修煉

昨日尖沙咀既例會，老板娘有開會，老細就要忙於打理裝修事務而不開會。會議中，老板娘例行公事地對我多番針對，全場女子單打。不過單打歸單打，只要我唔回應，佢只係自己響度發 up 風，講左幾次之後都冇再講落去。好在我都有修煉下內功，不輕易因為 2 句單打就憤然抽擊，對自己既量度多左幾分嘉許。

佢既行為只係反映左佢既幼稚、無知同埋無自信，菲菲絕不會欺負弱小的，尤其老細都講過要當佢老婆係細路女咁看待，所以我更加唔會出手。雖然佢既行為會對會議造成影響，亦都示範左比同事睇，唔需要尊重我。本來心中有氣的，不過我都選擇左沉著應戰。原因只有一個，菲菲仲會尊重出糧比我既老細，唔會令佢難堪。老板娘單打我，只係顯得佢無量度，我唔還手就係我有量度，嬴哂！

要改善尖沙咀既士氣，老板娘係其中一個挑戰。我做幾多建設性既野，佢就做多一倍摧毀性既野。講到尾，盤生意係佢地兩公婆的，佢地要死我唔會阻止，吃力不討好既事，又浪費氣力又冇效果，呢 d 蝕本生意菲菲係唔會做的。

出黎做事，咩人都會有，如果個個都要比反應佢，未好唔得閒？呵呵呵~