攪到佢冇車坐。d 野調返轉黎講既？
有其他朋友都識佢，朋友戲言，佢唔抵得我咁受男學員歡迎，所以先至咁對我姐。真係可憐！大家都幾十歲人啦，仲吃埋哂 d 無謂乾醋，笑死人咩。受唔受歡迎既野，唔係你話既，係人地認為既姐，呢樣野我最有研究了，因為我好細個已經學習如何受異性歡迎，佢仲未開竅既，幫佢唔到。
正能量
每晚放工，店長 Annie 都會車我返北區，因為佢住天水圍，日日都揸車返工，所以放工時都會順道車我返北區。路途上大家都會傾下當日工作既事，當係一個小總結，回顧今天展望明天。呢幾日老細都掛黑色暴雨，生人勿近，影響到我都有 d 情緒低落。
今日既話題，都係離不開生意進度，同埋聽日例會要講 d 咩。雖然老細下旨要鬧下班女，不過我絕對唔會咁做。我都知道如果我違抗聖旨，聽日一定有貓麵做午餐。可能因為咁，我一直都悶悶不樂。傾下傾下，我突然好有決心咁同 Annie 講︰『唔理咁多勒，聽日我地要發放多 d 正能量，唔可以比老細 d 黑口黑面打沉！』
而家既情況，安撫軍心比討好老細重要，既然已經預左比人丙，仲有咩好驚？公司最需要既係大量既正能量同埋鬥心，我要用行動證明我係岩既！
今日既話題，都係離不開生意進度，同埋聽日例會要講 d 咩。雖然老細下旨要鬧下班女，不過我絕對唔會咁做。我都知道如果我違抗聖旨，聽日一定有貓麵做午餐。可能因為咁，我一直都悶悶不樂。傾下傾下，我突然好有決心咁同 Annie 講︰『唔理咁多勒，聽日我地要發放多 d 正能量，唔可以比老細 d 黑口黑面打沉！』
而家既情況，安撫軍心比討好老細重要，既然已經預左比人丙，仲有咩好驚？公司最需要既係大量既正能量同埋鬥心，我要用行動證明我係岩既！
黑色暴雨
呢排老細既心情，好似掛左黑色暴雨警告咁，好得人驚。連日黎既黑口黑面不特止，日日問住 d 生意進度 (就係呢幾日生意嘛嘛)，同埋問我地有咩具體方法去解決。我、店長同埋尖沙咀既同事都因為危城告急都傾左幾次，我地 agree 左幾個方案，派左和平使者 (即係尖沙咀果位同事) 去同老細傾。傾左幾粒鐘之後，結果係佢比老細 KO 左，即係 ban 哂我地所有建議。老細要我地鬧 d 同事，要佢地負責云云。又話我地諗 d 野要佢洗錢 (Total budget <$10,000)，話我地敗家喎。仲有，佢認為佢老婆既功勞好大，我地唔可以抹殺左佢既貢獻。
我唔知老細點去衡量 "功勞"，不過我按照最簡單既方式去衡量功過。我地公司全民皆兵，即係人人都要 sell 野，咁最簡單就係計下位同事一個月做幾多錢生意，係佢既人工幾多倍。最差既同事都幫公司搵得返佢份人工，當然扣除皮費都要蝕啦，不過賬面上叫做平衡到。老板娘既 "人工" 遠比佢既生產力低，我只可以說服自己，果一筆唔係薪酬，係家用，咁我會好過少少。
講返我地比人 ban 哂 d 建議勒，我真係覺得好沮喪，因為我地度既野唔係求其亂 up，真係因應左實際環境而度既，全部比佢 ban 哂，我真係 down 左半日。聽日要同班同事開會勒，我真係唔想鬧佢地，因為而家最需要做既係鼓勵，鬧係唔會鬧出成績的，尤其係全女班，負面情緒會蔓延得好快。早排都有人想辭職，好不容易先至挽留到，我唔想鬧一鬧會收到幾封辭職信。冇人，點跑數？
撫心自問，2 間店既同事都算係有心做既，不過佢地有好多野需要提升咁解姐。我地應該提升佢地既能力，而唔係鬧。我諗，聽日我都係唔會鬧人，情願開完會之後比老細丙。我比佢丙下又唔會死既，不過 d 同事無心戀戰就大件事勒。
我唔知老細點去衡量 "功勞"，不過我按照最簡單既方式去衡量功過。我地公司全民皆兵，即係人人都要 sell 野，咁最簡單就係計下位同事一個月做幾多錢生意，係佢既人工幾多倍。最差既同事都幫公司搵得返佢份人工，當然扣除皮費都要蝕啦，不過賬面上叫做平衡到。老板娘既 "人工" 遠比佢既生產力低，我只可以說服自己，果一筆唔係薪酬，係家用，咁我會好過少少。
講返我地比人 ban 哂 d 建議勒，我真係覺得好沮喪，因為我地度既野唔係求其亂 up，真係因應左實際環境而度既，全部比佢 ban 哂，我真係 down 左半日。聽日要同班同事開會勒，我真係唔想鬧佢地，因為而家最需要做既係鼓勵，鬧係唔會鬧出成績的，尤其係全女班，負面情緒會蔓延得好快。早排都有人想辭職，好不容易先至挽留到，我唔想鬧一鬧會收到幾封辭職信。冇人，點跑數？
撫心自問，2 間店既同事都算係有心做既，不過佢地有好多野需要提升咁解姐。我地應該提升佢地既能力，而唔係鬧。我諗，聽日我都係唔會鬧人，情願開完會之後比老細丙。我比佢丙下又唔會死既，不過 d 同事無心戀戰就大件事勒。
2007年7月10日 星期二
女人的虛榮
男人又好，女人又好，有虛榮心其實都唔出奇。我都有 ga，不過我 d 虛榮心好變態…
我唔需要用名牌衣飾手袋珠寶首飾等等黎襯托我，因為我既自信 (又或者係自大) 已經夠哂照，一行出黎已有風範，唔駛呢 d 野黎滿足我。我亦都唔駛有份高薪厚祿或者有地位既工作黎炫耀才華，因為我唔想自己太辛苦，求其有份工開開心心夠駛就算 (其實我好唔上進 ga！)。不過，我好希望有好多人鍾意我。可能係童年被眾人離棄既陰影掛，我覺得最令我感覺存在，同埋帶到虛榮感比我既，就係有一班永遠都追我唔到既裙下之臣。我自己都覺得好變態，不過真係好 enjoy 比人傾慕既感覺。
唔好誤會我花心 (我對男友好專一 ga) 或者係 d 呃飲呃食既 "港女" 呀。我要既唔係物質，而係一種被受重視既神聖既感覺。最好就係表達得含蓄 d，太落力果 d 我會避開的。你話係唔係變態之極丫… 哈哈哈~
我唔需要用名牌衣飾手袋珠寶首飾等等黎襯托我，因為我既自信 (又或者係自大) 已經夠哂照，一行出黎已有風範，唔駛呢 d 野黎滿足我。我亦都唔駛有份高薪厚祿或者有地位既工作黎炫耀才華，因為我唔想自己太辛苦，求其有份工開開心心夠駛就算 (其實我好唔上進 ga！)。不過，我好希望有好多人鍾意我。可能係童年被眾人離棄既陰影掛，我覺得最令我感覺存在，同埋帶到虛榮感比我既，就係有一班永遠都追我唔到既裙下之臣。我自己都覺得好變態，不過真係好 enjoy 比人傾慕既感覺。
唔好誤會我花心 (我對男友好專一 ga) 或者係 d 呃飲呃食既 "港女" 呀。我要既唔係物質，而係一種被受重視既神聖既感覺。最好就係表達得含蓄 d，太落力果 d 我會避開的。你話係唔係變態之極丫… 哈哈哈~
禮物
臨收工時，有個女仔捧住一個好大既盒黎到我地舖頭搵其中一位美容師雯雯。雯雯好奇怪點解會有一個唔相識既女仔會比一個大盒佢，但係個女仔冇表明身份，只係話個盒係雯雯既男友送比佢既就走左勒。我地都好奇怪，因為雯雯係冇男朋友既。之後打開個盒一睇，入面全部都係零食，仲有一張印刷精美既字條。雯雯開心到失控，又唔知邊個送份咁貼心既禮物比佢。正當佢不知所措時，我發現字條上係有署名既，於是佢就即時打電話比對方，對方原來就響附近，就約左今晚食飯。
之後雯雯問我︰『佢送咁大盒零食比我，係唔係追我呀？』唔係下化？無啦啦送咁大盒零食，印埋字條仲響附近等你，唔係追你係咩呀？咁都要問？哈哈哈~ 見到佢咁開心，都感染到少少溫馨既感覺。
響返屋企既途中，不自覺地諗起自己以前都收過 d 好有心思或者係好感動既禮物。禮物唔需要貴重，當中既心思真係千金難求。淨係近呢幾年都有唔少︰
之後雯雯問我︰『佢送咁大盒零食比我，係唔係追我呀？』唔係下化？無啦啦送咁大盒零食，印埋字條仲響附近等你，唔係追你係咩呀？咁都要問？哈哈哈~ 見到佢咁開心，都感染到少少溫馨既感覺。
響返屋企既途中，不自覺地諗起自己以前都收過 d 好有心思或者係好感動既禮物。禮物唔需要貴重，當中既心思真係千金難求。淨係近呢幾年都有唔少︰
- 2004年既生日收到我最好既朋友的一隻生日熊匙扣，到而家仲同我 d 鎖匙扣埋一齊
- 2005年既生日收到一位傾慕者送既 Little Twin Stars 公仔，原來我幾十歲人都有人認為我係小妹妹… 同埋唔知佢係咁岩撞中定係知道，我最愛既唔係吉蒂貓，係 Little Twin Stars，都好開心 ga (不過我有男友，佢冇機會了)
- 都係 2005年既生日，一位日本料理廚神 (有獎為證，堅係廚神) 整左個 Cheese Cake 比我，我既至愛黎的！
- 上年生日有位朋友用我個名整左個心口針送比我，好獨一無二呀！
- 上個月我遇到小意外破左少少相，亞媽比左佢戴左好多年既玉墜我，媽媽真偉大！
- 今個月我男友終於第一次 (識左八年先至係第一次) 送左條頸鍊比我，等到我頸都長呀，戴多幾條都得！ XD
太多勒，唔數勒…
一份有心思既禮物，我係唔會忘記的。我真係好幸運，有好多人錫我，生活再辛苦都有呢 d 甘露滋潤下，即刻變得燦爛好多。
派傳單
