正能量

每晚放工，店長 Annie 都會車我返北區，因為佢住天水圍，日日都揸車返工，所以放工時都會順道車我返北區。路途上大家都會傾下當日工作既事，當係一個小總結，回顧今天展望明天。呢幾日老細都掛黑色暴雨，生人勿近，影響到我都有 d 情緒低落。

今日既話題，都係離不開生意進度，同埋聽日例會要講 d 咩。雖然老細下旨要鬧下班女，不過我絕對唔會咁做。我都知道如果我違抗聖旨，聽日一定有貓麵做午餐。可能因為咁，我一直都悶悶不樂。傾下傾下，我突然好有決心咁同 Annie 講︰『唔理咁多勒，聽日我地要發放多 d 正能量，唔可以比老細 d 黑口黑面打沉！』

而家既情況，安撫軍心比討好老細重要，既然已經預左比人丙，仲有咩好驚？公司最需要既係大量既正能量同埋鬥心，我要用行動證明我係岩既！