三十號係埋數日，除左生意盤數要埋之外，同事響呢個月內既功績都係時候要結算一下。響度先講少少美容行業既內部運作先，咁大家先會明白以下既內容。響我地公司既美容師係低底薪高佣金既，即係佢地大部份既收入都係來自佣金。而佣金方面又會分 2 類，一類係銷售佣金，即係 "跑數"，呢部份大家都知係咩不用詳述勒。另一類稱之為工佣，即係美容師每做一項服務都會獲分發佣金，行內稱之為 "跑工"。前文提過美容服務有平有貴，順理成章工佣方面都有高低之分。一間美容院可以提供既服務類別實在太多，所以工佣既計算方式都幾繁複。響去年夏天，為左方便所有人計算工佣，我定出左一 d 簡單準則去計算，仲 list 埋個表比 d 美容師跟住黎抄，等大家月尾埋工佣條數時可以方便 d。
今日 2 間店既店長除左幫同事跑埋最後一日數之外，仲要 check 埋 d 同事既工佣計得岩唔岩 (我地會叫 d 同事自己計左先，方便佢地自己知仲有幾多工要跑，之後由店長 check)，點知尖沙咀果邊今日因為計工佣而發生左小風波。
首先尖沙咀店長 (即係老板娘啦) 打電話黎問其中一項工佣既計算方法，我解釋左比佢知，佢就話以前唔係咁計喎，問我係唔係攪錯左。我就話 check 完之後覆返佢啦。為左確保我覆比老板娘既答案係對既，我翻查左我既紀錄、工佣表、同事既紀錄同埋問埋店長，都係得出同一結論︰我冇攪錯。咁我覆返老板娘啦，佢都仲質疑我既答覆係有問題既，響同我傾完之後就走去問尖沙咀負責行政果位同事勒。果位同事都係回覆佢同一個答案，老板娘覺得非常唔滿意，發哂脾氣咁兇果位同事，之後個同事打電話黎求救，又一單遠水不能救近火啦。咁岩果位同事打電話黎既時候，老細響我呢邊分店，老細得知呢件事之後有 d 氣結。佢氣結既唔係我地激親佢老婆，而係佢老婆做野成日都係咁唔上心，明明個 policy 改左成年，都仲係好似唔知道咁，仲突然發老脾話我地全部人唔岩，你話幾失禮呢。
最後呢單野由我店既店長擺平左，因為佢係老板娘最唔抗拒既員工。其實店長講既野，同我地講既係一模一樣，哈哈哈~ 點到你唔服！
2007年6月30日 星期六
欣喜
幾個月前公司來了一位新美容師，佢黎左香港只有幾年時間，對香港既文化都仲未係好熟悉。而且佢廣東話既表達能力都係一般，初初黎到時佢都遇到好多障礙。例如佢同同事溝通時成日辭不達意，攪出好多誤會，而且佢記性認真麻麻，呢頭講完一陣就唔記得，成日激到性急既店長死死下。仲有，佢唔多習慣我地既經營方式，一般比得起錢既客人我地都會做到最好，而比較平民化價錢既客人我地只會做基本應該要做既野 (都唔係求其做，只係層次上有分別)。而佢呢，太用心對客勒，做客前都唔留意個客比咩價錢，就統統做到最盡，d客梗開心 ga，不過有好多後遺症之嘛。第一︰d客人係唔可以 mark 實邊個美容師做既，所以公司都有規定各種服務既指定動作，方便每一位美容師都知道唔同既客人要點做。如果果位同事太細心幫個平民化價錢既客做，下次輪到其他同事做既時候，其他同事會按公司既指示做，咁個客就覺得我地既服務水平不一，你叫其他同事點向客人交待？第二，美客院既服務由幾十元至千幾元不等，如果客人付出幾十元，得到既服務同比左千幾元既客人係一樣既，咁我點 upgrade d 客人做貴 d 既服務？咁即係倒米，以後 d 貴價 plan 唔駛旨意賣啦。因為以上既情況，同事曾經一度杯葛佢，因為佢做壞哂規矩，令到大家做客同埋 sell 客時都出現阻力。
另外，原本既同事都經過一年以上既銷售特訓，響賣野方面既技巧都提升左唔少，對比起新同事，仲要係新移民，差別實在太大勒，好多時客人再買野時都會選擇資深既同事，所以新同事既生產力一直偏低。
就住以上既情況，我同店長都向佢解釋過做不同既客要留意公司指示，sell 任何野前都要店長幫手，仲要不停重複又重複咁同佢講，因為佢真係好冇記性。不過好在佢都係願意學習同埋都幾勤力，響其他同事賣野時佢都有從旁留意，雖然佢仲有一段路要走，不過精神可嘉。漸漸其他同事見佢都唔係有心攪咁多大頭佛出黎時，對佢既態度都叫做好左少少，起碼冇杯葛佢先丫。
昨日我同店長去左尖沙咀開左大半日會，返到本店時睇到佢開左 2 張單，係響冇同事協助下完成，當時我既喜悅係非筆墨所能形容。佢已經開始掌握到響度工作既竅門勒，黎緊既日子，希望佢可以為自己爭返一口氣。
做訓練既人，最開心莫過於見到學員有突破自己既能力，識得自己扭轉逆境，呢 d 先係響香港生存之道。希望其他土生土長既香港人可以學習一下，唔好成日怨天怨地怨唔公平，命運係掌握響自己手上的。都係果句︰奇蹟係會發生響願意付出的人身上。
另外，原本既同事都經過一年以上既銷售特訓，響賣野方面既技巧都提升左唔少，對比起新同事，仲要係新移民，差別實在太大勒，好多時客人再買野時都會選擇資深既同事，所以新同事既生產力一直偏低。
就住以上既情況，我同店長都向佢解釋過做不同既客要留意公司指示，sell 任何野前都要店長幫手，仲要不停重複又重複咁同佢講，因為佢真係好冇記性。不過好在佢都係願意學習同埋都幾勤力，響其他同事賣野時佢都有從旁留意，雖然佢仲有一段路要走，不過精神可嘉。漸漸其他同事見佢都唔係有心攪咁多大頭佛出黎時，對佢既態度都叫做好左少少，起碼冇杯葛佢先丫。
昨日我同店長去左尖沙咀開左大半日會，返到本店時睇到佢開左 2 張單，係響冇同事協助下完成，當時我既喜悅係非筆墨所能形容。佢已經開始掌握到響度工作既竅門勒，黎緊既日子，希望佢可以為自己爭返一口氣。
做訓練既人，最開心莫過於見到學員有突破自己既能力，識得自己扭轉逆境，呢 d 先係響香港生存之道。希望其他土生土長既香港人可以學習一下，唔好成日怨天怨地怨唔公平，命運係掌握響自己手上的。都係果句︰奇蹟係會發生響願意付出的人身上。
2007年6月29日 星期五
混亂
尖沙咀店而家既情況，只可以用混亂黎形容。老板娘因為要準備考試，三日冇返工，今日去開例會，發現班同事呢排全部都早走，即係未夠鐘放工就打哂卡走人。d 單開到亂哂籠，有幾條數 check 唔返，cash box 既錢同 petty cash book 條數又唔 match，應該係有 d 單收左客 cash，錢就放哂入 cash box，不過冇開單冇記賬，所以變左無頭公案。仲有好多好多野都係九唔搭八，完全冇王管。本來老板娘唔響度，都仲有另一位負責行政既同事，佢有責任睇實班友仔，不過所有問題都係我過黎開會時發現既，咁佢返工時究竟做過 d 咩？實在令人費解。
終於忍唔住問佢點解 d 單攪成咁，佢就推落老板娘頭上，話佢做野求求其其，所以攪成咁。咁佢負責行政既，老板娘唔做並唔係一個藉口，佢都有責任確保所有野都 on track。響我既角度，佢係難辭其咎，但係老細在場都未開口話佢，我都要比返幾分薄面我老細，唔當面出聲住。
正所謂上樑不正下樑歪，自己都唔以身作則做個好榜樣，點管班下屬？佢話人做野求其，但係佢又唔管好 d 野，仲要我地 check 返哂出黎先至知，響我既角度睇，佢自己做野都係好求其。有時真係好唔明，老細唔想同老婆嘈姐，呢個係員工黎既，都唔比壓力佢做好 d。老細淨係識得叫我去尖沙咀睇住，遠水不能救近火呀，要佢坐響度做咩？
終於忍唔住問佢點解 d 單攪成咁，佢就推落老板娘頭上，話佢做野求求其其，所以攪成咁。咁佢負責行政既，老板娘唔做並唔係一個藉口，佢都有責任確保所有野都 on track。響我既角度，佢係難辭其咎，但係老細在場都未開口話佢，我都要比返幾分薄面我老細，唔當面出聲住。
正所謂上樑不正下樑歪，自己都唔以身作則做個好榜樣，點管班下屬？佢話人做野求其，但係佢又唔管好 d 野，仲要我地 check 返哂出黎先至知，響我既角度睇，佢自己做野都係好求其。有時真係好唔明，老細唔想同老婆嘈姐，呢個係員工黎既，都唔比壓力佢做好 d。老細淨係識得叫我去尖沙咀睇住，遠水不能救近火呀，要佢坐響度做咩？
2007年6月28日 星期四
激勵
數數日曆，已經廿八號勒，公司響三十號截數，一眾同事都為自己今個月份糧博哂老命，實在可喜可賀。之不過我呢個魔鬼煉金術師並非浪得虛名的，雖然生意不錯，但係響呢幾日都仲落哂重藥再谷恆 d 士氣，希望我店可以更有成績，令同事搵多 d 錢同埋威返舖，咁就功德無量勒。
2 間店既人口分佈不平衡，我店 fit 馬多，所以大家必須要出準力先至爭到餅仔，而另一間店都幾人才凋零，只有一位同事算係有實力之士，其他人都只係 hea 下等出糧果隻，所以果位同事可以攬哂全店八成既生意，結果係佢條數一支獨秀。公司每個月既營業獎金幾乎個個月都係佢袋哂，不過依我所見，唔係佢特別叻，而係佢既同事特別懶，所以造就左佢生意好似特別好姐。於我店，因為勢均力敵既關係，幾位同事都要加幾倍努力羸哂 d 對手先至有機會袋下獎金。今個月，有位同事特別勇猛，今日單日已經追左一大截數，於是我再落多味藥比佢，鼓勵佢發力跑埋呢幾日，誓要拎返次每月獎金，威比其他人睇，證明佢係堅料黎既。