中小型美容院既推廣方式，冇連鎖美容院咁多款式。我地冇錢請代言人，冇咁多錢掃哂各大傳媒既全版廣告或者黃金廣告時段。我地只可以好似打遊擊咁出下細細既廣告版位，求傳媒黎寫下鱔稿之類黎增加一下知名度。都好在，我地美容院唔係大，所以每次廣告雖然只有十零廿隻 call in，都叫做 ok，因為太多新客反而會得失左舊客，每月大概二十個新客已經好足夠。不過，呢班新客只會去尖沙咀既店，我果邊係住宅區，唔響附近住既人係唔會專登黎的。加上我果區咩鐵都唔經，想搵下流水客都冇。
為左解決呢個問題，我果邊就會派好多傳單的。我地都肯花錢去設計傳單，好多客都讚我地既傳單靚。不過只係有靚傳單係冇用既，都要有人幫手派先得 ga。咁岩而家暑假，要搵暑期工派傳單實在太容易勒，不過班暑期工既工作態度真係不敢恭維。鐘意就唔返工，同佢地 set 好時間表，佢地又話早又話晏，要我地就佢既時間喎，究竟邊個打邊個工呀？上星期響勞工處又登左請派傳單既招聘廣告，一日之內接左 30 幾個電話，大部份都係暑期工，最後我只係取錄左 2 個中年女士，貪佢地盡責 d (希望)。
雖然派傳單唔係 d 有前途既工，不過公司都唔會白白花錢而得唔到效果嘛。有 d 盡責既派傳單員，唔單止會派，仲會帶埋個客黎，呢 d 就係 heart 勒。呢位派傳單亞姐人工比其他人高，不過絕對係值得既。
為左解決呢個問題，我果邊就會派好多傳單的。我地都肯花錢去設計傳單，好多客都讚我地既傳單靚。不過只係有靚傳單係冇用既，都要有人幫手派先得 ga。咁岩而家暑假，要搵暑期工派傳單實在太容易勒，不過班暑期工既工作態度真係不敢恭維。鐘意就唔返工，同佢地 set 好時間表，佢地又話早又話晏，要我地就佢既時間喎，究竟邊個打邊個工呀？上星期響勞工處又登左請派傳單既招聘廣告，一日之內接左 30 幾個電話，大部份都係暑期工，最後我只係取錄左 2 個中年女士，貪佢地盡責 d (希望)。
雖然派傳單唔係 d 有前途既工，不過公司都唔會白白花錢而得唔到效果嘛。有 d 盡責既派傳單員，唔單止會派，仲會帶埋個客黎，呢 d 就係 heart 勒。呢位派傳單亞姐人工比其他人高，不過絕對係值得既。
嫁左唔駛做
公司同事既口頭蟬，就係嫁左唔駛做。如果真係嫁左就唔駛做野，十年前既男友同我求婚時一定一口應承… XD
而家年代唔同左，結婚只係見證一段關係，如果女性想結左婚之後可以全心全意響屋企相夫教子既，似乎可能性低 d。而家女性大部份都出黎社會做事，薪酬方面響好多行業男女都同工可酬，唔係個個男士搵既人工都可以照得起成頭家，嫁左唔駛做只適用於有錢人，好似我地既普通人，諗都唔駛諗。同埋女性婚後唔做野，響現今社會會有婚姻危機，因為有學識又有姿色既女士比比皆是，如果男士既定力唔夠就會攪到家庭破裂，比著我都唔會做全職主婦，太博唔過了。
以上只係我既個人觀點，並不代表所有人都係咁，只係我響呢方面既危機意識比較強，所以唔認為嫁左人可以唔駛做。希望多 d 女士可以搵到一個真正可以全心全意照顧佢既人，嫁左唔駛做又真係唔駛憂。
而家年代唔同左，結婚只係見證一段關係，如果女性想結左婚之後可以全心全意響屋企相夫教子既，似乎可能性低 d。而家女性大部份都出黎社會做事，薪酬方面響好多行業男女都同工可酬，唔係個個男士搵既人工都可以照得起成頭家，嫁左唔駛做只適用於有錢人，好似我地既普通人，諗都唔駛諗。同埋女性婚後唔做野，響現今社會會有婚姻危機，因為有學識又有姿色既女士比比皆是，如果男士既定力唔夠就會攪到家庭破裂，比著我都唔會做全職主婦，太博唔過了。
以上只係我既個人觀點，並不代表所有人都係咁，只係我響呢方面既危機意識比較強，所以唔認為嫁左人可以唔駛做。希望多 d 女士可以搵到一個真正可以全心全意照顧佢既人，嫁左唔駛做又真係唔駛憂。
講下傳銷
響我個新聞組既網友，最近傾開傳銷既問題，大部份人都認為傳銷係呃神騙鬼既。十幾年前已經接觸傳銷，都認識好多傳銷人，當中不乏當時得令既領袖，對傳銷界都有少少認識，就響度班門弄斧，講下傳銷啦。
我係主動接觸傳銷既，事緣我既畢業論文係講傳銷既成功之道，所以就主動去搵一 d 做得成功既傳銷領袖去瞭解一下。咁岩我有同學既朋友係傳銷領袖，所以就自動送上門同佢做左個訪問。之後仲訪問左好多其他傳銷商，漸漸都同佢地混熟左。臨畢業時都 join 左當時其中一間最勁既公司，其實都係玩玩下，諗住 d 人都幾好玩未就當做識下多 d 朋友。雖然我都唔算認真做，不過佢地既訓練都上到足，反正三行人必有我師，睇下傳銷界都好 ga。
自從自己既工作越黎越忙之後，都冇再續會勒，不過同班傳銷人都有聯絡，傳銷界既消息都仲幾靈通。時代不斷轉變，傳銷公司都有好多轉變，好多做得好既轉差，沉寂左既又返生，不斷有新公司湧現又不斷有公司離場。有 d 係正正當當做傳銷，有 d 比人拉人兼封舖，咩事都會發生。唯有不變既係，傳銷公司都係 sell 夢想，一個成功的夢想。
早幾年好多年青人都搵唔到工，唔想雙失既人部份走左去做傳銷。傳銷公司係另一個夢工場，好識得諦造年青創富神話，表面上只要你肯努力就會發達。事實既真相係，佢地先要付出金錢時間同埋人面，先至有呢一個 "機會"。付出金錢同時間都唔緊要，就算唔成功都可以當係一種學習，不過付出寶貴友誼就未免太沉重了。年青人有冇諗過，成功唔係單指搵到幾多錢，而係多方面呢？例如思維、處事、世情之類既東西…
傳銷式夢想係鼓吹搵到錢就萬能，到處受人尊重。唔認同呢套觀念既人就係負面同埋不思進取，仲惡過邪教。冇錯冇錢真係萬萬不能，不過世上可以搵錢既途徑何其多！而其他搵錢既途徑都需要付出努力，不過唔需要你蒙蔽自己來出賣人面，利害衝突響邊，識得理性分析既人既應該好清楚。
我所認識既傳銷領袖，大部份都轉行了。根據佢地既詮釋，跳左出傳銷既框框，原來更海闊天空！
我係主動接觸傳銷既，事緣我既畢業論文係講傳銷既成功之道，所以就主動去搵一 d 做得成功既傳銷領袖去瞭解一下。咁岩我有同學既朋友係傳銷領袖，所以就自動送上門同佢做左個訪問。之後仲訪問左好多其他傳銷商，漸漸都同佢地混熟左。臨畢業時都 join 左當時其中一間最勁既公司，其實都係玩玩下，諗住 d 人都幾好玩未就當做識下多 d 朋友。雖然我都唔算認真做，不過佢地既訓練都上到足，反正三行人必有我師，睇下傳銷界都好 ga。
自從自己既工作越黎越忙之後，都冇再續會勒，不過同班傳銷人都有聯絡，傳銷界既消息都仲幾靈通。時代不斷轉變，傳銷公司都有好多轉變，好多做得好既轉差，沉寂左既又返生，不斷有新公司湧現又不斷有公司離場。有 d 係正正當當做傳銷，有 d 比人拉人兼封舖，咩事都會發生。唯有不變既係，傳銷公司都係 sell 夢想，一個成功的夢想。
早幾年好多年青人都搵唔到工，唔想雙失既人部份走左去做傳銷。傳銷公司係另一個夢工場，好識得諦造年青創富神話，表面上只要你肯努力就會發達。事實既真相係，佢地先要付出金錢時間同埋人面，先至有呢一個 "機會"。付出金錢同時間都唔緊要，就算唔成功都可以當係一種學習，不過付出寶貴友誼就未免太沉重了。年青人有冇諗過，成功唔係單指搵到幾多錢，而係多方面呢？例如思維、處事、世情之類既東西…
傳銷式夢想係鼓吹搵到錢就萬能，到處受人尊重。唔認同呢套觀念既人就係負面同埋不思進取，仲惡過邪教。冇錯冇錢真係萬萬不能，不過世上可以搵錢既途徑何其多！而其他搵錢既途徑都需要付出努力，不過唔需要你蒙蔽自己來出賣人面，利害衝突響邊，識得理性分析既人既應該好清楚。
我所認識既傳銷領袖，大部份都轉行了。根據佢地既詮釋，跳左出傳銷既框框，原來更海闊天空！
平台期
收到風老細呢排投訴我比少左意見佢，令生意入左平台期，仲未上到佢心目中既位置。
Lunch 之前已經體會左勒，老細問左我某部份服務既發展空間，我按常理答左佢野之後，佢就好惡咁講︰「呢 D 野我都諗到啦，我想你諗 D 我諗唔到既野比我呀！」語畢，我好唔客氣咁 CUP 左佢線 (我成日都 CUP 佢線的，我諗佢都幾興… XD) 我同意做生意係要有創意，不過有時響創作之前都要睇下實際情況掛…
5 分鐘之後我下左啖氣，打返電話比佢，問佢想果一部份既服務提升到咩水平，佢條氣好似順左少少，一口氣講左十幾分鐘佢既諗法。我都同意公司既生意進入左平台期，連續幾個月既增長率都好低，都好既，我有時都幾懶下，開完 turbo 趕好哂 d 野就抖下氣等放工，可能老細知我仲有 buffer，所以就搵多野我做掛。
其實我又唔介意諗多 d 呢方面既野，正所謂食君之祿，擔君之憂。只係有 d 介意老細早輪 ban 哂我所有野，之後投訴我冇意見之嘛。未請尖沙咀個行政同事之前，好多決策都係我同老細 2 個度，而家要多一條友傾，唔係多左思維，反而係多左爭拗。花太多時間響爭拗上，都幾費時失事。希望今次我再度出黎既計仔唔好再比佢 ban 啦。同埋希望唔好再花時間響爭拗上，呢 d 爭拗好無謂，拗羸冇獎，拗輸又冇面，完全係雙輸。
