善後工作

尖沙咀既一場小火，影響卻不小。

首先唔單止自己舖頭一地都係水，連樓下幾層都有水，攪到大廈既電梯暫停服務，重新裝修加埋條賠償數都唔知要幾多。雖然有保險公司賠姐，不過都未必可以賠償哂所有 claims，老細有機會要比錢擺平。我地仲係響大廈既頂樓，今日尖沙咀既同事全部要行上頂樓善後呀，諗起都辛苦！

同埋頭見老細 fax 左份 list 黎，唔單止貨物，仲有儀器都有損失，要置過 d 儀器都幾大鑊。仲有，尖沙咀既客人如果可以既話會黎我店，不過好多客人 prefer 取消，呢方面既損失又係另一條數… 計計埋埋都幾大鑊。

雖然我唔需要直接幫手善後，不過間接既善後工作一定唔少得我果份。尖沙咀而家停左產，但係人工租金之類既野都係要比，所以間接善後工作就好明顯要發哂癲咁跑數，如果唔係月尾都唔知點攪。