呢 d 招數唔可以成日用，一定要響合適既時機用，如果唔係會失去效力，變左乾卒，會有反效果的。今日呢個時機出現勒，如果同事受落既，唔單止係佢吐氣揚眉既機會，仲係我店重掌總舵既機會，所以呢一舖一定要變魔術，奇蹟會降臨響願意付出既人身上。
2 間店既人口分佈不平衡，我店 fit 馬多，所以大家必須要出準力先至爭到餅仔，而另一間店都幾人才凋零，只有一位同事算係有實力之士，其他人都只係 hea 下等出糧果隻，所以果位同事可以攬哂全店八成既生意，結果係佢條數一支獨秀。公司每個月既營業獎金幾乎個個月都係佢袋哂，不過依我所見，唔係佢特別叻，而係佢既同事特別懶，所以造就左佢生意好似特別好姐。於我店，因為勢均力敵既關係，幾位同事都要加幾倍努力羸哂 d 對手先至有機會袋下獎金。今個月，有位同事特別勇猛，今日單日已經追左一大截數，於是我再落多味藥比佢，鼓勵佢發力跑埋呢幾日，誓要拎返次每月獎金，威比其他人睇，證明佢係堅料黎既。
呢 d 招數唔可以成日用，一定要響合適既時機用，如果唔係會失去效力，變左乾卒，會有反效果的。今日呢個時機出現勒，如果同事受落既，唔單止係佢吐氣揚眉既機會，仲係我店重掌總舵既機會，所以呢一舖一定要變魔術，奇蹟會降臨響願意付出既人身上。
趕客第二回
昨日提到同設計公司炒左一鑊，今日佢地既另一位同事比左電話我，希望解決事情。不過我完全感覺唔到佢真係想解決事情，而係覺得佢想進一步趕客。
今日佢既談話內容大致係講返當初簽合約時大家既 contact point 唔同，導致有誤會產生，仲話我另一位同事跟得唔好，所以攪出個大頭佛。響談話基礎上，我已經唔多順氣，而家你係要擺平件事丫？定係攪多單野出黎丫？好老實講，呢單野攪到咁，都已經唔係搵條友出黎頂罪就可以解決的，就算係搵，都冇理由搵我方既同事去頂罪掛？你估我會比返同情分你咩？Sorry，剛剛相反，我只會覺得你不負責任姐。
之後又話佢地呢排接多左大 job，佢地一個 order 都等於我地一個月既 amount，咁仲唔係趕客係咩？言下之意即係話我地公司細啦。響呢度我冇法子讓步，國土再細如新加坡，都有自己既主權同埋尊嚴，我地公司雖然細但係都唔需要卑躬屈膝求你幫忙。生意既野，你唔做自然會有人做，我唔需要放棄公司尊嚴而求你幫忙的。
仲有，佢都係堅持要我地加錢先至幫我地影相，仲再三強調咁已經係最好既安排方法。雖然佢講左幾次好想我地繼續合作同埋唔想破壞關係，不過呢d只係表面說話，佢地口口聲聲話唔係關心錢，而係我地既需要，不過事實上真係完全睇唔到佢既誠意。
算啦，關係既野，有時唔係你想建立就有既，尤其而家我更加唔想響"關係"方面著墨，因為要建立關係，係要雙向的。讓步到此為止，之後一切隨緣。
今日佢既談話內容大致係講返當初簽合約時大家既 contact point 唔同，導致有誤會產生，仲話我另一位同事跟得唔好，所以攪出個大頭佛。響談話基礎上，我已經唔多順氣，而家你係要擺平件事丫？定係攪多單野出黎丫？好老實講，呢單野攪到咁，都已經唔係搵條友出黎頂罪就可以解決的，就算係搵，都冇理由搵我方既同事去頂罪掛？你估我會比返同情分你咩？Sorry，剛剛相反，我只會覺得你不負責任姐。
之後又話佢地呢排接多左大 job，佢地一個 order 都等於我地一個月既 amount，咁仲唔係趕客係咩？言下之意即係話我地公司細啦。響呢度我冇法子讓步，國土再細如新加坡，都有自己既主權同埋尊嚴，我地公司雖然細但係都唔需要卑躬屈膝求你幫忙。生意既野，你唔做自然會有人做，我唔需要放棄公司尊嚴而求你幫忙的。
仲有，佢都係堅持要我地加錢先至幫我地影相，仲再三強調咁已經係最好既安排方法。雖然佢講左幾次好想我地繼續合作同埋唔想破壞關係，不過呢d只係表面說話，佢地口口聲聲話唔係關心錢，而係我地既需要，不過事實上真係完全睇唔到佢既誠意。
算啦，關係既野，有時唔係你想建立就有既，尤其而家我更加唔想響"關係"方面著墨，因為要建立關係，係要雙向的。讓步到此為止，之後一切隨緣。
考眼光第二回
新同事第一日返工就開左張單，老細對呢位同事表示滿意，咁都好d，唔駛向我"追究責任"，哈哈哈~~ 老細仲打算安排多d重任比佢，不過基於佢係非常新既關係，都唔知佢會唔會做得長，所以我都係建議觀察下先，到佢多d工作上到手先至交托重任比佢都唔遲。
仲有，昨天我預言過佢會同d同事有磨擦，呢樣都應驗埋勒。真係風水佬呃你十年八年，我睇人都真係幾準的。之不過磨擦既主角並唔係同事，而係店長。 XDDD 今日店長吩咐佢做一個 facial，呢個 facial 雖然唔係佢最擅長，不過都唔算困難，正常比少少心機都可以完成到既。點知果位同事竟然話佢唔多熟做 facial 所以拒絕左，店長當然係唔高興啦。咁都未夠，到下午有空檔時，我同店長搵左呢位同事問下佢既工作狀況，習唔習慣之類，佢呢頭話OK，果頭又話唔想做咁多纖體，想做多d facial，呢下野先至真係辣著店長。之後又問我地比唔比佢食煙，做美容師當然唔可以響返工時間食煙啦，隻手成唚煙味，趕客咩！仲有員工守則都寫明唔可以食煙的，你叫我地點批准？之後仲有，呢排月尾追數，連續幾晚都OT，佢似乎又有D微言。總之協調問題一大堆啦。店長份人平時都冇乜野，不過最唔鍾意員工響工作上諸多推搪，響規則上諸多要求既人姐。呢點我好理解，因為我都係咁… XD
有數既人不嬲都係咁 ga 勒，總係認為自己有某些特權。真係唔好彩，我係絕對唔容許呢 d 事情發生既。要做一個好既管理，最基本係要處事公平，你講既說話先至有人聽，如果唔係就只會換黎陽奉陰違。要處理呢單野，就要立即開始教育工作，令佢適應呢度既工作環境同埋規矩，咁佢先至會做得長。
仲有，昨天我預言過佢會同d同事有磨擦，呢樣都應驗埋勒。真係風水佬呃你十年八年，我睇人都真係幾準的。之不過磨擦既主角並唔係同事，而係店長。 XDDD 今日店長吩咐佢做一個 facial，呢個 facial 雖然唔係佢最擅長，不過都唔算困難，正常比少少心機都可以完成到既。點知果位同事竟然話佢唔多熟做 facial 所以拒絕左，店長當然係唔高興啦。咁都未夠，到下午有空檔時，我同店長搵左呢位同事問下佢既工作狀況，習唔習慣之類，佢呢頭話OK，果頭又話唔想做咁多纖體，想做多d facial，呢下野先至真係辣著店長。之後又問我地比唔比佢食煙，做美容師當然唔可以響返工時間食煙啦，隻手成唚煙味，趕客咩！仲有員工守則都寫明唔可以食煙的，你叫我地點批准？之後仲有，呢排月尾追數，連續幾晚都OT，佢似乎又有D微言。總之協調問題一大堆啦。店長份人平時都冇乜野，不過最唔鍾意員工響工作上諸多推搪，響規則上諸多要求既人姐。呢點我好理解，因為我都係咁… XD
有數既人不嬲都係咁 ga 勒，總係認為自己有某些特權。真係唔好彩，我係絕對唔容許呢 d 事情發生既。要做一個好既管理，最基本係要處事公平，你講既說話先至有人聽，如果唔係就只會換黎陽奉陰違。要處理呢單野，就要立即開始教育工作，令佢適應呢度既工作環境同埋規矩，咁佢先至會做得長。
2007年6月27日 星期三
考眼光
今日有位新同事返工，呢個同事既見工歷程比較特別，就係店長冇參與試手勢既環節，全部係我一手包辦的。同老細傾呢個 candidiate 時，我比既意見係︰『佢做 facial ok 啦，纖體叻 d，不過佢最強既應該係 sell 野，響我地而家最需要刀手既時候，佢都係一個合適既人選。』佢既要求人工都幾高，高過哂我地既資深同事，老細都有 d 猶豫。之後就叫左另一個同事同佢 2nd in，見完之後同事就話佢完全唔似刀手，即係間接地質疑我既判斷能力。雖然我唔敢講我既判斷一定對，不過 "完全唔似" 就好似偏差太遠勒。老細諗左一陣之後，就 show 我 hand，話我地可以用一個偏高既人工比佢 (不過都唔係公司入面最高，係個 candidate expect 既八成左右)，不過如果佢既表現不理想就唯我事問咁話喎。點唯我事問呀？炒左我定係要我補返錢呀？anyway，呢句都應該係表達佢重視我既判斷姐。
佢今日返工唔多講野，只係按照店長既指示做。店長響下午同我講，話佢做 facial 應該唔係好得，我話一早講左佢最叻唔係做 facial，係跑數，佢都不置可否，不過明顯係唔多相信啦。哈哈哈~~ 讀人既野，我對自己真係好有信心的，佢今日即刻開左張單，銀碼雖然唔係頂級果隻，不過都係中上水平勒。以一個新同事黎講，我比滿分勒。比滿分佢既原因係佢夠膽色，將一個本來唔太貴既服務賣左個好價錢，客人仲讚佢 tim，比錢比得好開心果隻。我一路以黎既訓練，就係要強調呢點，d 客人要比錢比得好開心，仲要有返咁上下銀碼既單，仲唔滿分？
考眼力既第一回我 win 左，我深信，好戲在後頭。
仲有，唔爭在預言埋勒，佢會同某 d 同事有磨擦，因為佢為人比較霸，礙於今日第一日返工，所以未表露出黎姐，唔駛好耐，呢 d 情況就會出現勒。不過唔緊要，做美容既，全公司都係女人，是是非非呢 d 野本來就好平常，所以呢個並唔係咩問題，handle 到的。
