發現

從渣老板個博得知，AK 個博比熟人發現了，所以將個博刪了… 好可惜的一件事哩，我都未睇哂佢既文章… 嗚嗚嗚~~~~

最可惜既係，大家響度寫野既目的可能就係想有啖氣抖下，可以比自己任意發揮，講左仲可以唔負責，絕對係舒緩壓力既好地方。如果呢個地方比熟人知道左，彷彿一絲不掛咁企響認識既人面前，何其難以面對！

以前有網友問過我，我成日狠批公司既事，怕唔怕公司入面既人睇到。呢個問題我認真地諗過，答案係︰「唔怕！」。呢度寫既野對得住天地良心，如果佢地有緣見到既，未大家交流下 lor，哈哈哈！

雖然佢都唔知我係乜水，不過都衷心希望 AK 兄唔會因為比人發現左個博而有咩麻煩啦。