觀人

由於工作關係，由初初出黎社會做事開始，日日都要成日面對唔同既人，仲要響好短既時間之內令對方信任我，比錢我 (做 sales 就梗係要人比錢我啦~ XD)，我相信最重要既並唔係我有好強既口才，而係我好認真咁觀人於微。

做 sales 既大忌係講多過聽，其實要做成生意，聽同睇比講黎得重要。每一個客人都有自己既需要，甚至佢係冇需要，不過要發掘佢既需要，一 d 都唔容易。最大既關口係，客人願唔願意比你發掘佢既需要。客人要拒絕一個銷售，最簡單直接既方式就係唔理你，當你透明。當你既客人當你唔存在，冇反應比你，最緊要係瞭解一下點解客人唔比機會你。呢個動係極之重要，因為好多大生意都係因為客人拒絕而產生的。好多做 sales 既都埋怨客人冇反應，我就認為客人唔比反應都係一個反應，問題係做 sales 既有冇用心去解讀呢個反應姐。

就算客人冇反應都好，做 sales 既都要多留意客人既容貌、身體語言、眼神、衣飾、氣質、聲調 (如果有出聲既話)… 基本上係一切一切… 唔單止要睇表面，仲要睇協調性，先至可以判斷呢個客人既意向。如果客人不說話，就要搵出客人不說話既動機，再抽絲剝繭一層一層搵出打動客人既重點，呢一切一切，一定要響數分鐘內完成，如果唔係單生意就會拜拜。

做 sales，最基本既唔係識唔識講野，係識唔識睇客既野。最唔識睇野既 sales，再識講都只會講錯野，流失客戶。相反，識睇客既 sales，佢唔駛好好口才，都自然有生意。呢幾行字，寫就好快，不過要識用都唔係三兩日既事。我資質愚鈍，學左幾年先至識得少少皮毛，家陣仲膽粗粗教d 同事要觀人於微，目的只有一個，就係希望做銷售既朋友，請唔好再盲目 hard sell 勒，得把口搵唔到食 ga。我最好數既時候，真係唔駛點講野 ga，識聽識睇之後整返個一語中的就得 ga 勒。一個眼神，比千言萬語更有效！