BB 的哭聲

對左 BB 一段時間，已經識得分辨佢既哭聲係代表咩。

如果佢只係丫丫丫哭幾聲，即係要換片，只要即時同佢換完片，佢就會安靜訓返。

如果佢係不斷大聲哭，仲要典黎典去，即係要食奶了。佢會一直哭一直典，直至比個奶樽塞住佢把口先至會停，哈哈！呢下野幾似我，不達目標係絕對唔會放棄的！

如果佢發惡夢 (但係點解咁細個 BB 會識得發惡夢呢？)，就會突然好大聲丫~~~~ 咁哭，但係一安撫又或者抱下就會收聲。不過同佢掛左個玉墜響件衫仔度就少左發惡夢勒。原來玉真係可以定驚的。

仲有，國內既奶粉出事，香港都不能夠獨善其身，而家每人只限買2 罐，打仗咩？同埋連我平日飲開既蒙牛都唔敢再買，迫於無奈要轉返香港牌子先。至於 BB，遲下會同佢轉日本奶粉，冇咁燥同埋平過美國奶粉好多呢！