Lunch 之前已經體會左勒，老細問左我某部份服務既發展空間，我按常理答左佢野之後，佢就好惡咁講︰「呢 D 野我都諗到啦，我想你諗 D 我諗唔到既野比我呀！」語畢，我好唔客氣咁 CUP 左佢線 (我成日都 CUP 佢線的，我諗佢都幾興… XD) 我同意做生意係要有創意，不過有時響創作之前都要睇下實際情況掛…
5 分鐘之後我下左啖氣，打返電話比佢，問佢想果一部份既服務提升到咩水平，佢條氣好似順左少少，一口氣講左十幾分鐘佢既諗法。我都同意公司既生意進入左平台期，連續幾個月既增長率都好低，都好既，我有時都幾懶下，開完 turbo 趕好哂 d 野就抖下氣等放工，可能老細知我仲有 buffer，所以就搵多野我做掛。
其實我又唔介意諗多 d 呢方面既野，正所謂食君之祿，擔君之憂。只係有 d 介意老細早輪 ban 哂我所有野，之後投訴我冇意見之嘛。未請尖沙咀個行政同事之前，好多決策都係我同老細 2 個度，而家要多一條友傾，唔係多左思維，反而係多左爭拗。花太多時間響爭拗上，都幾費時失事。希望今次我再度出黎既計仔唔好再比佢 ban 啦。同埋希望唔好再花時間響爭拗上，呢 d 爭拗好無謂，拗羸冇獎，拗輸又冇面，完全係雙輸。
2007年7月9日 星期一
趕客最終回
同設計公司既紛爭，已經去到尾聲。佢地做得好成功，趕左一個好撐佢既客出門口。
記得當初老細想搵一間公司整下網頁，有網友介紹左間公司比我地，佢老細親自上黎同我地傾。當時我地唔單止公司細，仲係用緊舊式既宣傳方式，而家睇返轉頭都係一間幾 "地道" 既美容院。佢地同我地傾既唔係網頁咁簡單，而係幫成間公司做 branding。老細係一個穩健派，對於看似浮誇既 branding 唔係好在意，不過我就好 buy branding 呢套，因為可以令我地走出 "地道" 既框框，令客人覺得我地更有規模同埋更有質素，咁先至可以 upgrade 客戶群，前途一片光明嘛。
基於多方面既因素，我用左好多時間瞭解果間公司，佢地既 profile其實真係好堅。之後仲用左好多時間說服老細用佢地既 plan，因為唔係咁多間公司願意投放資源比一間中小企做 branding 的。努力過後就開始合作勒。合作期間，互有火花，不過我都仲做到中間人，令老細多 d 接受新事物，同埋令設計公司果邊唔好 push 我地行得太快，因為中小企行得快會 pk 得仲快。要攪 branding 都要有 plan，並唔係一刀切改哂所有野嘛。
一年過後，我地公司響市場上升格了，吸引左好多其他公司招我地做合作伙伴，甚至有 d 幾 ok 既 design house 都黎搵我地，響 branding 上既功夫一定冇白費。不過由於有其他 design house 黎搵生意，老細多左選擇同比較，就有意轉搵其他公司做，我地試過比 d 細 job 佢地試，不過都唔係好 match 到我地已經 build up 左既野，所以我都唔建議公司轉設計公司，既然有一間合作得好好既，無講走去博大細嘛。
有睇趕客系列既朋友都知道，我地用緊既設計公司同地關係破裂了，其實我真係好唔開心。因為係我一手排除萬難推薦佢地，又係一手推開佢既競爭對手，為既就係一段良好合作關係。作為客戶既一方，我諗我都算係撐到佢盡。不過佢唔願意既，我撐佢又點丫，最後都係咁…
破裂左既唔單止係生意關係，唔知佢明唔明白呢？
記得當初老細想搵一間公司整下網頁，有網友介紹左間公司比我地，佢老細親自上黎同我地傾。當時我地唔單止公司細，仲係用緊舊式既宣傳方式，而家睇返轉頭都係一間幾 "地道" 既美容院。佢地同我地傾既唔係網頁咁簡單，而係幫成間公司做 branding。老細係一個穩健派，對於看似浮誇既 branding 唔係好在意，不過我就好 buy branding 呢套，因為可以令我地走出 "地道" 既框框，令客人覺得我地更有規模同埋更有質素，咁先至可以 upgrade 客戶群，前途一片光明嘛。
基於多方面既因素，我用左好多時間瞭解果間公司，佢地既 profile其實真係好堅。之後仲用左好多時間說服老細用佢地既 plan，因為唔係咁多間公司願意投放資源比一間中小企做 branding 的。努力過後就開始合作勒。合作期間，互有火花，不過我都仲做到中間人，令老細多 d 接受新事物，同埋令設計公司果邊唔好 push 我地行得太快，因為中小企行得快會 pk 得仲快。要攪 branding 都要有 plan，並唔係一刀切改哂所有野嘛。
一年過後，我地公司響市場上升格了，吸引左好多其他公司招我地做合作伙伴，甚至有 d 幾 ok 既 design house 都黎搵我地，響 branding 上既功夫一定冇白費。不過由於有其他 design house 黎搵生意，老細多左選擇同比較，就有意轉搵其他公司做，我地試過比 d 細 job 佢地試，不過都唔係好 match 到我地已經 build up 左既野，所以我都唔建議公司轉設計公司，既然有一間合作得好好既，無講走去博大細嘛。
有睇趕客系列既朋友都知道，我地用緊既設計公司同地關係破裂了，其實我真係好唔開心。因為係我一手排除萬難推薦佢地，又係一手推開佢既競爭對手，為既就係一段良好合作關係。作為客戶既一方，我諗我都算係撐到佢盡。不過佢唔願意既，我撐佢又點丫，最後都係咁…
破裂左既唔單止係生意關係，唔知佢明唔明白呢？
修辭的藝術
要令人鍾意聽你講野，唔一定要口才了得，亦都唔需要奉承別人，不過最基本係要注意一下修辭技巧。唔係叫你咬文嚼字，唸唐詩拋書包，只係換下一般既字眼。以下係我最常見既情況，大家不防比下意見丫。
錯
係人都唔鍾意比人話佢錯，如果你真係見到有人做錯左又想話比佢知，千萬唔好話︰『你錯了！』比著係你都唔 like 啦。可以改為︰『唔知 xxxx 會唔會好 d 呢？』當中既 xxxx 係一個解決方案，即係唔好兜口兜面話人錯，而係指出改善既方式，咁人地聽落會順耳好多，同埋覺得你有建設性，唔會只係識得話人錯咁乞人憎。
缺點
人人都有缺點，見到人地有缺點唔駛好似發現新大陸咁篤人出黎既。反而，當你見到人地缺點時，第一個要反省既係自己。係呀，係自己呀。因為人人都有優點同埋缺點，點解你最先睇到人地既唔係優點而係缺點呢？只識留意人地缺點既人，係比較負面的。相反，好識留意人地優點既人，正面思想就強得多。下次見到人地有缺點，先唔好走去提點人地，自己反省下先啦~ XD
問題
同錯一樣，冇人鍾意比人話有問題的。處理方法一樣，唔好指人地個問題出黎，先諗下呢個問題有咩解決方式，之後直接提議出黎，同埋問下人地︰『咁會唔會好 D？』，效果會討好好多。
基於舉一反三既道理，同埋呢度既讀者質素高既關係，都唔需要詳述太多其他相關字眼。仲有一句金句︰已所不欲，忽施於人。邊 D 說話你唔想人地講你既，就唔好用黎講人，咁就得人喜愛勒。
錯
係人都唔鍾意比人話佢錯，如果你真係見到有人做錯左又想話比佢知，千萬唔好話︰『你錯了！』比著係你都唔 like 啦。可以改為︰『唔知 xxxx 會唔會好 d 呢？』當中既 xxxx 係一個解決方案，即係唔好兜口兜面話人錯，而係指出改善既方式，咁人地聽落會順耳好多，同埋覺得你有建設性，唔會只係識得話人錯咁乞人憎。
缺點
人人都有缺點，見到人地有缺點唔駛好似發現新大陸咁篤人出黎既。反而，當你見到人地缺點時，第一個要反省既係自己。係呀，係自己呀。因為人人都有優點同埋缺點，點解你最先睇到人地既唔係優點而係缺點呢？只識留意人地缺點既人，係比較負面的。相反，好識留意人地優點既人，正面思想就強得多。下次見到人地有缺點，先唔好走去提點人地，自己反省下先啦~ XD
問題
同錯一樣，冇人鍾意比人話有問題的。處理方法一樣，唔好指人地個問題出黎，先諗下呢個問題有咩解決方式，之後直接提議出黎，同埋問下人地︰『咁會唔會好 D？』，效果會討好好多。
基於舉一反三既道理，同埋呢度既讀者質素高既關係，都唔需要詳述太多其他相關字眼。仲有一句金句︰已所不欲，忽施於人。邊 D 說話你唔想人地講你既，就唔好用黎講人，咁就得人喜愛勒。
十五三一
怎樣的 sales 先至係最好既 sales 呢？最好數？最多客？最好人際關係？最抵得諗？最得老細歡心？定係其他？
初出茅廬時以為最好數既 sales 就係好 sales，不過做得耐就知咩叫花無百日紅，今日最好數不等於以後都咁好數。所以現時最好數既 sales 不一定係最好既 sales。咁之後又諗勒，係唔係最多客既 sales 就係好 sales 呢？不過到自己儲到好多客既時候就發現呢樣野都唔成立，因為客多只係代表係做得耐未死得，同好唔好係冇關係的。大把老 pat pat 攬住一大班客好似咬老本咁咬，響公司立場都唔算係一個好 sales。好數又唔係，多客又唔算，咁點先至叫做係好 sales 呢？
