躲懶的原因

近來我對工作的熱誠大不如前，可能係老細對業績貪得無厭令我有少少氣餒 (業績升左咁多，2年黎我一毫子人工都冇加過，花紅雙糧欠奉，你話氣唔氣餒？)，亦都可能係老細對我既工作諸多挑剔令我唔開心，其實呢 d 全部都係結果，真正既原因係我將要做媽媽，老細要比 10 個星期有薪產假我感到極之不滿，所以佢成日有意無意都響工作中雞蛋裡挑骨頭。我唔會認為佢想迫我走，等佢唔駛白比 10 個星期人工比我，不過佢對公司入面有 2 個高層同時懷孕確係有 d 不知所措。最大件事係，我地 2 個係同時放產假，即係公司有 2 個半月既管理係會出現真空。

老細為左填補呢 2 個半月既問題，就積極咁請人，希望佢地可以響管理真空既時間可以幫到公司手。我都真心希望佢地可以幫到公司手，因為自從知道將會做媽媽之後，我既諗法都有左好大既改變。之前工作永遠係我既第一位，不過到新生命誕生之後，BB 就會係我既第一位。其實而家我都錫身左，唔再 OT (做左冇錢兼多謝都冇句，我情願返屋企訓下好過)，亦都唔再提出新 idea (提出左即係加重自己既工作負擔，而家冇咁好精神真係頂唔住)。

菲菲既最新任務，已經唔關工作既事，黎緊既挑戰應該比工作更加刺激！