佢今日返工唔多講野，只係按照店長既指示做。店長響下午同我講，話佢做 facial 應該唔係好得，我話一早講左佢最叻唔係做 facial，係跑數，佢都不置可否，不過明顯係唔多相信啦。哈哈哈~~ 讀人既野，我對自己真係好有信心的，佢今日即刻開左張單，銀碼雖然唔係頂級果隻，不過都係中上水平勒。以一個新同事黎講，我比滿分勒。比滿分佢既原因係佢夠膽色，將一個本來唔太貴既服務賣左個好價錢，客人仲讚佢 tim，比錢比得好開心果隻。我一路以黎既訓練，就係要強調呢點，d 客人要比錢比得好開心，仲要有返咁上下銀碼既單，仲唔滿分？
考眼力既第一回我 win 左，我深信，好戲在後頭。
仲有，唔爭在預言埋勒，佢會同某 d 同事有磨擦，因為佢為人比較霸，礙於今日第一日返工，所以未表露出黎姐，唔駛好耐，呢 d 情況就會出現勒。不過唔緊要，做美容既，全公司都係女人，是是非非呢 d 野本來就好平常，所以呢個並唔係咩問題，handle 到的。
趕客
今日同我地合作左一年既設計公司炒左一鑊，好大可能影響我地繼續合作既基礎。事緣我地上個月傾續約既事，佢地不斷話今年既成本上漲同埋佢地接左好多大客，價錢方面需要調整同埋可能冇時間同我地做。佢仲不斷講我地應該撥多幾倍 budget 做 marketing，言下之意係嫌我地比得錢少。到呢度，我已經覺得唔多 like，我地公司雖然係細公司，不過我地衰衰地都叫做係客丫，有乜可能同我地講我地比唔起錢同埋唔夠人地大姐，咁即係點？本來續約呢單野都應該係告吹勒，佢又返轉頭同我地傾條件，話價錢方面有商量，大家可以再傾。咁佢就 "皇恩浩蕩" 咁比個 special price 我，希望我地可以繼續合作。於是佢地比左 2 個 quote 我地，想我地 2 選 1，當中佢地仲應承幫我地做 product photo shoot，幫助我地推產品。響呢個時候，老細都覺得我地黎緊呢一年都要做多 d 產品推廣，同埋佢新報既價錢都 OK，所以我地因應我地既需要，選左平 d 既 plan。之後大家都簽好哂合約，正式啟動今年既工作勒。
昨日，我 send 左份 draft 比設計公司果邊，希望佢地幫我整一個 ad，仲要影埋產品相，點知佢反口話我地個 plan 係唔包影相的。唔係掛？當初就係因為佢肯幫我地影相，我地先至重新考慮續約既問題，而家簽左約就唔肯影？冇理由掛？之後佢話份約冇包影相喎，乜你冇睇清楚先至簽咩？ (約唔係我簽的，之後問返老細先至知真係冇呢個 term) 簽約既野，我承認公司響處理呢方面係有疏忽，不過佢地蓄意將傾好左既條件不列入合約之內，居心何在？
仲未完，佢仲夠膽搬返 D 陳腔濫調出黎，話我地比唔起錢，佢又接左好多大客，之後唔會再做 SME 既生意，又話我地 join 個平既 plan 係唔包影相的。佢仲話我地攞著數攞得盡，做野唔好咁 tricky，好似我地唔岩咁。聽到我火到黎，一路以黎我地簽約既基石原來係一個騙局！蓄意唔列入呢點，唔知邊個 tricky 呢？
雖然我真係好興，不過本住解決事情既心態，我都問佢而家單野點解決先？佢話都可以解決既，就係報返個價比我地影相 lor。唔係下化？呢 d 唔係叫解決辦法，係趁火打劫呀！傾到呢度都冇野可傾，大家冇可能達成共識，佢話既然大家有信任既問題，可以 terminate 左張約佢。
好老實講，我地要換設計公司實在太易勒，已經有幾間 stand by 等我地答應，而家佢咁樣即係明趕客，嫌我單生意細，故意搵件事黎炒一鑊，之後各不相干。OK，我地雖然係細公司，不過我地比得出黎既都係真金白銀，從不拖數，亦好尊重佢既死線，換黎既係一種侮辱，好興！
換設計公司就梗 ga 勒，呢單野比我學識左幾樣野︰
昨日，我 send 左份 draft 比設計公司果邊，希望佢地幫我整一個 ad，仲要影埋產品相，點知佢反口話我地個 plan 係唔包影相的。唔係掛？當初就係因為佢肯幫我地影相，我地先至重新考慮續約既問題，而家簽左約就唔肯影？冇理由掛？之後佢話份約冇包影相喎，乜你冇睇清楚先至簽咩？ (約唔係我簽的，之後問返老細先至知真係冇呢個 term) 簽約既野，我承認公司響處理呢方面係有疏忽，不過佢地蓄意將傾好左既條件不列入合約之內，居心何在？
仲未完，佢仲夠膽搬返 D 陳腔濫調出黎，話我地比唔起錢，佢又接左好多大客，之後唔會再做 SME 既生意，又話我地 join 個平既 plan 係唔包影相的。佢仲話我地攞著數攞得盡，做野唔好咁 tricky，好似我地唔岩咁。聽到我火到黎，一路以黎我地簽約既基石原來係一個騙局！蓄意唔列入呢點，唔知邊個 tricky 呢？
雖然我真係好興，不過本住解決事情既心態，我都問佢而家單野點解決先？佢話都可以解決既，就係報返個價比我地影相 lor。唔係下化？呢 d 唔係叫解決辦法，係趁火打劫呀！傾到呢度都冇野可傾，大家冇可能達成共識，佢話既然大家有信任既問題，可以 terminate 左張約佢。
好老實講，我地要換設計公司實在太易勒，已經有幾間 stand by 等我地答應，而家佢咁樣即係明趕客，嫌我單生意細，故意搵件事黎炒一鑊，之後各不相干。OK，我地雖然係細公司，不過我地比得出黎既都係真金白銀，從不拖數，亦好尊重佢既死線，換黎既係一種侮辱，好興！
換設計公司就梗 ga 勒，呢單野比我學識左幾樣野︰
- 就算份約唔係我簽都要跟返，起碼老細簽之前係保持儘量安全合理
- 我唔會再比任何單一公司縛住我地既計劃，之前我地真係冇咁多錢，先至侷住簽死一間，而家我地會搵起碼 2 間去做，有良性競爭之餘我地仲可以確保唔會比一間公司撬起哂我地既 plan
- 中小企都唔係好蝦既，我唔再容許任何人以我地既規模黎侮辱我地比唔起錢
客人無論大好細好，都叫做係客丫，就算你要趕客，都可以用一個好 d 既方法丫。既然佢唔想做我地生意，就請唔好比個 tricky 既 quote 我，咁樣，只會影響佢既商譽。
性格
近幾年，我對性格學產生左濃厚既興趣，所以不斷去睇有關書，同埋去上下有關既 course。自知資質魯鈍，都不敢班門弄斧，不過都有少少心得想分享一下。
性格係天生既，呢點係不容置疑。性格係 d 咩呢？係人面對外界作出反應既模式。性格係改變唔到既，大家眼見既改變只因為受左教育、經驗影響、人生煉歷等等既因素影響左表現方式，但係核心係唔會變既。舉個例，一個事事嚴謹既人唔會真正識識得鬆弛，佢既內心都會嚴謹的。瞭解一個人既性格，可以改善相處、溝通、鼓勵、合作、兩性關係、工作關係等等既一大堆問題。所以我就好有興趣學勒，有用丫嘛。 XD
性格學有好多學說，我才疏學淺，只係認識左幾樣。以行為模式而作粗略分類既有 DISC，只靠表面行為而初步判斷性格類型。不過世上幾十憶人，又點會只有 4 種丫。另一種係天主教流傳已久既九型人格。九型人格係係以探討動機為核心，所以單憑行為係判斷唔到類型的。要判斷，就要透過大量既印證先至可以做到。而另一種就係 MBTI，呢種係分 16 個類別的，比九型仲難正確掌握。MBTI 可以由內至外咁分類，我都仲未熟讀呢 16 類哩。
性格學既學問其實係好精確同實用的，要掌握當中既學問，我仲有排修煉。響進行銷售訓練時，我都會引入最基本既 DISC 做教材。因為 DISC 只有 4 個分類，同事易於學習，同埋響銷售時，你根本冇時間去探討人地既核心，唯有搵 D 以表面證供就可以歸類既方案啦。呢 D 易學又易用丫嘛~
唔知呢度有冇朋友都係研究性格學呢？如果有既，請留返片言隻字比我，讓我有機會向大家學習下丫。
性格係天生既，呢點係不容置疑。性格係 d 咩呢？係人面對外界作出反應既模式。性格係改變唔到既，大家眼見既改變只因為受左教育、經驗影響、人生煉歷等等既因素影響左表現方式，但係核心係唔會變既。舉個例，一個事事嚴謹既人唔會真正識識得鬆弛，佢既內心都會嚴謹的。瞭解一個人既性格，可以改善相處、溝通、鼓勵、合作、兩性關係、工作關係等等既一大堆問題。所以我就好有興趣學勒，有用丫嘛。 XD
性格學有好多學說，我才疏學淺，只係認識左幾樣。以行為模式而作粗略分類既有 DISC，只靠表面行為而初步判斷性格類型。不過世上幾十憶人，又點會只有 4 種丫。另一種係天主教流傳已久既九型人格。九型人格係係以探討動機為核心，所以單憑行為係判斷唔到類型的。要判斷，就要透過大量既印證先至可以做到。而另一種就係 MBTI，呢種係分 16 個類別的，比九型仲難正確掌握。MBTI 可以由內至外咁分類，我都仲未熟讀呢 16 類哩。
性格學既學問其實係好精確同實用的，要掌握當中既學問，我仲有排修煉。響進行銷售訓練時，我都會引入最基本既 DISC 做教材。因為 DISC 只有 4 個分類，同事易於學習，同埋響銷售時，你根本冇時間去探討人地既核心，唯有搵 D 以表面證供就可以歸類既方案啦。呢 D 易學又易用丫嘛~
唔知呢度有冇朋友都係研究性格學呢？如果有既，請留返片言隻字比我，讓我有機會向大家學習下丫。
2007年6月26日 星期二
鍥而不捨
鍥而不捨係我地公司最近既最 hit 名詞，常用於鼓勵同事響面對刁鑽既客人時，都要保持鍥而不捨既心態，唔好害怕客人既刁難，一定要開到單為止。又或者係面對舊客戶，要佢不停繼續消費時，唔好理會客人既 "合理推搪"，都要以鍥而不捨既心態去完成交易。