我有一套衡量方式，不過未必可以放於每一個行業都適用，只係我見過最簡單同埋易明既準則姐。呢個方式主要係衡量銷售人員既工作質素，可以知有幾穩定同埋知要同佢改善邊一部份，咁就可以量化銷售流程勒。點解要咁做呢？就係基於花無百日紅同埋唔想同事只識咬老本，所以用呢一套方式去提升同事工作既穩定性，同埋令同事自己知自己係咩環境，要改善 d 咩同埋需要補充 d 咩。同埋上司都知道同事需要邊方面既協助，可以更有效地達到目標。
呢個方式叫做『十五三一』，相信部份保險營業代表都知道，因為我係 copy from 保險業的。而應用響美容院既理論係︰
每 call 10 個客，就有 5 個會願意試新服務
呢 5 個客入面，就有 3 個會願意聽你講開 plan
呢 3 個客入面，就會有 1 個會比錢你開 plan
結論係︰只要你 call 10 個客，你就會有 1 張單。
網友們會問，有冇咁準呀？
要衡量同事，唔係用 10 個 call 做一個單位，而係要用一整個月既總數黎計算比例，如果同事既比例同呢條 rule 有出入，即係比左 hints 管理層，究竟同事有咩需要協助。
同埋呢條 rule 係玩 bottom up 既，即係要 run 到一條屬於自己公司既 rule，先要訂下公司每月需要搵幾多。唔好答越多越好呢 d 廢話，應該有一個合理既 target 先至 run 到呢條 rule。不如我用一個實例去解釋啦。如果公司一個月想搵 50萬 revenue，而公司內有 5 位 sales，當人人平等，即係每人要做 10 萬數。之後要計平均每張單係幾多錢，例如平均單額係 $5,000，咁同事就要跑 20 張單。
好勒，要有 20 張單，即係要有 60 個客願意聽你 present (10:5:3:1)，要有呢 60 個客肯聽你 present，你要搵 100 個客比你見 (10:5:3:1)，要有 100 個客比你見，你就要 call 200 個客 (10:5:3:1)。所以根據呢個場境，理論上同事每月要 call 200 個客，其中有 100 個會見你，當中又有 60 個會聽你 present，最後有 20 個客願意以平均 $5,000 幫你買野。月尾，順理成章有 $100,000。收工！呵呵呵~
響衡量方面，第一個要知既係，究竟有冇咁多客去 call 先？如果冇，公司首要解決既係︰
1. 擴大客源
2. 提升平均金額
3. 再睇下自己個目標實唔實際
4. 請多 d 人響某 d 行業都 work 既
攪掂左第一樣之後，第二樣要衡量既係，同事有冇 call 齊 200 個客？如果冇，即係同事響呢度做得未夠。咁就要搵出原因再對症下藥幫下佢。好勒，call 足 200 個都冇 100 個客肯見你既，即係電話約客既技巧未得，咁上司就要同佢操下 phone call 啦。到有 100 個客肯見你但係都冇 60 個人肯聽你支笛既，即係瞭解客人未夠，所以客人到呢度就行人止步，咁就要學下如何瞭解客人勒 (呢樣野遲 d 有一篇專題會講)。如果有 60 個客聽左你 present 都開唔到 20 張單，明顯係 closing technique 有待磨練。
最後，如果平均單額冇 $5,000，有以下可能性︰
1. 都係 closing 唔掂
2. 搵錯客戶群，搵左班冇錢人
3. set 錯平均金額 (哈哈哈~ 好多人都會犯左都唔知)
如果同事每個月都用呢套方式去衡量自己既銷售流程，一定進步不少，因為知道自己邊一個環節出問題，就可以改善。我認為一個可以穩定地有生意，同埋不斷知自己要改善 d 咩既銷售人員，先至係一個好 sales。唔知大家同唔同意呢？
呢度短短一篇文章係講唔哂十五三一呢條 rule 的，不過可以當係一個引言啦。如果大家有興趣切磋一下呢個課題，請唔好客氣，留個言比我丫。
多多指教！
初出茅廬時以為最好數既 sales 就係好 sales，不過做得耐就知咩叫花無百日紅，今日最好數不等於以後都咁好數。所以現時最好數既 sales 不一定係最好既 sales。咁之後又諗勒，係唔係最多客既 sales 就係好 sales 呢？不過到自己儲到好多客既時候就發現呢樣野都唔成立，因為客多只係代表係做得耐未死得，同好唔好係冇關係的。大把老 pat pat 攬住一大班客好似咬老本咁咬，響公司立場都唔算係一個好 sales。好數又唔係，多客又唔算，咁點先至叫做係好 sales 呢？
我有一套衡量方式，不過未必可以放於每一個行業都適用，只係我見過最簡單同埋易明既準則姐。呢個方式主要係衡量銷售人員既工作質素，可以知有幾穩定同埋知要同佢改善邊一部份，咁就可以量化銷售流程勒。點解要咁做呢？就係基於花無百日紅同埋唔想同事只識咬老本，所以用呢一套方式去提升同事工作既穩定性，同埋令同事自己知自己係咩環境，要改善 d 咩同埋需要補充 d 咩。同埋上司都知道同事需要邊方面既協助，可以更有效地達到目標。
呢個方式叫做『十五三一』，相信部份保險營業代表都知道，因為我係 copy from 保險業的。而應用響美容院既理論係︰
每 call 10 個客，就有 5 個會願意試新服務
呢 5 個客入面，就有 3 個會願意聽你講開 plan
呢 3 個客入面，就會有 1 個會比錢你開 plan
結論係︰只要你 call 10 個客，你就會有 1 張單。
網友們會問，有冇咁準呀？
要衡量同事，唔係用 10 個 call 做一個單位，而係要用一整個月既總數黎計算比例，如果同事既比例同呢條 rule 有出入，即係比左 hints 管理層，究竟同事有咩需要協助。
同埋呢條 rule 係玩 bottom up 既，即係要 run 到一條屬於自己公司既 rule，先要訂下公司每月需要搵幾多。唔好答越多越好呢 d 廢話，應該有一個合理既 target 先至 run 到呢條 rule。不如我用一個實例去解釋啦。如果公司一個月想搵 50萬 revenue，而公司內有 5 位 sales，當人人平等，即係每人要做 10 萬數。之後要計平均每張單係幾多錢，例如平均單額係 $5,000，咁同事就要跑 20 張單。
好勒，要有 20 張單，即係要有 60 個客願意聽你 present (10:5:3:1)，要有呢 60 個客肯聽你 present，你要搵 100 個客比你見 (10:5:3:1)，要有 100 個客比你見，你就要 call 200 個客 (10:5:3:1)。所以根據呢個場境，理論上同事每月要 call 200 個客，其中有 100 個會見你，當中又有 60 個會聽你 present，最後有 20 個客願意以平均 $5,000 幫你買野。月尾，順理成章有 $100,000。收工！呵呵呵~
響衡量方面，第一個要知既係，究竟有冇咁多客去 call 先？如果冇，公司首要解決既係︰
1. 擴大客源
2. 提升平均金額
3. 再睇下自己個目標實唔實際
4. 請多 d 人響某 d 行業都 work 既
攪掂左第一樣之後，第二樣要衡量既係，同事有冇 call 齊 200 個客？如果冇，即係同事響呢度做得未夠。咁就要搵出原因再對症下藥幫下佢。好勒，call 足 200 個都冇 100 個客肯見你既，即係電話約客既技巧未得，咁上司就要同佢操下 phone call 啦。到有 100 個客肯見你但係都冇 60 個人肯聽你支笛既，即係瞭解客人未夠，所以客人到呢度就行人止步，咁就要學下如何瞭解客人勒 (呢樣野遲 d 有一篇專題會講)。如果有 60 個客聽左你 present 都開唔到 20 張單，明顯係 closing technique 有待磨練。
最後，如果平均單額冇 $5,000，有以下可能性︰
1. 都係 closing 唔掂
2. 搵錯客戶群，搵左班冇錢人
3. set 錯平均金額 (哈哈哈~ 好多人都會犯左都唔知)
如果同事每個月都用呢套方式去衡量自己既銷售流程，一定進步不少，因為知道自己邊一個環節出問題，就可以改善。我認為一個可以穩定地有生意，同埋不斷知自己要改善 d 咩既銷售人員，先至係一個好 sales。唔知大家同唔同意呢？
呢度短短一篇文章係講唔哂十五三一呢條 rule 的，不過可以當係一個引言啦。如果大家有興趣切磋一下呢個課題，請唔好客氣，留個言比我丫。
多多指教！
開會快閃黨
唔知大家一星期要用幾多小時開會呢？我既開會"里數"都幾多，如果可以用開會時間換機票，分分鐘歐洲來回機票都換到。保守計算過，我一星期起碼要開 20 小時會議，有時老細興起可以開馬拉松會議，最高紀錄係由 11:00 直踩至 18:00，集中力少 d 都頂唔住。有睇呢度既朋友都知我老細好叻回帶，一件事可以講左十幾次都叫做未有定案，成日都議而不決，但係決左就即刻要行，戰鬥力少 d 都趕唔到死線。
今日去左尖沙咀開每週例會，開左幾粒鐘之後諗住走人，點知見佢仲有野講，終於扮要同 d 同事訓話，閃左。呵呵呵~ 之後尖沙咀既同事仲話我冇義氣，竟然唔留低一齊作戰云云。你估我第一日返工咩，明知老細都係響度重播舊議題，有得閃仲唔閃？之後老細話要問左我既意見先至可以決定喎，好明顯係問左都仲要討論幾粒鐘，所以由得佢自己諗下先。
