滿足感

sc 兄既留言，我思量左 2 日。工作，真的比左好大既滿足感我。


滿足感來自多方面，首先我有好大既自由度去處理我既工作，我可以建議任何野，亦都可以達成我大部份既建議，單係呢一樣都已經好開心。而另一樣係，我負責全店既訓練，見到佢地有進步，有成果，我真係好開心，因為冇白費我既一番心血。最開心既係，同事都肯定我既訓練係幫到佢地，咁先至推動到我做得更好，因為我既工作實實在在係有意義的。仲有，公司既大部份系統都係我建立既，見到公司運作越來越順暢，行政方面越來越成熟，亦都係見證左我既心血。有呢一種工作環境，夫復何求呢？