最初，我要推行 "鍥而不捨" 既精神都遇到好多阻力，因為同事對於挑戰都係抱消極態度，認為冇必要下下都要咁鍥而不捨。原來，第一個需要鍥而不捨既人係我。本住擒賊先擒王既心態，我要先說服店長，要佢都有鍥而不捨既心態，佢先至可以帶動到同事有同樣既精神。事情都進展得好合理，我坐鎮果間店既店長當然冇問題啦，店長都係一個喜歡表現能力既人，所以佢以身作則，響同事面前攪掂多個刁鑽客人，令同事相信，繼而實行，所以我睇既果間店響好短時間之內就收復左月初既失地。而由老板娘睇既果間店，佢依然係采我都傻，所以生意都冇咩起色。
鍥而不捨既精神，代表永不放棄，所以我同本店既店長，亦都出力去埋老板娘間店度教育佢地班同事，仲示範如果攪掂刁鑽客人，令果邊既同事見到如何處理呢 d 客人。我地既做法，冇錯係令佢地出現左小陽春，我地走左之後，一切回復平靜。店長始終係火車頭，你行得快，d同事都冇得行得慢。你唔行，成架車都會停。停左都唔係問題，撻返著未得 lor。不過老細同我地傾過，認為我地既行為係比左壓力果邊既同事，不過佢地冇生意，老細又會怪罪於我地，我地可以點呢？
好，既然已經豁左出去，就繼續鍥而不捨，我地唔理老細既 "勸喻"，已經計劃左再教育果邊既同事。因為我地好明白老細之所以咁講，係佢老婆唔鍾意我地去踩佢個場，不過我地去 "踩場" 既目的，並不是要逞強，係要救亡。希望到埋數既一日，老細會明白啦。
最初，我要推行 "鍥而不捨" 既精神都遇到好多阻力，因為同事對於挑戰都係抱消極態度，認為冇必要下下都要咁鍥而不捨。原來，第一個需要鍥而不捨既人係我。本住擒賊先擒王既心態，我要先說服店長，要佢都有鍥而不捨既心態，佢先至可以帶動到同事有同樣既精神。事情都進展得好合理，我坐鎮果間店既店長當然冇問題啦，店長都係一個喜歡表現能力既人，所以佢以身作則，響同事面前攪掂多個刁鑽客人，令同事相信，繼而實行，所以我睇既果間店響好短時間之內就收復左月初既失地。而由老板娘睇既果間店，佢依然係采我都傻，所以生意都冇咩起色。
鍥而不捨既精神，代表永不放棄，所以我同本店既店長，亦都出力去埋老板娘間店度教育佢地班同事，仲示範如果攪掂刁鑽客人，令果邊既同事見到如何處理呢 d 客人。我地既做法，冇錯係令佢地出現左小陽春，我地走左之後，一切回復平靜。店長始終係火車頭，你行得快，d同事都冇得行得慢。你唔行，成架車都會停。停左都唔係問題，撻返著未得 lor。不過老細同我地傾過，認為我地既行為係比左壓力果邊既同事，不過佢地冇生意，老細又會怪罪於我地，我地可以點呢？
好，既然已經豁左出去，就繼續鍥而不捨，我地唔理老細既 "勸喻"，已經計劃左再教育果邊既同事。因為我地好明白老細之所以咁講，係佢老婆唔鍾意我地去踩佢個場，不過我地去 "踩場" 既目的，並不是要逞強，係要救亡。希望到埋數既一日，老細會明白啦。
取悅別人 - 舊文重溫 (寫於2006年6月26日)
時常有人話我講野好串，不留情面，一句到尾就篤人死穴，唔係一個平易近人既人。最近連老細都話我唔好對 d 員工咁苛刻，唔駛下下講中佢地既死位既。我問老細，你想要咩結果？一係要一班好開心既員工，不過千其唔好問我生意既野，開心既日子好易過，d 客唔開單係唔需要用方法迫的。一係要有多 d 生意，不過代價就係要有人事上既磨擦，皆因呢個社會真係有競爭先至有進步。
記得響 5 月時，有個新同事都幾霸，成日踩其他同事唔掂，到最後，被踩得最勁果個破哂開店以黎既個人生意紀錄，仲係史無前例咁 hit 到最高果條 commission bar。響我既角度，呢單野就梗係有損人和，不過老細月尾埋數時應該都幾歡欣。出黎打工做生意既野，求財姐，要交朋結友既唔該放左工先啦。
昨日老細又問我點先至可以令生意更多，我話方法梗有 ga，不過你怕痛唔敢做之嘛。佢話我講野玄，我話呢 d 唔係玄，係你唔肯面對現實姐。(其實我篤老細既死穴都唔留手… XDD)
社會中識得取悅別人既人總係比較受歡迎，初出茅廬既我都喜歡以取悅別人既方式黎得到大家既認同同埋建立人際關係。初時都覺得幾開心，周圍既人都好喜歡我呢個朋友，不過久而久之，當你發現朋友有改善既必要時，就唔知點幫佢。同佢講有地方要改善咩，佢會覺得不悅，如果朋友唔開心我就覺得自己既人際關係會破裂。呢個錯誤既觀念一直纏繞住我，直至我比身邊既好友直斥不是既時候先至醒覺。朋友係對我好先至鬧我，唔怕我唔開心，只怕我行差踏錯。佢不單止改變左我一 d 做人既方向，仲改變左我對朋友既態度。就係唔會為求得到朋友既 "認同" 而取悅朋友，反而會為左令佢更進步而 "一語中的" 咁指出佢既不是，係朋友既係唔會嬲我的。如果真係嬲我既，我亦唔會介意，因為心底覺得我話你係袋錢落你袋，你唔要既未算數 lor。
漸漸呢種態度蔓延到我既工作崗位上，要做好一件事，唔係 "開心" 就得既，明知行錯路就一定要 d 同事行返岩果條路，忠言一定逆耳，良藥往往都是苦的。不過唔緊要，好多時比我 "gut" 完既人響冷靜落黎既時候都會明白我既原意並不是要逞強，而係要為佢好。如果佢真係唔明既，只怪佢慧根有限了。
記得響 5 月時，有個新同事都幾霸，成日踩其他同事唔掂，到最後，被踩得最勁果個破哂開店以黎既個人生意紀錄，仲係史無前例咁 hit 到最高果條 commission bar。響我既角度，呢單野就梗係有損人和，不過老細月尾埋數時應該都幾歡欣。出黎打工做生意既野，求財姐，要交朋結友既唔該放左工先啦。
昨日老細又問我點先至可以令生意更多，我話方法梗有 ga，不過你怕痛唔敢做之嘛。佢話我講野玄，我話呢 d 唔係玄，係你唔肯面對現實姐。(其實我篤老細既死穴都唔留手… XDD)
社會中識得取悅別人既人總係比較受歡迎，初出茅廬既我都喜歡以取悅別人既方式黎得到大家既認同同埋建立人際關係。初時都覺得幾開心，周圍既人都好喜歡我呢個朋友，不過久而久之，當你發現朋友有改善既必要時，就唔知點幫佢。同佢講有地方要改善咩，佢會覺得不悅，如果朋友唔開心我就覺得自己既人際關係會破裂。呢個錯誤既觀念一直纏繞住我，直至我比身邊既好友直斥不是既時候先至醒覺。朋友係對我好先至鬧我，唔怕我唔開心，只怕我行差踏錯。佢不單止改變左我一 d 做人既方向，仲改變左我對朋友既態度。就係唔會為求得到朋友既 "認同" 而取悅朋友，反而會為左令佢更進步而 "一語中的" 咁指出佢既不是，係朋友既係唔會嬲我的。如果真係嬲我既，我亦唔會介意，因為心底覺得我話你係袋錢落你袋，你唔要既未算數 lor。
漸漸呢種態度蔓延到我既工作崗位上，要做好一件事，唔係 "開心" 就得既，明知行錯路就一定要 d 同事行返岩果條路，忠言一定逆耳，良藥往往都是苦的。不過唔緊要，好多時比我 "gut" 完既人響冷靜落黎既時候都會明白我既原意並不是要逞強，而係要為佢好。如果佢真係唔明既，只怪佢慧根有限了。
銷售工作壓力 - 舊文重溫 (寫於2006年6月2日)
新既一個月，公司條數又要歸零從頭跑過。做 sales 本身已經係辛苦，再加上每月追 target，彷彿冇休息既時候，有時 sales 會因為呢 d 工作壓力而放棄。
做左咁多年 sales，起起跌跌咩都試過。試過做 top sales，破公司紀錄；又試過連續幾個月食旦，深明做 sales 既道理就係要夠堅毅。而家 train 緊 2 條 sales team，中間所需既堅毅係比自己跑數大好多。要令 "花無百日紅" 既銷售行業變成 "細水長流" 既收入進賬，並唔係單懣積極心態就可以解決。
同事們由唔妥我至到多謝我，我想當中我所付出既心血應該冇白費。昨日有一位長期冇數既同事一開就開左張大單，見到佢開心錯愕既眼神，令我諗起自己初出茅廬時開第一張單既感覺。那種興奮、患得患失、吐氣揚眉、鬆一口氣… 種種複雜既心情一湧而至，久久不能平復。不過我亦明白下一個挑戰就係要幫助呢位同事渡過下一個難關，因為佢響短期內都唔會成日開到大單，到時就會有莫明既失落感。
做 sales training 唔係卒數咁簡單，仲要照顧埋同事響每一個階段既心理狀況，先至可以令佢地做得有安全感，唔會覺得冇數就比公司怪責，增加無謂既心理壓力。
做左咁多年 sales，起起跌跌咩都試過。試過做 top sales，破公司紀錄；又試過連續幾個月食旦，深明做 sales 既道理就係要夠堅毅。而家 train 緊 2 條 sales team，中間所需既堅毅係比自己跑數大好多。要令 "花無百日紅" 既銷售行業變成 "細水長流" 既收入進賬，並唔係單懣積極心態就可以解決。
同事們由唔妥我至到多謝我，我想當中我所付出既心血應該冇白費。昨日有一位長期冇數既同事一開就開左張大單，見到佢開心錯愕既眼神，令我諗起自己初出茅廬時開第一張單既感覺。那種興奮、患得患失、吐氣揚眉、鬆一口氣… 種種複雜既心情一湧而至，久久不能平復。不過我亦明白下一個挑戰就係要幫助呢位同事渡過下一個難關，因為佢響短期內都唔會成日開到大單，到時就會有莫明既失落感。