適逢今日係星期一，可以準時收工，我仲唔把握時機返自己 office 等夠鐘？平時博到幾多點都得，人地有 Happy Friday，我有 Happy Monday，梗係要對自己好 d 啦，如果唔係點頂到星期六呀？我星期六都要返工嘛，叉唔夠電好易玩完~
今日去左尖沙咀開每週例會，開左幾粒鐘之後諗住走人，點知見佢仲有野講，終於扮要同 d 同事訓話，閃左。呵呵呵~ 之後尖沙咀既同事仲話我冇義氣，竟然唔留低一齊作戰云云。你估我第一日返工咩，明知老細都係響度重播舊議題，有得閃仲唔閃？之後老細話要問左我既意見先至可以決定喎，好明顯係問左都仲要討論幾粒鐘，所以由得佢自己諗下先。
適逢今日係星期一，可以準時收工，我仲唔把握時機返自己 office 等夠鐘？平時博到幾多點都得，人地有 Happy Friday，我有 Happy Monday，梗係要對自己好 d 啦，如果唔係點頂到星期六呀？我星期六都要返工嘛，叉唔夠電好易玩完~
婚宴
有位舊同事結婚，今日去左飲佢果餐。雖然我仲未結婚，但係婚禮都去過同攪過唔少，不過從未見識過咁既婚禮。
新娘子係我既舊同事，今年只有 23 歲，上年已經註左冊，今年先至補擺喜酒。首先去到既感覺唔多似去左一個婚宴，似係落左 bar，因為一對新人既朋友都係廿來歲，嘻嘻哈哈劈哂酒咁玩，我地一眾老餅入到去都只係坐埋一角等開席。終於等大家打完牌準備開席，一對新人出場時既感覺好攪笑，似玩結婚遊戲多過似真係結婚，因為都唔覺得莊嚴，有少少兒戲，可能我地老餅啦，同 d 後生仔女有代溝都唔定。
到敬酒時仲似落左 bar，成班人起哄一大杯一大杯咁劈，爭在冇左個骰盅姐~ XD 新娘子玩得仲癲過佢老公，我同班同事旁觀時仲諗緊佢地屋企人會唔會唔多高興呢？可能我屋企比較愛面子啦，咩都要好好睇睇，絕對唔會出現呢 d 情況，所以有少少唔慣。席間例牌又有同事問幾時輪到我啦
擺酒，哈哈哈，我結婚都未必會擺酒啦，更何況我都過哂響往婚禮既階段。響我心目中結婚只係一種儀式，兩個人一齊生活開心先至係最緊要。妹妹下年都結婚了，我都開始諗諗係唔係應該去註個冊叫做了左屋企人既心願…
新娘子係我既舊同事，今年只有 23 歲，上年已經註左冊，今年先至補擺喜酒。首先去到既感覺唔多似去左一個婚宴，似係落左 bar，因為一對新人既朋友都係廿來歲，嘻嘻哈哈劈哂酒咁玩，我地一眾老餅入到去都只係坐埋一角等開席。終於等大家打完牌準備開席，一對新人出場時既感覺好攪笑，似玩結婚遊戲多過似真係結婚，因為都唔覺得莊嚴，有少少兒戲，可能我地老餅啦，同 d 後生仔女有代溝都唔定。
到敬酒時仲似落左 bar，成班人起哄一大杯一大杯咁劈，爭在冇左個骰盅姐~ XD 新娘子玩得仲癲過佢老公，我同班同事旁觀時仲諗緊佢地屋企人會唔會唔多高興呢？可能我屋企比較愛面子啦，咩都要好好睇睇，絕對唔會出現呢 d 情況，所以有少少唔慣。席間例牌又有同事問幾時輪到我啦
擺酒，哈哈哈，我結婚都未必會擺酒啦，更何況我都過哂響往婚禮既階段。響我心目中結婚只係一種儀式，兩個人一齊生活開心先至係最緊要。妹妹下年都結婚了，我都開始諗諗係唔係應該去註個冊叫做了左屋企人既心願…
2007年7月7日 星期六
我的第一個人生轉捩點
你有幾多次人生轉捩點呢？第一個又係幾時發生呢？我經歷過好幾次既人生轉捩點，每一次都改變左我，每一次都係寶貴的一課。我既第一個人生轉捩點，發生於小學五年班，當時我十歲。
小學一年級既開課日，小朋友應該係開開心心換上新校服，背上新書包，去一個新環境，認識新朋友，同埋面對迎挑戰。不幸地，我一年級既開課日缺席了，因為我發了三天既高燒，病到迷迷糊糊，第四天終於好轉，終於比別人遲左三日先至接觸新環境。
好記得我第一日返學唔係去課室，因為我都唔知編左去邊一班，所以媽媽同我去左校務處攪清楚手續之後，就比人帶左去一個班房。入到班房，所有人包括老師都用奇異眼光望我，年紀小小既我真係不知所措，老師知道我係呢一班既學生之後，就指我坐埋一二邊。坐好之後，我都唔知老師做緊乜，又唔知上緊咩堂，東張西望想搵個依靠，點知仲比老師鬧我坐唔定。
小息時，全部同學都離開課室，老師喝令我離開課室，我仲以為咁快放學，執埋書包離開左學校。當時我都唔知原來小學有放小息呢回事，又唔知小息要去操場玩，其實基本上都冇人同我玩。好記得當日自己離開學校之後竟然識去外婆家，當時媽媽響外婆家，見我拍門，嚇到佢地要死，即刻帶返我去學校，你話幾笑死人丫。本來呢 d 只係笑話，不過我仲未知道原來呢一日係我六年惡夢既序幕。
同學們見我第一日出現既行徑奇奇怪怪，大家都唔願意同我玩，我諗唔係好多人試過連續六年都比同學杯葛，我係其中一個。最初幾年我好唔開心，唔明白點解比人杯葛，只知道自己係全校最不受歡迎既人，老師同學個個都唔鍾意我。我既世界就只有自己。學校旅行我都係自己一個周圍行，冇人會叫我一齊食野或者一齊玩，老師都冇理我，我就有如一個不相干既人。當時既我好冇自信，行路 dup 低頭，個樣唔出聲都好似喊緊 (你話幾唔討人歡心丫)，唔鍾意講野，都有 d 自閉 feel。唔止同學唔鍾意我，連親戚都嫌棄我，有玩有食既活動一概冇我份。你話人生如我，幾咁冇趣哩。當時我只係一個小學生…
小學五年級，我已經響呢種環境生活左五年，呢五年真係好漫長，漫長到我以為我應該要結果。有一日放學後去左爺爺家既天台諗住跳落去，不過當時我太瘦小，唔夠高爬上去，所以死唔去。其實要去死真係需要好大既勇氣，當爬唔上去果一刻，尋死既勇氣即時冇左。隨之而黎既係，我問自己，點解我咁唔受歡迎？連天主都唔要我？ (小學係天主教學校，日日唸天主經，以為天主會要我 tim) 年紀小小已經識得怨天尤人，怨唔公平，怨自己命苦。不過怨下怨下，我就諗，點解人地會咁受歡迎既？於是我就不停思索學校內面受歡迎既同學有咩特質，諗下諗下，我好唔忿氣。我唔忿氣受歡迎果個點解唔係我，於是我死唔去既一刻就同自己講，我要人人都鍾意我！
以上全部係事實，我第一個立下既志向唔係做 d 咩，而係要做一個最受歡迎既人。從天台走下樓梯，我開始學笑，學挺直腰骨行路，學望住別人既眼睛，學所有受人歡迎既人要做既野。六年級畢業，我派唔返原校升中學，最初媽媽擔心我失望，其實我不知幾開心，終於離開折磨左我六年既煉獄，可以重新開始，重新做人。
中學既生活比小學開心好多，因為我可以用一個普通學生既身份結識新朋友，不再好似怪物咁生人勿近。雖然我既人際技巧都未係好叻，不過都叫做有班朋友仔，心情一年比一年開朗。終於我於五年級為自己許下的誓言，響我大學一年級開始實現了。讀大學時既我，絕對係萬千寵愛在一身，有新認識既朋友仲以為我係由細比人寵壞既溫室小女孩，有邊個相信我曾經係一個神憎鬼厭既人？我做到了，我成為最受歡迎的人了。
人生既第一個轉捩點，發生響我十歲，某一天放學既天台。呢一日雖然唔記得係幾月幾日，不過，我好多謝天主，因為我唔夠高死唔去，先至為我既人生上左第一堂寶貴的一課。人生既煉歷不斷出現，不過經過呢一役，我對自己充滿信心，因為我證明左比自己睇，我絕對可以改變命運，只要我意志夠堅定，冇人可以阻撓的。
小學一年級既開課日，小朋友應該係開開心心換上新校服，背上新書包，去一個新環境，認識新朋友，同埋面對迎挑戰。不幸地，我一年級既開課日缺席了，因為我發了三天既高燒，病到迷迷糊糊，第四天終於好轉，終於比別人遲左三日先至接觸新環境。
好記得我第一日返學唔係去課室，因為我都唔知編左去邊一班，所以媽媽同我去左校務處攪清楚手續之後，就比人帶左去一個班房。入到班房，所有人包括老師都用奇異眼光望我，年紀小小既我真係不知所措，老師知道我係呢一班既學生之後，就指我坐埋一二邊。坐好之後，我都唔知老師做緊乜，又唔知上緊咩堂，東張西望想搵個依靠，點知仲比老師鬧我坐唔定。
小息時，全部同學都離開課室，老師喝令我離開課室，我仲以為咁快放學，執埋書包離開左學校。當時我都唔知原來小學有放小息呢回事，又唔知小息要去操場玩，其實基本上都冇人同我玩。好記得當日自己離開學校之後竟然識去外婆家，當時媽媽響外婆家，見我拍門，嚇到佢地要死，即刻帶返我去學校，你話幾笑死人丫。本來呢 d 只係笑話，不過我仲未知道原來呢一日係我六年惡夢既序幕。
同學們見我第一日出現既行徑奇奇怪怪，大家都唔願意同我玩，我諗唔係好多人試過連續六年都比同學杯葛，我係其中一個。最初幾年我好唔開心，唔明白點解比人杯葛，只知道自己係全校最不受歡迎既人，老師同學個個都唔鍾意我。我既世界就只有自己。學校旅行我都係自己一個周圍行，冇人會叫我一齊食野或者一齊玩，老師都冇理我，我就有如一個不相干既人。當時既我好冇自信，行路 dup 低頭，個樣唔出聲都好似喊緊 (你話幾唔討人歡心丫)，唔鍾意講野，都有 d 自閉 feel。唔止同學唔鍾意我，連親戚都嫌棄我，有玩有食既活動一概冇我份。你話人生如我，幾咁冇趣哩。當時我只係一個小學生…
