傷心

有部份人寫 blog 都帶幾分哀愁，有慨嘆人生既，有愛情重傷既，有鬱鬱不得志既… 總括黎講，越睇越傷心。

睇左咁多，都會問下自己，我有冇呢份傷感呢？呢種感覺好似好陌生，一時體會唔到箇中的酸苦辣。唔係菲菲得天獨厚事事順利，只係看待逆境既心情唔同姐。人生不如意事十常八九，好明白寫 blog 係一個健康既宣洩途徑，既可吐一口悶氣，又唔傷害到人，都幾好 ga。不過要真正為自己療傷，菲菲會選擇提升正能量，令自己以正面既角度去面對不如意既事情。初時會覺得好虛偽，明明自己唔開心，仲扮咩開心姐！不過諗深一層，繼續由得負面情緒擴張，對事對自己都冇幫助，寫得多又比人覺得我煩，扣哂分，咁又何苦呢？

之後慢慢多以正面既角度去睇不如意事，原來可以響寫既過程啟發一下自己，越寫越睇透，更快捷地渡過傷痛。所以，傷心的感覺，對菲菲黎講真係越黎越陌生。