做 sales training 唔係卒數咁簡單，仲要照顧埋同事響每一個階段既心理狀況，先至可以令佢地做得有安全感，唔會覺得冇數就比公司怪責，增加無謂既心理壓力。
技倆 - 舊文重溫 (寫於2006年6月10日)
技倆和技術有分別嗎？唔知大家覺得有冇分別，不過我覺得 2 者無論響心態上同埋層次上都有唔同。
先講技倆丫。我覺得技倆 2 字代表了為求達到目的而做既一些事情或講既一些說話。心態上感覺唔多正派，有心術不正之嫌。而技術哩，就係一種能力，層次比較深入同埋感覺上技術係中性的，無偏向正或邪。
有太多人響商業社會上生存，憑既係技倆，並非技術。可能佢地響一時三刻達到某一 d 目的，又或是得到某一 d 甜頭，不過技倆只可以用響心理層次不夠高既人身上。換轉一 d 心理層次較高 (俗稱 "心水清")，對於技倆不但會無動於衷，而且會對使用技倆既人多加留神，因為唔係人人都可以抵擋技倆既誘惑。
技倆可以係甜言蜜語，可以係刻意奉承，可以係踩低別人抬高自己，可以係好多好多包了糖衣的慢性毒藥，受落時好過癮，到毒性發作時就返唔到轉頭了。
做左管理一段時間，聽得最多既係下屬既甜言蜜語，食飯時有下屬關照叫下外賣，買埋生果甜品任君選擇… 不過呢 d 糖衣好薄，好快就見到毒藥了。呢頭請你食野，以為我的心已被佢攻佔時，就會乘機說其他同事既不是… 哈哈哈~~ 呢 d 就係技倆，不入流之餘，仲加強左我對佢既戒心，更加留意佢既工作… 唔係個個老頂都愛擦鞋的。
先講技倆丫。我覺得技倆 2 字代表了為求達到目的而做既一些事情或講既一些說話。心態上感覺唔多正派，有心術不正之嫌。而技術哩，就係一種能力，層次比較深入同埋感覺上技術係中性的，無偏向正或邪。
有太多人響商業社會上生存，憑既係技倆，並非技術。可能佢地響一時三刻達到某一 d 目的，又或是得到某一 d 甜頭，不過技倆只可以用響心理層次不夠高既人身上。換轉一 d 心理層次較高 (俗稱 "心水清")，對於技倆不但會無動於衷，而且會對使用技倆既人多加留神，因為唔係人人都可以抵擋技倆既誘惑。
技倆可以係甜言蜜語，可以係刻意奉承，可以係踩低別人抬高自己，可以係好多好多包了糖衣的慢性毒藥，受落時好過癮，到毒性發作時就返唔到轉頭了。
做左管理一段時間，聽得最多既係下屬既甜言蜜語，食飯時有下屬關照叫下外賣，買埋生果甜品任君選擇… 不過呢 d 糖衣好薄，好快就見到毒藥了。呢頭請你食野，以為我的心已被佢攻佔時，就會乘機說其他同事既不是… 哈哈哈~~ 呢 d 就係技倆，不入流之餘，仲加強左我對佢既戒心，更加留意佢既工作… 唔係個個老頂都愛擦鞋的。
Drilling - 舊文重溫 (寫於2006年6月10日)
Drilling 響銷售行業即係模擬銷售訓練。好多以服務為主既行業都流行以呢 d 方式去訓練前線銷售人員。加入左美容院既員工訓練行列之後，我都大力推動呢種訓練方式。
響訓練既其間，不但可以瞭解多 d 佢地日常 sell course 時會點 sell，仲可以瞭解多 d 美容行業既運作。而家先至明白，點解有咁多客人投訴美容院 hard sell，因為佢地既銷售模式仲係停留響 "講價" 同埋威嚇既階段。呢 d 都係 d 過時同埋冇效既方式，試問有邊個消費者會鐘意比人迫 ga？而家做銷售要成功同埋長久，一定要個客心甘命抵咁比錢出黎，仲要佢覺得物超所值先至得嘛。
我引入左好多銷售既心態同埋方法比佢地，例如瞭解客人心態、發掘客人既心底話 / 底線、定目標、定實踐計劃之類… 仲有如何發問、如何同客人溝通、如何令客人信服之類… 不過響推行既過程真係有好大既挑戰。最有趣既係，當我教佢地新方法既時侯，佢地會話︰不嬲我地都唔係咁做 ga~
如果佢地不嬲用開既方法係 work 既，老細就唔駛多此一舉搵我黎 train 啦。同埋佢地都只不過係廿來歲，但係腦袋就好似老人家咁，以前做開係點，而家就拒絕改變。我都明白人係唔鐘意改變的，但係事實上世界天天在變，我們可以唔變嗎？唔變會被社會淘汰的。
正如 drilling，佢地唔習慣咁既訓練方式，不過呢個方式正正就係最好既練習方法。響見客前有練過，見客時就唔會出太多亂子嘛，成功率都高 d 丫。昨天做完 drilling 時，竟然有同事哭… 佢覺得咁 train 壓力好大… 不過我呢個魔鬼教練就覺得咁小事都捱唔過，又點響呢個競爭劇烈既市場上立足？
響訓練既其間，不但可以瞭解多 d 佢地日常 sell course 時會點 sell，仲可以瞭解多 d 美容行業既運作。而家先至明白，點解有咁多客人投訴美容院 hard sell，因為佢地既銷售模式仲係停留響 "講價" 同埋威嚇既階段。呢 d 都係 d 過時同埋冇效既方式，試問有邊個消費者會鐘意比人迫 ga？而家做銷售要成功同埋長久，一定要個客心甘命抵咁比錢出黎，仲要佢覺得物超所值先至得嘛。
我引入左好多銷售既心態同埋方法比佢地，例如瞭解客人心態、發掘客人既心底話 / 底線、定目標、定實踐計劃之類… 仲有如何發問、如何同客人溝通、如何令客人信服之類… 不過響推行既過程真係有好大既挑戰。最有趣既係，當我教佢地新方法既時侯，佢地會話︰不嬲我地都唔係咁做 ga~
如果佢地不嬲用開既方法係 work 既，老細就唔駛多此一舉搵我黎 train 啦。同埋佢地都只不過係廿來歲，但係腦袋就好似老人家咁，以前做開係點，而家就拒絕改變。我都明白人係唔鐘意改變的，但係事實上世界天天在變，我們可以唔變嗎？唔變會被社會淘汰的。
正如 drilling，佢地唔習慣咁既訓練方式，不過呢個方式正正就係最好既練習方法。響見客前有練過，見客時就唔會出太多亂子嘛，成功率都高 d 丫。昨天做完 drilling 時，竟然有同事哭… 佢覺得咁 train 壓力好大… 不過我呢個魔鬼教練就覺得咁小事都捱唔過，又點響呢個競爭劇烈既市場上立足？
魔法辦公室
我既工作效率不嬲都好高，各種工作報告都可以即日完成，一日寫幾千字既分析都係閒事，不過老細似乎都唔多滿足，經常要我再比多D野佢。響度返工，真係要識得變魔法先至得。老細喜愛回帶，亦常常將同一問題重複思量，甚至死線過後都會提出反覆討論，費時失事之餘亦會影響進度。我地打工既，絕對冇權埋怨老細既辦事作風，只可以發揮魔法師功能，將不可能任務變成有可能。呢D情況最常見於對外溝通，舉個例，落廣告時我地既設計公司同埋MEDIA都有佢地既死線，雖然我地係客戶，不過大家都係搵餐飯食，如果可以既我都儘量配合人地既死線，免得我地攪亂人地既SCHEDULE。可惜老細偏偏鐘意響死線之後改野，同佢改咩？要出動到人情卡，但係人情卡都有碌爆既時候嘛。唔同佢改咩？佢就發哂老脾話我地辦事不力，響呢D時候我地又要諗下變咩魔法去完成任務，都幾刺激。
人事問題又係另一個要變魔法既環節。老細會埋怨某D同事既工作態度、效率甚至熱忱等等。我呢D兼埋人事部既老散，當然要處理一下啦。哈哈哈~~ 不過原來老細有時都好似女人，五時花六時變，今日話要"訓導"某同事，聽日又話唔好同佢講，費事個同事唔開心喎。響呢D情況下我又要平衡老細既人事要求，又要處理同事既問題，又要唔好鬧親D同事，你話呢D魔法幾精釆哩。
人事問題又係另一個要變魔法既環節。老細會埋怨某D同事既工作態度、效率甚至熱忱等等。我呢D兼埋人事部既老散，當然要處理一下啦。哈哈哈~~ 不過原來老細有時都好似女人，五時花六時變，今日話要"訓導"某同事，聽日又話唔好同佢講，費事個同事唔開心喎。響呢D情況下我又要平衡老細既人事要求，又要處理同事既問題，又要唔好鬧親D同事，你話呢D魔法幾精釆哩。
2007年6月25日 星期一
觀人
由於工作關係，由初初出黎社會做事開始，日日都要成日面對唔同既人，仲要響好短既時間之內令對方信任我，比錢我 (做 sales 就梗係要人比錢我啦~ XD)，我相信最重要既並唔係我有好強既口才，而係我好認真咁觀人於微。
做 sales 既大忌係講多過聽，其實要做成生意，聽同睇比講黎得重要。每一個客人都有自己既需要，甚至佢係冇需要，不過要發掘佢既需要，一 d 都唔容易。最大既關口係，客人願唔願意比你發掘佢既需要。客人要拒絕一個銷售，最簡單直接既方式就係唔理你，當你透明。當你既客人當你唔存在，冇反應比你，最緊要係瞭解一下點解客人唔比機會你。呢個動係極之重要，因為好多大生意都係因為客人拒絕而產生的。好多做 sales 既都埋怨客人冇反應，我就認為客人唔比反應都係一個反應，問題係做 sales 既有冇用心去解讀呢個反應姐。
就算客人冇反應都好，做 sales 既都要多留意客人既容貌、身體語言、眼神、衣飾、氣質、聲調 (如果有出聲既話)… 基本上係一切一切… 唔單止要睇表面，仲要睇協調性，先至可以判斷呢個客人既意向。如果客人不說話，就要搵出客人不說話既動機，再抽絲剝繭一層一層搵出打動客人既重點，呢一切一切，一定要響數分鐘內完成，如果唔係單生意就會拜拜。
