半年結

雖然係追數既緊張關頭，菲菲都總係有時間攪下其他野的，其中一樣就係做左一倨半年結勒。除左總結上半年既業績，仲搵埋 06 年上半年既資料做左對比。原來 07 年既上半年比 06 年既上半年，平均生意升左 35%！好開心呀！

數字都顯示出我店同尖沙咀店既升幅其實差唔多，不過尖沙咀店舊年既業績都好弱，所以升左三十幾個巴仙都好似冇咩野睇咁。另一樣係尖沙咀既經營成本只係我店既八成左右，但係生意額就只有我店既六成，計正仲有幾個月要蝕本 tim。鬼咩，老板娘 5 月份加左人工 (我會稱之為家用，如果係人工，我想炒左佢好耐勒，因為佢係全公司生產力最低既受薪人士)，令到尖沙咀店既成本大幅上調。所以老細好落力咁卒我呢邊，希望我地可以幫佢搵返唔見左既錢。打工既野，有時都幾冇選擇…

老細今日又重彈舊調，要重整尖沙咀既乜乜物物，聽到我都識背勒。呢壇野認真拉牛上樹，呢頭做完 training，果頭老板娘同你攪返亂。仲辛苦過自己做十九幾萬倍… 聽日 Annie 又奉命去照佢地肺勒，祝佢好運啦。 (後日又輪到我要去…) 呢 d 未就叫做 "週而復始，萬象更新" lor~ 恭喜恭喜！