嫁左唔駛做

公司同事既口頭蟬，就係嫁左唔駛做。如果真係嫁左就唔駛做野，十年前既男友同我求婚時一定一口應承… XD

而家年代唔同左，結婚只係見證一段關係，如果女性想結左婚之後可以全心全意響屋企相夫教子既，似乎可能性低 d。而家女性大部份都出黎社會做事，薪酬方面響好多行業男女都同工可酬，唔係個個男士搵既人工都可以照得起成頭家，嫁左唔駛做只適用於有錢人，好似我地既普通人，諗都唔駛諗。同埋女性婚後唔做野，響現今社會會有婚姻危機，因為有學識又有姿色既女士比比皆是，如果男士既定力唔夠就會攪到家庭破裂，比著我都唔會做全職主婦，太博唔過了。

以上只係我既個人觀點，並不代表所有人都係咁，只係我響呢方面既危機意識比較強，所以唔認為嫁左人可以唔駛做。希望多 d 女士可以搵到一個真正可以全心全意照顧佢既人，嫁左唔駛做又真係唔駛憂。