做 sales，最基本既唔係識唔識講野，係識唔識睇客既野。最唔識睇野既 sales，再識講都只會講錯野，流失客戶。相反，識睇客既 sales，佢唔駛好好口才，都自然有生意。呢幾行字，寫就好快，不過要識用都唔係三兩日既事。我資質愚鈍，學左幾年先至識得少少皮毛，家陣仲膽粗粗教d 同事要觀人於微，目的只有一個，就係希望做銷售既朋友，請唔好再盲目 hard sell 勒，得把口搵唔到食 ga。我最好數既時候，真係唔駛點講野 ga，識聽識睇之後整返個一語中的就得 ga 勒。一個眼神，比千言萬語更有效！
做 sales 既大忌係講多過聽，其實要做成生意，聽同睇比講黎得重要。每一個客人都有自己既需要，甚至佢係冇需要，不過要發掘佢既需要，一 d 都唔容易。最大既關口係，客人願唔願意比你發掘佢既需要。客人要拒絕一個銷售，最簡單直接既方式就係唔理你，當你透明。當你既客人當你唔存在，冇反應比你，最緊要係瞭解一下點解客人唔比機會你。呢個動係極之重要，因為好多大生意都係因為客人拒絕而產生的。好多做 sales 既都埋怨客人冇反應，我就認為客人唔比反應都係一個反應，問題係做 sales 既有冇用心去解讀呢個反應姐。
就算客人冇反應都好，做 sales 既都要多留意客人既容貌、身體語言、眼神、衣飾、氣質、聲調 (如果有出聲既話)… 基本上係一切一切… 唔單止要睇表面，仲要睇協調性，先至可以判斷呢個客人既意向。如果客人不說話，就要搵出客人不說話既動機，再抽絲剝繭一層一層搵出打動客人既重點，呢一切一切，一定要響數分鐘內完成，如果唔係單生意就會拜拜。
做 sales，最基本既唔係識唔識講野，係識唔識睇客既野。最唔識睇野既 sales，再識講都只會講錯野，流失客戶。相反，識睇客既 sales，佢唔駛好好口才，都自然有生意。呢幾行字，寫就好快，不過要識用都唔係三兩日既事。我資質愚鈍，學左幾年先至識得少少皮毛，家陣仲膽粗粗教d 同事要觀人於微，目的只有一個，就係希望做銷售既朋友，請唔好再盲目 hard sell 勒，得把口搵唔到食 ga。我最好數既時候，真係唔駛點講野 ga，識聽識睇之後整返個一語中的就得 ga 勒。一個眼神，比千言萬語更有效！
卸膊
越做得耐，越覺得老細卸膊。好似今日有個人黎 second in，我負責試佢手勢，之後就交比另一位同事同佢傾 offer。應徵者既要求待遇，好老實講我就覺得係市價啦，可惜我地公司入面資歷最深果幾位同事都係 below market price。老細話如果依佢既要求既人工，公司內部都必然有混亂，因為問題正係而家鬧得熱哄哄既同工不同酬、新仔仲高人工過舊人既情況一樣。呢個 point 我都同意，不過我地而家係處於一個比較尷尬既境地，一係請左果個人之後就加埋舊人既人工，不過咁會增加公司既成本，短期內並不化算。一係就壓人價，睇下人地幾時搵到好工就賣甩我地。
我將呢個 point 同老細講，佢話唔認同我既講法，佢堅持要壓個新人價，同埋如果個新同事既 productivity 係低過佢比既人工，要唯我事問咁話喎。而家咩事呀？我相信冇一個 interviewer 會寫包單 d 人返左工之後同見工既表現會唔會有分別喎，有冇卸膊得咁緊要呀？仲有佢要將市場既因素都歸咎到我頭上，有冇攪錯呀？而家 d 老細有咁不負責任既？
我將呢個 point 同老細講，佢話唔認同我既講法，佢堅持要壓個新人價，同埋如果個新同事既 productivity 係低過佢比既人工，要唯我事問咁話喎。而家咩事呀？我相信冇一個 interviewer 會寫包單 d 人返左工之後同見工既表現會唔會有分別喎，有冇卸膊得咁緊要呀？仲有佢要將市場既因素都歸咎到我頭上，有冇攪錯呀？而家 d 老細有咁不負責任既？
遊魂記
今早同老細開每週例會，議題都係陳腔濫調，都係講下業績，講下人事、講下訓練同埋講下市場推廣之類既野。可能老細今日不停回帶，會中我都冇咩心機聽，因為內容同上次既會議有八成係一樣既。不過老細愛回帶，作為佢既 "忠誠 fans"，都一定要表示支持同埋認同既。幾小時既馬拉松會議過後，當然就係食安樂茶飯既時候啦。
食飽飯，例牌都會比個電話尖沙咀果邊既同事，做下親善大使，慰問下同事兼詢問下業績之類。接我電話既正係今日一齊開會既同事，同佢傾左幾句之後，佢突然問我一句︰『你覺唔覺得老細今日遊哂魂咁呀？講野都冇 focus 既？』語畢我回心一想，又係喎，老細今日都係東拉西扯，講左幾粒鐘都冇結論，亦冇 action plan，簡單 d 講即係開完等於冇開過，白白浪費左大家幾粒鐘都冇任何結果既會議。哈哈哈~~ 可能我已經習慣左老細不斷回帶，都冇留意老細自己 lost in space，完全冇就住某 d 工作定下方向或指引，更加冇實際既推動方案。咁我又冇提醒佢 (可能一早講左幾樣野都比佢 ban 左，所以我都唔再出聲，問到我都冇意見… 哈哈哈~)，所以就令大家今個星期冇左軸心勒。我諗聽日都係問下佢某 d 工作既具體要求好 d，免得佢會怪責我地辦事不力嘛。
食飽飯，例牌都會比個電話尖沙咀果邊既同事，做下親善大使，慰問下同事兼詢問下業績之類。接我電話既正係今日一齊開會既同事，同佢傾左幾句之後，佢突然問我一句︰『你覺唔覺得老細今日遊哂魂咁呀？講野都冇 focus 既？』語畢我回心一想，又係喎，老細今日都係東拉西扯，講左幾粒鐘都冇結論，亦冇 action plan，簡單 d 講即係開完等於冇開過，白白浪費左大家幾粒鐘都冇任何結果既會議。哈哈哈~~ 可能我已經習慣左老細不斷回帶，都冇留意老細自己 lost in space，完全冇就住某 d 工作定下方向或指引，更加冇實際既推動方案。咁我又冇提醒佢 (可能一早講左幾樣野都比佢 ban 左，所以我都唔再出聲，問到我都冇意見… 哈哈哈~)，所以就令大家今個星期冇左軸心勒。我諗聽日都係問下佢某 d 工作既具體要求好 d，免得佢會怪責我地辦事不力嘛。
銷售
做左咁多年銷售，B2B做過，B2C又做過，B2G都做過，最好玩既莫過於B2C，因為對手就係決策人，即時知效果嘛。而家我已經退下火線，唔需要我 SELL 勒，我只需要教識班同事點 SELL 就OK勒。初初教佢地時，真係覺得不如我自己SELL返好過啦，聽見佢地SELL客有時都幾火滾 (可能我初入行時我D老頂仲火滾… 哈哈哈~~)。不過教左咁耐，見到佢地成長左，識得掌握客人心理，識得咩時候入咩位，同埋D單越開越大張，心中既滿足感都幾大。
其實SELL客既野，最差既就係SELL，你越SELL個客越缩。反而完全唔SELL，只係針對客人既取向或需要而不斷吸引客人，佢自己會送上門，只要響呢個關鍵時刻適當地加一腳，張單自自然然會落你袋。我常常教D同事，最緊要係令客人放鬆，令佢地放鬆戒備，之後要客人跟住我地安排好既"心路歷程"進發，佢自然會拎錢出黎比你駛。不單止咁，D客仲會好鐘意繼續比錢你駛，因為佢駛錢駛得好舒服。所有人只會做自己喜愛既事，被迫既事，做一次當係自己唔好彩，總不會明知呢間係黑店都仲要中個頭埋去比人 durk 掛？
呢排見到D舊客返單率高左，證明左呢套方式極 work。各位版友，先唔好話呢D係老生常談呀，實際上有樣野好叫知易行難呀。要真正做到，都要下一番苦工，同埋要有堅忍既精神GA。
其實SELL客既野，最差既就係SELL，你越SELL個客越缩。反而完全唔SELL，只係針對客人既取向或需要而不斷吸引客人，佢自己會送上門，只要響呢個關鍵時刻適當地加一腳，張單自自然然會落你袋。我常常教D同事，最緊要係令客人放鬆，令佢地放鬆戒備，之後要客人跟住我地安排好既"心路歷程"進發，佢自然會拎錢出黎比你駛。不單止咁，D客仲會好鐘意繼續比錢你駛，因為佢駛錢駛得好舒服。所有人只會做自己喜愛既事，被迫既事，做一次當係自己唔好彩，總不會明知呢間係黑店都仲要中個頭埋去比人 durk 掛？
呢排見到D舊客返單率高左，證明左呢套方式極 work。各位版友，先唔好話呢D係老生常談呀，實際上有樣野好叫知易行難呀。要真正做到，都要下一番苦工，同埋要有堅忍既精神GA。
ISO 認證
老細成日想 upgrade 間公司，所以呢排好想搵 d 野攪下，今日就搵左間做 ISO consultancy 既公司上黎 present。響上星期我同老細提及過做 ISO 要好多文件上既工作，我地美容院只有2個 staff 係文職 (包括我)，根本處理唔到咁龐大既文件工作。佢死都唔信，一定要瞭解喎，今日未叫左人地上黎 present 囉。
哈哈哈~ 點知老細聽左一半就行開左，明顯係佢都唔多想做呢樣野，事實上太多文件既野要做勒，而家配合我地而家既規模，根本係浪費資源。我都認為 ISO 係好野，不過都要量力而為嘛。而家公司最需要解決既係生意同埋人手既問題，以我地2丁友既力量，根本兼顧唔到攪 ISO，所以佢聽聽下都冇心機聽落去。
好多年前我做果間公司都有行 ISO，每逢 audit 就要追返哂 d 文件，皆因響工作既流程當中，好少可 d 同事會咁合作做足所有文件，到最後係臨 audit 前由我地 d 老秘 (當時撈埋老秘果份) 一手包辨啦。當時同事間流傳一句說話︰有 ISO 冇環保。因為一次過整幾 rim 紙既文件，不過之前係完全發揮唔到作用既，只不過係鬥交功課而已。到 audit 時，除左比十幾盒 file 佢睇之外，仲要搵 d 同事出黎比佢問話，我地仲要教定 d 同事點答，你話幾費時失事哩。