小學五年級，我已經響呢種環境生活左五年，呢五年真係好漫長，漫長到我以為我應該要結果。有一日放學後去左爺爺家既天台諗住跳落去，不過當時我太瘦小，唔夠高爬上去，所以死唔去。其實要去死真係需要好大既勇氣，當爬唔上去果一刻，尋死既勇氣即時冇左。隨之而黎既係，我問自己，點解我咁唔受歡迎？連天主都唔要我？ (小學係天主教學校，日日唸天主經，以為天主會要我 tim) 年紀小小已經識得怨天尤人，怨唔公平，怨自己命苦。不過怨下怨下，我就諗，點解人地會咁受歡迎既？於是我就不停思索學校內面受歡迎既同學有咩特質，諗下諗下，我好唔忿氣。我唔忿氣受歡迎果個點解唔係我，於是我死唔去既一刻就同自己講，我要人人都鍾意我！
以上全部係事實，我第一個立下既志向唔係做 d 咩，而係要做一個最受歡迎既人。從天台走下樓梯，我開始學笑，學挺直腰骨行路，學望住別人既眼睛，學所有受人歡迎既人要做既野。六年級畢業，我派唔返原校升中學，最初媽媽擔心我失望，其實我不知幾開心，終於離開折磨左我六年既煉獄，可以重新開始，重新做人。
中學既生活比小學開心好多，因為我可以用一個普通學生既身份結識新朋友，不再好似怪物咁生人勿近。雖然我既人際技巧都未係好叻，不過都叫做有班朋友仔，心情一年比一年開朗。終於我於五年級為自己許下的誓言，響我大學一年級開始實現了。讀大學時既我，絕對係萬千寵愛在一身，有新認識既朋友仲以為我係由細比人寵壞既溫室小女孩，有邊個相信我曾經係一個神憎鬼厭既人？我做到了，我成為最受歡迎的人了。
人生既第一個轉捩點，發生響我十歲，某一天放學既天台。呢一日雖然唔記得係幾月幾日，不過，我好多謝天主，因為我唔夠高死唔去，先至為我既人生上左第一堂寶貴的一課。人生既煉歷不斷出現，不過經過呢一役，我對自己充滿信心，因為我證明左比自己睇，我絕對可以改變命運，只要我意志夠堅定，冇人可以阻撓的。
2007年7月6日 星期五
淚水的意義
又係尖沙咀例會的日子，例牌地 d 同事又係鴉雀無聲連番悶場，尖沙咀的同事實在太冇反應勒。會議開到下半部，我建議大家輪流企出黎，講下對公司既感受，由最資深果位 S 同事開始。初初佢都唔知講咩好，經我同店長 (我既好拍檔) 引領之下，就開始講左少少野。不過都係 d 表面說話，講左一陣之後，我就趁機開啟左佢既既心扉。
當時我問︰『你響度做野有冇大家庭既感覺？』語畢，S 同事即刻眼濕濕，仲檸轉面喊起上黎。之後有另一位 Y 同事即時企左出黎同大家講︰『之前我做果份工既時間比較耐，所以大家都可以好似一家人咁，可以好 close。可能等我做得耐 d，就可以有大家庭既感覺。』佢一邊講一邊喊，好大感觸既一句說話。呢個時候，喊緊既 S 同事即時檸返轉頭面向我地，接住講︰『其實呢 d 唔係時間既問題。』言下之意，即係佢地唔係因為唔熟絡而有溝通障礙，而係因為其他野。第 3 位K 同事響呢個時候都已經忍唔住喊左出黎，亦都發表左佢既想法︰『之前我做果間公司，人事太複雜，好多是是非非，令人透不過氣，呢度人雖然少，但係唔會有是非杯葛呢 d 問題。我響舊公司比同事杯葛，覺得好難受，明知提早解約要賠錢，都冇辦法留低，呢度既同事都好好，做野都好開心。』
S 同事一邊抹眼淚一邊講︰『其實響呢度，開到單唔係只係為左錢，都好想有人鼓勵下，比下建議我地，有時個腦實哂都唔知同客人講咩好，自己一個又未必諗到咁多，其實公司既訓練真係幫左我好多，好多時我用返你地教既野去同客講都好成功，如果可以多 d 提點同鼓勵，我地會做得更開心。』響呢一刻，雖然佢地全部都喊都個妝溶哂，但係呢一刻佢地既剖白令我覺得佢地好美麗，一種發自內心的美麗。我都好開心佢地肯講出心中既說話，同埋同事肯定我地既工作，當時我既喜悅係難以形容的。做訓練既人，遇到呢一刻最感動。
之後佢地仲互相道歉，因為平日工作上都有少少磨擦，慢慢變成誤會，大家都趁呢個機會向同事致歉，同樣大家都冰釋前嫌，破涕為笑。呢一刻，我感受到佢地開始願意為呢個大家庭貢獻自己，亦感受到佢地開始互相信任同埋接納。我真心希望每一位同事都視同事如家人一樣，只有互助互愛，先至可以真正發揮出團隊精神，同事先至有歸屬感。
會後，老細同我地幾個管理層開會，佢問我地對呢件事有咩睇法。我既睇法係，終於破冰了，溝通源自信任，今日佢地願意坦誠面對，絕對係好開始。眼淚，真的很有意義。
後記︰
尖沙咀既行政同事，見所有同事都哭成淚人，有 d 手足無措，曾示意店長打圓場，好在店長冇咁做。咁難得佢地願意講心底話，冇理由要阻止佢地的。唔係每一間機構都願意花心思去瞭解員工既需要，唔係每一個地方都容得下赤子之心，既然佢地願意信任，我地又何必打住呢？
今日，令我十分難忘。我更愛呢份工，因為我知道同事都需要我。而且我更印證左我既觀察力，佢地唔出聲唔代表冇意見，只係代表佢地唔願意甚至唔敢發表。佢地唔發表唔代表冇事發生，唔開心日積月累只會白白令同事離開而不知所以，如果我地要同事真正同心協力，就要令佢地工作得開心。今日好彩有個機遇比我解到佢地既心結，可以鞏固一下尖沙咀岌岌可危既境況。呢招兵行險著都幾牙煙，好彩我真係冇評估錯誤，否則呢件事唔會有個令人感動的結果。
再補充一句，老板娘會後都唔知點解同事會喊，呢單野先至最 kick 手。
當時我問︰『你響度做野有冇大家庭既感覺？』語畢，S 同事即刻眼濕濕，仲檸轉面喊起上黎。之後有另一位 Y 同事即時企左出黎同大家講︰『之前我做果份工既時間比較耐，所以大家都可以好似一家人咁，可以好 close。可能等我做得耐 d，就可以有大家庭既感覺。』佢一邊講一邊喊，好大感觸既一句說話。呢個時候，喊緊既 S 同事即時檸返轉頭面向我地，接住講︰『其實呢 d 唔係時間既問題。』言下之意，即係佢地唔係因為唔熟絡而有溝通障礙，而係因為其他野。第 3 位K 同事響呢個時候都已經忍唔住喊左出黎，亦都發表左佢既想法︰『之前我做果間公司，人事太複雜，好多是是非非，令人透不過氣，呢度人雖然少，但係唔會有是非杯葛呢 d 問題。我響舊公司比同事杯葛，覺得好難受，明知提早解約要賠錢，都冇辦法留低，呢度既同事都好好，做野都好開心。』
S 同事一邊抹眼淚一邊講︰『其實響呢度，開到單唔係只係為左錢，都好想有人鼓勵下，比下建議我地，有時個腦實哂都唔知同客人講咩好，自己一個又未必諗到咁多，其實公司既訓練真係幫左我好多，好多時我用返你地教既野去同客講都好成功，如果可以多 d 提點同鼓勵，我地會做得更開心。』響呢一刻，雖然佢地全部都喊都個妝溶哂，但係呢一刻佢地既剖白令我覺得佢地好美麗，一種發自內心的美麗。我都好開心佢地肯講出心中既說話，同埋同事肯定我地既工作，當時我既喜悅係難以形容的。做訓練既人，遇到呢一刻最感動。
之後佢地仲互相道歉，因為平日工作上都有少少磨擦，慢慢變成誤會，大家都趁呢個機會向同事致歉，同樣大家都冰釋前嫌，破涕為笑。呢一刻，我感受到佢地開始願意為呢個大家庭貢獻自己，亦感受到佢地開始互相信任同埋接納。我真心希望每一位同事都視同事如家人一樣，只有互助互愛，先至可以真正發揮出團隊精神，同事先至有歸屬感。
會後，老細同我地幾個管理層開會，佢問我地對呢件事有咩睇法。我既睇法係，終於破冰了，溝通源自信任，今日佢地願意坦誠面對，絕對係好開始。眼淚，真的很有意義。
後記︰
尖沙咀既行政同事，見所有同事都哭成淚人，有 d 手足無措，曾示意店長打圓場，好在店長冇咁做。咁難得佢地願意講心底話，冇理由要阻止佢地的。唔係每一間機構都願意花心思去瞭解員工既需要，唔係每一個地方都容得下赤子之心，既然佢地願意信任，我地又何必打住呢？
今日，令我十分難忘。我更愛呢份工，因為我知道同事都需要我。而且我更印證左我既觀察力，佢地唔出聲唔代表冇意見，只係代表佢地唔願意甚至唔敢發表。佢地唔發表唔代表冇事發生，唔開心日積月累只會白白令同事離開而不知所以，如果我地要同事真正同心協力，就要令佢地工作得開心。今日好彩有個機遇比我解到佢地既心結，可以鞏固一下尖沙咀岌岌可危既境況。呢招兵行險著都幾牙煙，好彩我真係冇評估錯誤，否則呢件事唔會有個令人感動的結果。
再補充一句，老板娘會後都唔知點解同事會喊，呢單野先至最 kick 手。
2007年7月5日 星期四
效率的真相
老細係一個思考型既人，九型人格入面既 5 號仔。優點係鍾意理性思考同埋分析，缺點係思考時間太長，導致決策效率太低，惡果就係我要成日開 turbo 去執行佢遲來的決定。都係果句，我地打工既唔可以埋怨老細決策慢，只可以用我地快速既行動去趕及所有 deadline。可能我同呢個老細打工都一段時間，都習慣左開恆 turbo 去做野，以補回佢思考既時間。不過呢樣野並唔係每個同事都可能做到。最近就聽到老細埋怨尖沙咀果位行政同事效率低。
