糾紛

一早返到公司，電腦都未開，Candy 走黎投訴 Pansy 昨晚做野時太自私，唔理會其他同事需要用儀器而攪到其他同事工作上出現混亂。Candy 越講越氣結，我聽佢呻完之後問佢︰「你有冇同 Pansy 講？」。佢答︰「已經即時同佢講左啦。」。我又問︰「你而家咁嬲都冇用 ga，等佢返黎再同佢講啦。」。之後 Annie 返到黎，Candy 又同 Annie 講左一次，Annie 為左安撫佢，又走黎搵我講左一次。

駛唔駛一朝講幾次呀？同事之間成日都因為小事而出現糾紛，鑊鑊都搵我黎攪，女人多既地方真係好鬼麻煩。雖然我都係女人，公事上遇到糾紛都唔駛成日掛響口邊搵其他人黎攪掛？