我地公司咁細，要狽埋 ISO 既工作真係會 overload，希望老細聽完之後係決定唔做住啦。等我地人強馬壯，有人幫手做文件既話，我都唔抗拒既。
哈哈哈~ 點知老細聽左一半就行開左，明顯係佢都唔多想做呢樣野，事實上太多文件既野要做勒，而家配合我地而家既規模，根本係浪費資源。我都認為 ISO 係好野，不過都要量力而為嘛。而家公司最需要解決既係生意同埋人手既問題，以我地2丁友既力量，根本兼顧唔到攪 ISO，所以佢聽聽下都冇心機聽落去。
好多年前我做果間公司都有行 ISO，每逢 audit 就要追返哂 d 文件，皆因響工作既流程當中，好少可 d 同事會咁合作做足所有文件，到最後係臨 audit 前由我地 d 老秘 (當時撈埋老秘果份) 一手包辨啦。當時同事間流傳一句說話︰有 ISO 冇環保。因為一次過整幾 rim 紙既文件，不過之前係完全發揮唔到作用既，只不過係鬥交功課而已。到 audit 時，除左比十幾盒 file 佢睇之外，仲要搵 d 同事出黎比佢問話，我地仲要教定 d 同事點答，你話幾費時失事哩。
我地公司咁細，要狽埋 ISO 既工作真係會 overload，希望老細聽完之後係決定唔做住啦。等我地人強馬壯，有人幫手做文件既話，我都唔抗拒既。
2007年6月23日 星期六
知己知彼
響入呢間美容院做野之前，我可以話對美容行業一無所知。雖然我好貪靚，但係少女時代去過幾之美容院都有不快經驗，所以我係絕對唔會去美容院的。哈哈哈~~ 天意即係天意，我竟然入左美容行業，仲要做大旗手，都幾耐人尋味。初初入呢間公司時真係好新奇刺激又好玩，因為老細都知我唔識美容院既野，專登安排左我去試美容院既服務。好記得第一次試服務時，我一訓上張美容床仲驚過訓上手術床，好不容易先至捱過左一個 facial，當時我都唔明點解 d 女人會咁鐘意做 facial。做左一段時間之後，終於克服呢方面既心理障礙，而家我仲會試新同事既手勢同埋協助指導 tim。
因為我從來冇去過其他美容院度做客人，所以都唔知道 d 行家 sell 客會有咩招數，本住知己知彼既心態，我今日選左一間規模同我地差唔多既美容院度試左一次 facial。哈哈哈~ 原來我去到陌生既美容院都係好緊張的，一訓上張床就開始心跳加速，真係冇鬼用。anyway，又係好不容易捱過左一個 facial，落到樓個 consultant 就準備好 sell 我了。本來我係想睇下其他美容院有咩法寶，點知係無功而回… 因為果位 consultant 既表現實在太強差人意勒。如果平時 training 我 d 美容師咁 sell 客法，一定比其他同事恥笑。今之既出征都冇咩收獲，唯有下次搵過另一間試下啦。
因為我從來冇去過其他美容院度做客人，所以都唔知道 d 行家 sell 客會有咩招數，本住知己知彼既心態，我今日選左一間規模同我地差唔多既美容院度試左一次 facial。哈哈哈~ 原來我去到陌生既美容院都係好緊張的，一訓上張床就開始心跳加速，真係冇鬼用。anyway，又係好不容易捱過左一個 facial，落到樓個 consultant 就準備好 sell 我了。本來我係想睇下其他美容院有咩法寶，點知係無功而回… 因為果位 consultant 既表現實在太強差人意勒。如果平時 training 我 d 美容師咁 sell 客法，一定比其他同事恥笑。今之既出征都冇咩收獲，唯有下次搵過另一間試下啦。
2007年6月22日 星期五
開放日
好少中小型美容院會攪開放日，一般都係大型美容院先至會攪。雖然我地公司細，響舊年開始，我就推動公司攪開放日。因為我地客源不足，唔想每個月追數都要向舊客開刀，最好既解決方法莫過於搵新客。攪開放日既好處係成本低，唔需要花大量金錢都可以實實在在咁搵到新客，同埋都好有成功感，因為我敢於去做好多中小型美容院完全唔敢去做既事。
初初攪開放日，大家都唔知得唔得，好在我既頭炮都叫打得響，成本只係幾千蚊，開放日當日既生意都夠所有同事出一個月糧，所以老細都放心比我攪開放日。唔經唔覺，我都幫公司攪左年幾開放日，幾乎每個月都攪。雖然唔係個個月都有咁好生意，不過班同事習慣左每月都有一日博殺日之後，佢地既平均表現都提升左，平均生意額一年間升左一倍，我都叫做對公司有返少少交待啦。
今日輪到老板娘果邊間店做開放日，不過我永遠都會記得今日。
老板娘有一個強項，就係以行動證明我既建議係唔WORK既。佢一定證明到GA，因為只要佢咩都唔做，仲要唔比佢D下屬按照我地定既方向做，結果必然係唔WORK。早幾個月既開放日，老板娘唔CALL客、唔理我地既著急、唔理公司既生意… 試過有一次開放日捧蛋，另一次就只係做左少於一千蚊生意。佢用呢D"證據"向老細證明開放日係唔WORK既。今日，老板娘已經唔再想理會開放日，所以佢返屋企閉關讀書，完全冇返工，所以另一間店既店長就過左去幫手。因為佢之前完全冇叫同事CALL客，今日全日只有3個BOOKING… (另一間店既開放日，一般都有廿幾個BOOKING，最勁試過一日接四十幾個BOOKING)
去幫拖既店長，為左證明開放日係得既，雖然只有3個客，都唔氣餒，奮勇作戰下有2個客JOIN左COURSE，令大家都刮目相看。佢做完野之後，同班同事講，冇野係冇可能的，問題係你做定係唔做姐。其實呢番話，講同唔講都冇分別，因為問題唔係出響同事度，係響佢地既亞頭度，佢地為左保住飯碗可以改變D咩？
初初攪開放日，大家都唔知得唔得，好在我既頭炮都叫打得響，成本只係幾千蚊，開放日當日既生意都夠所有同事出一個月糧，所以老細都放心比我攪開放日。唔經唔覺，我都幫公司攪左年幾開放日，幾乎每個月都攪。雖然唔係個個月都有咁好生意，不過班同事習慣左每月都有一日博殺日之後，佢地既平均表現都提升左，平均生意額一年間升左一倍，我都叫做對公司有返少少交待啦。
今日輪到老板娘果邊間店做開放日，不過我永遠都會記得今日。
老板娘有一個強項，就係以行動證明我既建議係唔WORK既。佢一定證明到GA，因為只要佢咩都唔做，仲要唔比佢D下屬按照我地定既方向做，結果必然係唔WORK。早幾個月既開放日，老板娘唔CALL客、唔理我地既著急、唔理公司既生意… 試過有一次開放日捧蛋，另一次就只係做左少於一千蚊生意。佢用呢D"證據"向老細證明開放日係唔WORK既。今日，老板娘已經唔再想理會開放日，所以佢返屋企閉關讀書，完全冇返工，所以另一間店既店長就過左去幫手。因為佢之前完全冇叫同事CALL客，今日全日只有3個BOOKING… (另一間店既開放日，一般都有廿幾個BOOKING，最勁試過一日接四十幾個BOOKING)
去幫拖既店長，為左證明開放日係得既，雖然只有3個客，都唔氣餒，奮勇作戰下有2個客JOIN左COURSE，令大家都刮目相看。佢做完野之後，同班同事講，冇野係冇可能的，問題係你做定係唔做姐。其實呢番話，講同唔講都冇分別，因為問題唔係出響同事度，係響佢地既亞頭度，佢地為左保住飯碗可以改變D咩？
2007年6月20日 星期三
責任
每一個人返工都應該有自己的責任，本來我做事都有一定既責任心，但經過早幾年的經濟低迷時，更明白做事是必須有強烈的責任心。可能我比較重視責任心，所以面對沒有責任心的人就特別厭惡。亦都可能公司入面最無責任心的人就係老板娘，所以好多時都會因為工作而與老細有意見。
我當然明白老公維護老婆的心思，但在工作上，老細不斷要求我們盡心盡力、做事要小心、業務目標必須要達到、人事行政必須要慎重處理、公司資源要小心分配等等，我們都克盡己任去完成老細的指示，但最大的阻力竟然是來自老板娘，作為一個打工仔，我可以點？老板娘主理的店生意不達標、人事不穩、資源錯配，行政混亂… 全部都是與老細頒佈的工作方針背道而馳，更甚是老細要我們在不影響老板娘的自尊心的情況下改善問題，我可以點？
我身兼多職，不論業績、管理資源、訓練、人事、行政及市場推廣都要我負責，還要令 2 間分店都做得好，亦要不損害老板娘的自尊心，要完美地完成工作絕不是易事。我不想干預太多老板娘那邊的事，但老細每天都要我處理，我該如何取得平衡？這些煩惱，可能源自我對責成心太執著吧。
我當然明白老公維護老婆的心思，但在工作上，老細不斷要求我們盡心盡力、做事要小心、業務目標必須要達到、人事行政必須要慎重處理、公司資源要小心分配等等，我們都克盡己任去完成老細的指示，但最大的阻力竟然是來自老板娘，作為一個打工仔，我可以點？老板娘主理的店生意不達標、人事不穩、資源錯配，行政混亂… 全部都是與老細頒佈的工作方針背道而馳，更甚是老細要我們在不影響老板娘的自尊心的情況下改善問題，我可以點？
