假期

好耐好耐都冇真真正正放過假，以前就算唔駛返工，去埋外地旅行都好，我個腦都係不停諗工作既野，即係自己唔放自己假。

呢幾個月，工照返，不過心情就好似放假一樣。唔好話放左工，連返緊工都唔多想諗公司既野，一反我多年既常態。可能橡筋拉得太「行」所以拉斷了，我想重拾心情，不過事與願違。我諗我真係需要一個悠長假期，等我重新思考一下自己既定位。好有可能響我思考完畢既時候，就係我同呢份工講拜拜既時候。