本來性急既我初初都認為果位同事效率麻麻，不過慢慢體會到，唔係人人都頂得順太遲既決策同埋太短既死線。都係我唔好，寵壞左老細，無論佢既決策有幾遲，只要真係唔好 over 左死線，我就一定攪得掂，久而久之，老細就會 take it for granted。果邊位同事返左工都冇一年，可能佢之前既老細唔駛諗咁耐，都仲有足夠時間比佢完成工作，所以唔多慣我地 "急速" 既節奏。而另一方面，佢仲未識得應付呢 d 情況既藝術。係呀，應付呢 d 情況係有藝術 ga。
舉個例，明知單野既死線係 30 號，我會同老細講死線係 25 號，留返 5 日 buffer，有咩事都有時間救 (最常見係老細 last minute 先至決定到)，如果早過死線完成又有 credit，你話幾盞鬼哩。呢 d 招數我常常用，所以老細一定覺得我有效率，因為就算佢好遲先至有決定，我都可以早過死線攪掂，你話幾 fantastic 哩！
打工真係要用腦的，唔係做野要用腦咁簡單，仲要做人方面都要用腦，咁先至命長久嘛。
希望新同事快 d 領會到呢下野啦，我唔方便教佢，因為呢 d 野一教左佢，老細好快就會知道我有呢道板斧，咁佢又會花多 5 日去做決定勒，到時死線就真係要死了。
本來性急既我初初都認為果位同事效率麻麻，不過慢慢體會到，唔係人人都頂得順太遲既決策同埋太短既死線。都係我唔好，寵壞左老細，無論佢既決策有幾遲，只要真係唔好 over 左死線，我就一定攪得掂，久而久之，老細就會 take it for granted。果邊位同事返左工都冇一年，可能佢之前既老細唔駛諗咁耐，都仲有足夠時間比佢完成工作，所以唔多慣我地 "急速" 既節奏。而另一方面，佢仲未識得應付呢 d 情況既藝術。係呀，應付呢 d 情況係有藝術 ga。
舉個例，明知單野既死線係 30 號，我會同老細講死線係 25 號，留返 5 日 buffer，有咩事都有時間救 (最常見係老細 last minute 先至決定到)，如果早過死線完成又有 credit，你話幾盞鬼哩。呢 d 招數我常常用，所以老細一定覺得我有效率，因為就算佢好遲先至有決定，我都可以早過死線攪掂，你話幾 fantastic 哩！
打工真係要用腦的，唔係做野要用腦咁簡單，仲要做人方面都要用腦，咁先至命長久嘛。
希望新同事快 d 領會到呢下野啦，我唔方便教佢，因為呢 d 野一教左佢，老細好快就會知道我有呢道板斧，咁佢又會花多 5 日去做決定勒，到時死線就真係要死了。
公平
做管理既人，好多時都要面對公平既問題。同事會響好多方面評估管理層夠唔夠公平。例如︰薪金、工作時間、工作性質、年資、表揚方式、責罰程度等等一大堆既野。職場本身就唔係一個輕鬆既地方，做管理層既更加唔輕鬆。先唔講責任同埋工作壓力，呢 d 野係人都知做管理既絕對要負更大既責任同埋壓力會比較大。淨係響處理同事間既公平問題都要好小心，尤其我既下屬係全女班，更加唔可以掉以輕心。
首先講下薪酬，其實我地同政府都係一樣，做得耐果班都係千禧年之後入職既，當時既人工大家都知唔會高得去邊。不過當時只要唔駛失業都已經還得神落，僱員根本冇討價還價既條件。而家薪酬全面上漲，最近我地請左位同事資歷稍低既叫價都高過店長，經討價後佢既人工都同資深既同事相若，如果呢單野爆左比同事知都幾地震。本來我地都唔想出咁高人工請新同事的，不過之前請左幾個人，壓左佢價之後，佢都係做唔長，因為佢搵到更有財力既僱主，好快就離我地而去。老細為左人手可以穩定 d，唯有出高少少人工，希望 d 同事唔好玩音樂椅，減輕請人同訓練既成本。至於舊人方面，因為我地係中小企，唔係話加就加，好多野要考慮，謬謬然加人工，好有可能令公司出現赤字，所以要做到同工同酬，相信短期內都幾難。
除左薪酬之外，工時都係另一問題。我地做服務業既，唔可能日日都準時收工，如果有客人仲響店內，都唔可以拉閘走人。往往最多時候需要 OT 做埋 d 客既就係資深美容師，因為佢地做得耐，多捧場客，做唔切就迫住要 OT 做埋 d 客。至於新人，夠鐘放工又冇客做既我地都會放佢地走，唔可能因為少數同事 OT 而要全店員工乾等兼硬蝕 OT 錢，所以形成新同事既工時比舊人短。呢 d 情況已經爆緊鑊，因為舊同事會覺得唔公平，人地可以準時走，佢地就要做夜 d，連僅餘既私人時間都剝削埋。
至於賞罰方面勒，正常係要賞罰分明的。不過有時新同事犯錯並唔一定係佢存心犯錯，有機會係佢不知者不罪，咁我地都唔可能下下見到有人犯錯都丙鑊甘既。之但係舊人犯錯，響某程度上都唔係第一次，於是佢地會比我地丙得甘 d，以佢地既理解，我地就係處事不公。讚揚方面更頭痛，新同事做得好當然要讚，因為要 keep 住佢地鐘意呢間公司，先至可以 keep 住佢地唔走。當然讚既野係有得讚先至讚，冇得讚都唔會夾硬黎。舊人就會覺得我地照顧新人，少左照顧佢地。女人始終都係愛比較的，你讚左某某一次，就必須要搵個機會讚另一位某某一次，如果唔係佢地就會覺得我地大細超，你都咪話唔頭痛。
最致命既係，老細對 2 間店都係大細超，我地做管理既要維護公正嚴明既形象就加倍吃力。老細係唔會責怪尖沙咀店既，佢地做成點都好，有冇數都好，都唔會有任何怨言的。不過我地就要負責跑埋尖沙咀唔夠既數，淨係呢點都好難服眾。大家都係打份工出份糧，點解老板娘間店就可以唔駛卒數，而我地就要比老細卒到命都冇？一句能者多勞係開脫唔到的，大家都有眼見，有感受，並唔係你三言兩語可以改變到不公平既印象的。響我果邊既美容師，平日比我卒都已經夠好受啦，跑左自己條數都仲要比人卒，背後既目的就係要做埋人地條數，雖然佣金照收姐，不過條氣唔順丫嘛。比著我做細果陣，跑夠就收工唱 K，絕對唔會因為其他同事冇數就大義凜然咁幫同事跑埋掛？有錢收都係咁話啦，一個半個月就當挑戰下自己姐，個個月都係咁，你當我係 "凱子" 呀？咁跑法，人都癲啦。
公平響我地公司，真係唔存在的。可惜既係，同事真係希望我地公平。
默哀…
首先講下薪酬，其實我地同政府都係一樣，做得耐果班都係千禧年之後入職既，當時既人工大家都知唔會高得去邊。不過當時只要唔駛失業都已經還得神落，僱員根本冇討價還價既條件。而家薪酬全面上漲，最近我地請左位同事資歷稍低既叫價都高過店長，經討價後佢既人工都同資深既同事相若，如果呢單野爆左比同事知都幾地震。本來我地都唔想出咁高人工請新同事的，不過之前請左幾個人，壓左佢價之後，佢都係做唔長，因為佢搵到更有財力既僱主，好快就離我地而去。老細為左人手可以穩定 d，唯有出高少少人工，希望 d 同事唔好玩音樂椅，減輕請人同訓練既成本。至於舊人方面，因為我地係中小企，唔係話加就加，好多野要考慮，謬謬然加人工，好有可能令公司出現赤字，所以要做到同工同酬，相信短期內都幾難。
除左薪酬之外，工時都係另一問題。我地做服務業既，唔可能日日都準時收工，如果有客人仲響店內，都唔可以拉閘走人。往往最多時候需要 OT 做埋 d 客既就係資深美容師，因為佢地做得耐，多捧場客，做唔切就迫住要 OT 做埋 d 客。至於新人，夠鐘放工又冇客做既我地都會放佢地走，唔可能因為少數同事 OT 而要全店員工乾等兼硬蝕 OT 錢，所以形成新同事既工時比舊人短。呢 d 情況已經爆緊鑊，因為舊同事會覺得唔公平，人地可以準時走，佢地就要做夜 d，連僅餘既私人時間都剝削埋。
至於賞罰方面勒，正常係要賞罰分明的。不過有時新同事犯錯並唔一定係佢存心犯錯，有機會係佢不知者不罪，咁我地都唔可能下下見到有人犯錯都丙鑊甘既。之但係舊人犯錯，響某程度上都唔係第一次，於是佢地會比我地丙得甘 d，以佢地既理解，我地就係處事不公。讚揚方面更頭痛，新同事做得好當然要讚，因為要 keep 住佢地鐘意呢間公司，先至可以 keep 住佢地唔走。當然讚既野係有得讚先至讚，冇得讚都唔會夾硬黎。舊人就會覺得我地照顧新人，少左照顧佢地。女人始終都係愛比較的，你讚左某某一次，就必須要搵個機會讚另一位某某一次，如果唔係佢地就會覺得我地大細超，你都咪話唔頭痛。
最致命既係，老細對 2 間店都係大細超，我地做管理既要維護公正嚴明既形象就加倍吃力。老細係唔會責怪尖沙咀店既，佢地做成點都好，有冇數都好，都唔會有任何怨言的。不過我地就要負責跑埋尖沙咀唔夠既數，淨係呢點都好難服眾。大家都係打份工出份糧，點解老板娘間店就可以唔駛卒數，而我地就要比老細卒到命都冇？一句能者多勞係開脫唔到的，大家都有眼見，有感受，並唔係你三言兩語可以改變到不公平既印象的。響我果邊既美容師，平日比我卒都已經夠好受啦，跑左自己條數都仲要比人卒，背後既目的就係要做埋人地條數，雖然佣金照收姐，不過條氣唔順丫嘛。比著我做細果陣，跑夠就收工唱 K，絕對唔會因為其他同事冇數就大義凜然咁幫同事跑埋掛？有錢收都係咁話啦，一個半個月就當挑戰下自己姐，個個月都係咁，你當我係 "凱子" 呀？咁跑法，人都癲啦。
公平響我地公司，真係唔存在的。可惜既係，同事真係希望我地公平。
默哀…
2007年7月4日 星期三
跑數生涯