我身兼多職，不論業績、管理資源、訓練、人事、行政及市場推廣都要我負責，還要令 2 間分店都做得好，亦要不損害老板娘的自尊心，要完美地完成工作絕不是易事。我不想干預太多老板娘那邊的事，但老細每天都要我處理，我該如何取得平衡？這些煩惱，可能源自我對責成心太執著吧。
2007年6月19日 星期二
教學相長
雖然我唔識做美容，但事實上我係美容院既 Trainer，當然我負責既唔係技術部份啦。我係要 train 班同事銷售技巧、揣摩客戶心理、如何 closing、如何舖橋搭路增加銷售額、產品及服務演繹技巧等等… 初初做訓練時，會比較 "表演"，因為我既表演慾超哂標，極度享受成為焦點人物嘛。之後，我體會到做訓練既樂趣最重要唔係有得表演，因為一星期 2 次 show time 都已經足夠有突，當過足癮同埋回復平常心之後就感受到真丕既樂趣。
最初既樂趣就係美容師願意積極參與、願意互動同埋啟發左佢地既創造力。因為初初做訓練時，美容師就好似課堂入面既同學仔，一個二個呆若木雞等完結，佢地最有反應就係 train 完既時候，我都有少少氣餒 ga。不過好在亞媽生成我性格倔強，不肯認輸，所以扭盡六壬令佢地主動參與，見到佢地溶入訓練之中，係我第一個真正既滿足感。
之後，佢地參與多左，即係上堂時精神左，咁我既準備功夫就要小心 d。因為一個不留神就會比佢地抽出錯處，都幾尷尬的。所以第二個滿足感，就係當我做更多準備功夫時對各方相關知識既認知深刻左，同埋思考慎重左。訓練做得越多，不論知識定係思維都有所得著，呢個滿足感最畢生受用。
最近，見到美容師用左我教既野獲得不錯既成績，同埋見佢地思考方面都廣闊左，立體左，我就真真正正感受到咩係施比受更有福。見到佢地有所成，仲開心過自己有得益。教學相長，係其中一條永恆既真理。
最初既樂趣就係美容師願意積極參與、願意互動同埋啟發左佢地既創造力。因為初初做訓練時，美容師就好似課堂入面既同學仔，一個二個呆若木雞等完結，佢地最有反應就係 train 完既時候，我都有少少氣餒 ga。不過好在亞媽生成我性格倔強，不肯認輸，所以扭盡六壬令佢地主動參與，見到佢地溶入訓練之中，係我第一個真正既滿足感。
之後，佢地參與多左，即係上堂時精神左，咁我既準備功夫就要小心 d。因為一個不留神就會比佢地抽出錯處，都幾尷尬的。所以第二個滿足感，就係當我做更多準備功夫時對各方相關知識既認知深刻左，同埋思考慎重左。訓練做得越多，不論知識定係思維都有所得著，呢個滿足感最畢生受用。
最近，見到美容師用左我教既野獲得不錯既成績，同埋見佢地思考方面都廣闊左，立體左，我就真真正正感受到咩係施比受更有福。見到佢地有所成，仲開心過自己有得益。教學相長，係其中一條永恆既真理。
以身作則
有某部份人剛升上管理階層或者好炫耀地位既人，會做一 d 破壞性既行為，以示自己高高在上既權威。舉個例，有 d 人升左上管理層之後會多左遲到，可能佢認為遲到係一種特權，其他基層員工遲到就要受到責難，而高高在上既管理層就冇有怕。另外就係鬧人，當未升官時大家都係同事，當然都要比較客氣，未至於咩事都會鬧人，不過見識過有 d 人升左官之後，一見到唔 like 或下屬有失誤時就破口大罵，以示自己高人一等，鬧人都係宣示權力既方式嘛。咁都未算，仲有見過升左官既同事會呼喝茶水亞姐，當正人地係自己屋企個賓賓咁，果種不可一世既嘴臉都幾嘔心。
公司內有新晉管理人，佢雖然冇以上情況咁離譜，不過佢既傾向都係不可一世左 d，令同事之間有左一道隔膜。其實只要升左，你咩都唔做都會同其他同事多左一層無形既隔膜，因為你已經唔係自己友，係亞頭，同事們都不知不覺同你保持距離，仲何必多此一舉去踩低別人抬高自己呢？除非，係自己都唔相信自己有料做管理層啦~
公司內有新晉管理人，佢雖然冇以上情況咁離譜，不過佢既傾向都係不可一世左 d，令同事之間有左一道隔膜。其實只要升左，你咩都唔做都會同其他同事多左一層無形既隔膜，因為你已經唔係自己友，係亞頭，同事們都不知不覺同你保持距離，仲何必多此一舉去踩低別人抬高自己呢？除非，係自己都唔相信自己有料做管理層啦~
管理文化
管理，原來係可以好精采的。
雖然我地公司細，得果廿人唔夠，不過老板之下都有 4 個管理人員，當中包括︰2 間分店各有一位店長，同埋 2 間分店都有一個 "坐館" 去處理行政、卒數、人事之類既一大堆非技術性工作。我呢，就係其中一間店既打雜經理勒。雖然只有 2 間店，但係管理文化可以相差好遠。
先講下自己做果間先啦，我地呢邊人比較多，地方比較大，員工資歷比較深同埋 sales target 比較高。我對呢間分店既同事，只有 "理"，好少去管。因為呢度資深既同事多，同埋佢地都有一顆競爭的心，對於跑數方面都不需要太多著墨，反而比較多做 case study，令佢地開單既銀碼會大 d，同埋比佢地發揮會多 d。佢地唯一要我操心既就係人事問題，始終人人爭上位，磨擦少不免。所以要多留意佢地既動靜，同埋佢地既情緒，始終服務行業，保持前線員工既正面情緒係好重要的。
另一間分店就完全唔同，除左店長之外，冇一個同事做超過一年，同埋果邊既同事流失率奇高，可能同果邊既管理方式有關。果邊冇乜點管，亦都好少去理。即係店長好少理會同事日常既工作情況同埋困難，亦都唔會理會 d 同事識唔識做某一 d 技術上既工作就硬塞比同事做，但求佢自己唔駛做就得芳。每當遇到老細責難生意不好、流失客戶或者行政有問題時就搵個同事出黎祭旗，總之就係唔係佢責任。開會商討發展計劃時就萬般阻撓。以我所見，好多時工作上既問題都係店長自己疏忽，就將所有責任推在員工身上，仲邊度有員工甘心為佢做事？
做管理層既，唔係應該有責任去令下屬完成任務咩？同埋應該有責任去教導下屬去改進，令下屬為公司盡心盡力做事咩？做管理既成日搵 d 下屬出黎狽黑鑊，仲有人願意跟佢工作嗎？
呢位店長，就算工作表現再出人意表，都係唔會比人炒的，因為佢係老板娘！
雖然我地公司細，得果廿人唔夠，不過老板之下都有 4 個管理人員，當中包括︰2 間分店各有一位店長，同埋 2 間分店都有一個 "坐館" 去處理行政、卒數、人事之類既一大堆非技術性工作。我呢，就係其中一間店既打雜經理勒。雖然只有 2 間店，但係管理文化可以相差好遠。
先講下自己做果間先啦，我地呢邊人比較多，地方比較大，員工資歷比較深同埋 sales target 比較高。我對呢間分店既同事，只有 "理"，好少去管。因為呢度資深既同事多，同埋佢地都有一顆競爭的心，對於跑數方面都不需要太多著墨，反而比較多做 case study，令佢地開單既銀碼會大 d，同埋比佢地發揮會多 d。佢地唯一要我操心既就係人事問題，始終人人爭上位，磨擦少不免。所以要多留意佢地既動靜，同埋佢地既情緒，始終服務行業，保持前線員工既正面情緒係好重要的。
另一間分店就完全唔同，除左店長之外，冇一個同事做超過一年，同埋果邊既同事流失率奇高，可能同果邊既管理方式有關。果邊冇乜點管，亦都好少去理。即係店長好少理會同事日常既工作情況同埋困難，亦都唔會理會 d 同事識唔識做某一 d 技術上既工作就硬塞比同事做，但求佢自己唔駛做就得芳。每當遇到老細責難生意不好、流失客戶或者行政有問題時就搵個同事出黎祭旗，總之就係唔係佢責任。開會商討發展計劃時就萬般阻撓。以我所見，好多時工作上既問題都係店長自己疏忽，就將所有責任推在員工身上，仲邊度有員工甘心為佢做事？
做管理層既，唔係應該有責任去令下屬完成任務咩？同埋應該有責任去教導下屬去改進，令下屬為公司盡心盡力做事咩？做管理既成日搵 d 下屬出黎狽黑鑊，仲有人願意跟佢工作嗎？
呢位店長，就算工作表現再出人意表，都係唔會比人炒的，因為佢係老板娘！
下屬
作為管理層，就一定有班人比你管理啦。我要管理既人有直屬同非直屬。直屬既係一班 sales team，專係出去搵生意，非直屬既係 2 間店入面既人，為數十幾人，佢地既直屬上司係店長，不過佢地都要聽我支笛， 因為我係佢地既 trainer，仲要管哂 2 間店既行政同埋人事，同埋都要卒佢地數既。
有 d 管理層會向佢地下屬施以官威，以示自己係高高在上，不過我好相信呢個方法唔係個個行業都行得通。好似我地做服務業既，前線員工係公司最寶貴既資產，公司既生意都係由佢地做返黎既，佢地既穩定性好影響客戶既信心，所以我好少會向前線員工施壓。下屬其實仲係自己既籌碼，下屬越有表現，即係自己越有實力，如果下屬不濟，即係自己唔掂。但係有好多冇實力既 "上司" 成日都搵 d 下屬黎祭旗，諗住自己冇事就算數，呢 d 人一定 比好多基層員工咒到飛起，仲有人肯為佢博咩？
有 d 管理層會向佢地下屬施以官威，以示自己係高高在上，不過我好相信呢個方法唔係個個行業都行得通。好似我地做服務業既，前線員工係公司最寶貴既資產，公司既生意都係由佢地做返黎既，佢地既穩定性好影響客戶既信心，所以我好少會向前線員工施壓。下屬其實仲係自己既籌碼，下屬越有表現，即係自己越有實力，如果下屬不濟，即係自己唔掂。但係有好多冇實力既 "上司" 成日都搵 d 下屬黎祭旗，諗住自己冇事就算數，呢 d 人一定 比好多基層員工咒到飛起，仲有人肯為佢博咩？
訂閱：
文章 (Atom)