已經冇做前線銷售好耐勒，不過跑數既壓力不比做 sales 時少。自己跑數時，有數係自己既功勞，冇數雖然都會比老細丙，不過都係自己受返個苦果，即係一切都係向自己交待 (只要唔比人炒就得勒 XD)。但係管銷售既，有數係同事既功勞，冇數就一定係我領導無方，你話幾精彩哩。
而家管 2 間店，話多唔多，不過都話少唔少。同事跑唔跑數，有時真係唔到你管。跑數既野，都幾自動波，有心有力就會跑，有心冇力就會跑慢 d，冇心既無論有冇力都係冇數的，呢個係做左咁耐銷售既經驗。女仔既優點係細心，不過缺點就係情緒化，呢樣野唔係一句性別岐視可以推搪過去的。事實歸事實，我係女仔都認為女同事係比較情緒化，你唔可以要求佢地日日都有 mood 跑數。
而家雖然係月頭，不過跑數既事都不敢掉以輕心，一個唔覺得就會變左龜兔賽跑入面既兔仔，驕兵必敗嘛。尤其而家老細既 target 越 set 越高，每個月既要求都不斷上升，唔係單靠積極可以解決既狀況，一定要諗下計先至有路行。今日我同店長就度左半日，諗下聽日既例會應該講 d 咩同埋鼓勵 d 同事做咩，萬一月尾條數唔靚仔，我地既責任都唔輕，真係大壓力過自己跑數。不過唔緊要，挑戰自己係我既嗜好，越有難度既野我越鍾意，做到先至顯得我有料到嘛~ 呵呵呵~
而家管 2 間店，話多唔多，不過都話少唔少。同事跑唔跑數，有時真係唔到你管。跑數既野，都幾自動波，有心有力就會跑，有心冇力就會跑慢 d，冇心既無論有冇力都係冇數的，呢個係做左咁耐銷售既經驗。女仔既優點係細心，不過缺點就係情緒化，呢樣野唔係一句性別岐視可以推搪過去的。事實歸事實，我係女仔都認為女同事係比較情緒化，你唔可以要求佢地日日都有 mood 跑數。
而家雖然係月頭，不過跑數既事都不敢掉以輕心，一個唔覺得就會變左龜兔賽跑入面既兔仔，驕兵必敗嘛。尤其而家老細既 target 越 set 越高，每個月既要求都不斷上升，唔係單靠積極可以解決既狀況，一定要諗下計先至有路行。今日我同店長就度左半日，諗下聽日既例會應該講 d 咩同埋鼓勵 d 同事做咩，萬一月尾條數唔靚仔，我地既責任都唔輕，真係大壓力過自己跑數。不過唔緊要，挑戰自己係我既嗜好，越有難度既野我越鍾意，做到先至顯得我有料到嘛~ 呵呵呵~
男女有別
公司內絕大部份係女同事 (美容院嘛)，除左老細之外，就只有尖沙咀既行政係男同事。基本上我睇果間店係全女班，兼且所有人包括店長都係打工既，好多時做起野上黎會比尖沙咀店順暢好多。尖沙咀果邊，店長係老板娘，行政係男士，仲要係響度做左唔夠一年，好多時都唔敢得罪老板娘。有睇賤扑既人都知我地既老板娘唔同一般既老板娘，佢返工唔係為左睇實 d 員工，而係為左有個地方比佢 hea 同埋發下老板娘既威，除此之外，所有佢主理既行政工作都係一團糟。問題就係出響呢個奇特既架構上。
響我果邊，所有公司既指示都必須執行，如果同事有唔依指示做既，會比我同店長 "處理"，即係唔可以亂黎。同埋大家都係女性，唔會有 "憐香惜玉" 既情況，其實都幾地獄。不過同事之間都明白我地係公事公辦，做錯事比我地丙完都唔會有咩反抗情緒，最多都係唔開心一兩日就冇事。久而久之，大家彷彿係一家人咁，有咩事都會有商有量，士氣都幾唔錯 ga，所以條數都幾 ok。
而尖沙咀果邊，好多時老板娘自己做錯野，負責行政既同事又唔敢得罪佢，所以好多手尾要跟。至於同事方面，因為美容師全部都係女仔，作為男同事，有時都唔會好似我地咁丙佢地。當然唔係下下都要丙，不過佢響處理問題時太手軟，導致好多問題越積越大鑊，到爆煲時就一定有人要離開 (都搵替死鬼背黑鑊嘛)，所以果邊既生產力唔穩定同埋經常有人事變動。大家做管理既都知道培育人才並不容易，下下培育到一半就走左，你都咪話唔傷。
今日我又發現左尖沙咀有 call 客既問題，就打左電話去比果邊行政同事，問下佢地既工作情況有咩需要我地幫手解決既。問題就講左一大堆勒，又係例牌推莊比老板娘，話佢辦事不力，冇迫 d 細既做野之類。呢 d 藉口聽到我都悶，我就問佢有冇主動指示 d 同事做野，咁就唔駛比老板娘 kick 住。佢好有苦衷咁講︰『你估我唔想咩？你知啦，一同佢 d 細既講，佢就黑起口面覺得我越權，大家響埋同一個地方返工，費事攪到面阻阻啦。』
我都同老板娘共事過，即係我都響尖沙咀返過工，好清楚佢係咩性格。當然出黎社會做事都要顧下人感受啦，不過當事情辦得唔好，老細係唔會怪責佢老婆 ga，只係會怪責我地辦事不力咋。之前我就唔理老板娘既面口，照 order d 細既做野，做得唔好都係照丙，所以我響尖沙咀果幾個月係唔需要煩行政既野。因為老細唔會因為老板娘黑口黑面就炒左我，但係會因為我辦事不力而影響我飯碗。響平衡利害衝突之後，我唯有做一個乞老板娘憎但係老細會照既員工。職場，始終係龍潭虎穴，有時真係唔到你仁慈。
男士響女性多既工作環境，有時真係唔可以做到我咁絕。因為，男左有風度，唔通可以好兇狠咁對待女同事咩？過到自己既心理關口咩？我諗唔係冇，不過唔響我公司姐。
響我果邊，所有公司既指示都必須執行，如果同事有唔依指示做既，會比我同店長 "處理"，即係唔可以亂黎。同埋大家都係女性，唔會有 "憐香惜玉" 既情況，其實都幾地獄。不過同事之間都明白我地係公事公辦，做錯事比我地丙完都唔會有咩反抗情緒，最多都係唔開心一兩日就冇事。久而久之，大家彷彿係一家人咁，有咩事都會有商有量，士氣都幾唔錯 ga，所以條數都幾 ok。
而尖沙咀果邊，好多時老板娘自己做錯野，負責行政既同事又唔敢得罪佢，所以好多手尾要跟。至於同事方面，因為美容師全部都係女仔，作為男同事，有時都唔會好似我地咁丙佢地。當然唔係下下都要丙，不過佢響處理問題時太手軟，導致好多問題越積越大鑊，到爆煲時就一定有人要離開 (都搵替死鬼背黑鑊嘛)，所以果邊既生產力唔穩定同埋經常有人事變動。大家做管理既都知道培育人才並不容易，下下培育到一半就走左，你都咪話唔傷。
今日我又發現左尖沙咀有 call 客既問題，就打左電話去比果邊行政同事，問下佢地既工作情況有咩需要我地幫手解決既。問題就講左一大堆勒，又係例牌推莊比老板娘，話佢辦事不力，冇迫 d 細既做野之類。呢 d 藉口聽到我都悶，我就問佢有冇主動指示 d 同事做野，咁就唔駛比老板娘 kick 住。佢好有苦衷咁講︰『你估我唔想咩？你知啦，一同佢 d 細既講，佢就黑起口面覺得我越權，大家響埋同一個地方返工，費事攪到面阻阻啦。』
我都同老板娘共事過，即係我都響尖沙咀返過工，好清楚佢係咩性格。當然出黎社會做事都要顧下人感受啦，不過當事情辦得唔好，老細係唔會怪責佢老婆 ga，只係會怪責我地辦事不力咋。之前我就唔理老板娘既面口，照 order d 細既做野，做得唔好都係照丙，所以我響尖沙咀果幾個月係唔需要煩行政既野。因為老細唔會因為老板娘黑口黑面就炒左我，但係會因為我辦事不力而影響我飯碗。響平衡利害衝突之後，我唯有做一個乞老板娘憎但係老細會照既員工。職場，始終係龍潭虎穴，有時真係唔到你仁慈。
男士響女性多既工作環境，有時真係唔可以做到我咁絕。因為，男左有風度，唔通可以好兇狠咁對待女同事咩？過到自己既心理關口咩？我諗唔係冇，不過唔響我公司姐。
2007年7月3日 星期二
傳媒
今日，係極忙碌既一日。首先要埋六月條數，但係一返工就知今日會有報館黎採訪同影相。一聽到呢個消息覺得有D突然。突然既唔係有報館黎採訪，突然既係點解老細會安排響今日姐。全公司上下都知月頭第一個工作天係最最最忙的，因為我要一日之內埋哂2間店既數，你都咪話唔大鑊。本來都習慣左超高速做野勒，不過老細依然係唔理我既死活，都要安排最忙既一日做採訪，都唔知佢想點。
OK，打工既只有完成老細既指令，所以都開哂 TURBO 去攪掂盤數再招呼記者。有樣野都幾不滿既，首先佢地遲到一粒鐘，極不尊重我地既約定，之後一入到黎都幾冇禮貌，又嫌我地細，又嫌我地冇酒店咁靚，令到幫手既同事都幾不滿 (我係最不滿果個)。呢間報社既名聲都唔係太好，估唔到佢地既記者都咁配合佢地報社既形象，都唔明點解老細會簽呢間報社做鱔稿。
大家都係出黎搵食既，不嬲都係鬥笠高帽，都係第一次見D咁冇社交禮儀既人。唔好以為傳媒有支筆大哂，我都有個扑 (雖然讀者冇佢咁多，不過讀者質素一定比佢高)，你可以寫時我都可以。
OK，打工既只有完成老細既指令，所以都開哂 TURBO 去攪掂盤數再招呼記者。有樣野都幾不滿既，首先佢地遲到一粒鐘，極不尊重我地既約定，之後一入到黎都幾冇禮貌，又嫌我地細，又嫌我地冇酒店咁靚，令到幫手既同事都幾不滿 (我係最不滿果個)。呢間報社既名聲都唔係太好，估唔到佢地既記者都咁配合佢地報社既形象，都唔明點解老細會簽呢間報社做鱔稿。
大家都係出黎搵食既，不嬲都係鬥笠高帽，都係第一次見D咁冇社交禮儀既人。唔好以為傳媒有支筆大哂，我都有個扑 (雖然讀者冇佢咁多，不過讀者質素一定比佢高)，你可以寫時我都可以。
訂閱：
文章 (Atom)
